பதிவு செய்த நாள்
25 ஏப்2014
00:52
புதுடில்லி:சர்வதேச நாடுகளின் காபி ஏற்றுமதி, சென்ற பிப்ரவரி மாதத்தில், 4.3 சதவீதம் வளர்ச்சி கண்டு, 90 லட்சம் மூட்டைகளாக (ஒரு மூட்டை = 60 கிலோ) அதிகரித்து உள்ளது.கடந்தாண்டின் இதே மாதத்தில், சர்வதேச காபி ஏற்றுமதி, 86.20 லட்சம் மூட்டைகளாக இருந்தது என, சர்வதேச காபி கூட்டமைப்பு (ஐ.சி.ஓ.,) தெரிவித்துள்ளது.மதிப்பீட்டு மாதத்தில், வியட்னாம் நாட்டின் காபி ஏற்றுமதி, 28.2 சதவீதம் அதிகரித்து, 20 லட்சம் மூட்டைகளாக உயர்ந்து உள்ளது.
இருப்பினும், நடப்பு 2013 – 14ம் சந்தை பருவத்தின் (அக்., – செப்.,), முதல் ஐந்து மாதங்களில், வியட்னா மின் காபி ஏற்றுமதி, 73 லட்சம் மூட்டைகளாக சரிவடைந்து உள்ளது. இது, இதற்கு முந்தைய பருவத்தில், 92 லட்சம் மூட்டைகளாக அதிகரித்து காணப்பட்டது.பிரேசிலின் காபி உற்பத்தியில் நிச்சயமற்ற சூழல் நிலவுவதால், சர்வதேச அளவில் இதன் விலை, ஏற்ற, இறக்கத்துடன் காணப்படுகிறது.சென்ற பிப்ரவரியில், பிரேசிலின் காபி ஏற்றுமதி, 27 லட்சம் மூட்டைகளாக உயர்ந்துள்ளது. இது, சென்ற ஆண்டின் இதே மாதத்தில், 22 லட்சம் மூட்டைகளாக இருந்தது.இருப்பினும், உலகளவில், காபி ஏற்றுமதியில் மூன்றாவது மிகப்பெரிய நாடாக திகழும், இந்தோனேஷியாவின் காபி ஏற்றுமதி, கணக்கீட்டு மாதத்தில், 2.30 லட்சம் மூட்டைகளாக வீழ்ச்சி கண்டு உள்ளது.
இது, கடந்தாண்டின் இதே மாதத்தில், 7.10 லட்சம் மூட்டைகளாக மிகவும் அதிகரித்து காணப்பட்டது.இதே போன்று, இந்தியாவின் காபி ஏற்றுமதியும், 5.90 லட்சம் மூட்டைகளிலிருந்து, 5.60 லட்சம் மூட்டைகளாக சரிவடைந்துள்ளது.மதிப்பீட்டு மாதத்தில், ஒட்டு மொத்த காபி ஏற்றுமதியில், அராபிகா வகை காபியின் பங்களிப்பு, 54 லட்சம் மூட்டைகளிலிருந்து, 57 லட்சம் மூட்டைகளாக வளர்ச்சி கண்டுள்ளது.அதே சமயம், ரோபஸ்டா வகை காபி ஏற்றுமதி, 32.50 லட்சம் மூட்டை களிலிருந்து, 31.60 லட்சம் மூட்டை களாக குறைந்துள்ளது.
கடந்தாண்டில், சர்வதேச காபி உற்பத்தி, 9.8 சதவீதம் வளர்ச்சி கண்டு, 14.52 கோடி மூட்டைகளாக இருந்தது என, ஐ.சி.ஓ., மேலும் தெரிவித்துள்ளது.
மேலும் கம்மாடிட்டி செய்திகள்
|
Advertisement
|
Advertisement
|
Advertisement
|
|
|
|