பதிவு செய்த நாள்
19 ஜூன்2012
15:03
இந்தியாவில் பல லட்சம் ரூபாய் மதிப்புள்ள சொகுசு ஸ்போர்ட்ஸ் பைக்கள் விற்பனை தற்போது பிரபலமாகி வருகிறது. அந்த வகையில், கவாசாக்கி நின்ஜா 250 ஆர், ஹோண்டா சிபிஆர் 250ஆர் போன்ற பைக்குகள் விற்பனையில் உள்ளன. தற்போது, டி.எஸ்.கே., மோட்டோவீல்ஸ்- ஹயோசங்க் நிறுவனம், புதிய பைக்கை அறிமுகப்படுத்தியுள்ளது. மஹாராஷ்டிரா மாநிலம் புனேயை மையாக கொண்டு செயல்படும் கார்வாரே மோட்டார்ஸ் நிறுவனம், சில மாதங்களுக்கு முன், கொரிய நாட்டை சேர்ந்த எஸ் அண்டு டி மோட்டார்ஸ் நிறுவனத்துடன் இணைந்து, இந்தியாவில் ஹயோசங்க் பைக்கை அறிமுகப்படுத்த முடிவு செய்தது. எனினும், கார்வாரே மோட்டார்ஸ் நிறுவன பங்குகளை, டி.எஸ்.கே., என்ற கட்டுமான நிறுவனம் வாங்கியுள்ளதால், இந்த நிறுவனம், டி.எஸ்.கே., மோட்டோவீல்ஸ் -ஹயோசங்க் நிறுவனமாக உருமாறியுள்ளது. இந்த நிறுவனம் தான், இந்த புதிய பைக்கை அறிமுகப்படுத்தியுள்ளது. இதன் விலை ரூ.2.75 லட்சம். இதில், வி -ட்வின் ஃபோர் ஸ்ட்ரோக் இன்ஜின் பொருத்தப்பட்டுள்ளது. முன்பக்க சக்கரத்தில் இரண்டு டிஸ்க் பிரேக்குகள், பின்பக்க சக்கரத்தில் ஒரு டிஸ்க் பிரேக் இடம் பெற்றுள்ளது. இந்த பைக்கின் எடை 188 கிலோ. வெளிநாட்டில் இருந்து உதிரி பாகங்களை இறக்குமதி செய்து, புனே அருகே வாய் என்ற இடத்தில் உள்ள தொழிற்சாலையில், இந்த பைக் உருவாக்கப்படுவதால், விலை அதிகமாக உள்ளது. உள்நாட்டிலேயே உதிரிபாகங்களை பெற்று தயாரித்தால், எதிர்காலத்தில் விலை குறைய வாய்ப்பு உண்டு.
மேலும் சந்தையில் புதுசு செய்திகள்
|
Advertisement
|
Advertisement
|
Advertisement
|
|
|
|