பதிவு செய்த நாள்
16 ஜூன்2012
14:30
சிறிய கார்களில் டீசல் மாடல்களை உருவாககுவதில் ஹூண்டாய் தீவிரமாகியுள்ளது. ஐ10 டீசல் மாடலை அடுத்த ஆண்டு விற்பனைக்கு கொண்டு வரும் முயற்சிகளை ஹூண்டாய் இறங்கியுள்ளது. ப்ளூயிடிக் டிசைனில் வடிவமைக்கப்பட்டு வரும் புதிய ஐ10 காருக்கு, 1.1 லிட்டர் டீசல் எஞ்சினை பொருத்த ஹூண்டாய் முடிவு செய்துள்ளது. மேலும், ப்ளூயிடிக் டிசைன் ஐ10 காரை துருக்கியை சேர்ந்த கிபார் ஹோல்டிங் நிறுவனத்துடன் இணைந்து வடிவமைத்து வருகிறது. பெரும் முதலீட்டில் புதிய ப்ளூயிடிக் ஐ10 காரையும், டீசல் எஞ்சினையும் இந்த இரு நிறுவனங்களும் இணைந்து வடிவமைத்து வருவதாக தகவல்கள் தெரிவிக்கின்றன. இதுதவிர, புதிய 800 சிசி பெட்ரோல் எஞ்சினையும் ஹூண்டாய் உருவாக்கி வருவதாகவும் கூறப்படுகிறது. இந்த புதிய எஞ்சினை தற்போது இந்தியாவில் சோதனை செய்யப்பட்டு வரும் கியா பிக்காண்டோ காரில் பொருத்த ஹூண்டாய் திட்டமிட்டுள்ளதாக தெரிகிறது. ஆனால், இதை ஹூண்டாய் உறுதிபடுத்தவில்லை. இந்த நிலையில், அடுத்த ஆண்டு இறுதியில் ப்ளூயிடிக் ஐ10 கார் டீசல் மாடலுடன் களமிறக்கப்படும் என்று தகவல்கள் வெளிவருகின்றன.
மேலும் ஆட்டோமொபைல் செய்திகள்
|
Advertisement
|
Advertisement
|
Advertisement
|
|
|
|