பதிவு செய்த நாள்
30 ஜூலை2014
23:48
புதுடில்லி: நாட்டின் பொறியியல் சாதனங்கள் ஏற்றுமதி, நடப்பு நிதியாண்டின் முதல் காலாண்டில் (ஏப்.,–ஜூன்), 24.15 சதவீதம் வளர்ச்சி கண்டு, 1.02 லட்சம் கோடி ரூபாயாக (1,694 கோடி டாலர்) உயர்ந்துள்ளது.
விண்கலம்:மோட்டார் வாகனம், விமானம் மற்றும் விண்கல உதிரிபாகங்கள் ஏற்றுமதி சிறப்பான அளவில் வளர்ச்சி கண்டதையடுத்து, ஒட்டு மொத்த பொறியியல் சாதனங்கள் ஏற்றுமதி குறிப்பிடத்தக்க அளவிற்கு அதிகரித்துள்ளது என, இந்திய பொறியியல் சாதனங்கள் ஏற்றுமதி மேம்பாட்டு கவுன்சில் (இ.இ.பி.சி.,) தெரிவித்துள்ளது.
மதிப்பீட்டு காலாண்டில், விமானம் மற்றும் விண்கல பாகங்கள் ஏற்றுமதி, 9 ஆயிரம் கோடி ரூபாயாக (150 கோடி டாலர்) அதிகரித்துள்ளது. இது, இதற்கு முந்தைய காலாண்டில், 3,444 கோடி ரூபாயாக (57.40 கோடி டாலர்) இருந்தது.இதையடுத்து, கலப்பு உலோக துறை மற்றும் உலோக சாதனங்கள் ஏற்றுமதி, 36.12 சதவீதம் உயர்ந்து, 8,880 கோடி ரூபாயாக (148 கோடி டாலர்) வளர்ச்சி கண்டுள்ளது. கணக்கீட்டு காலாண்டில், கார்கள், இருசக்கர வாகனங்கள், மூன்று சக்கர வாகனங்கள், மோட்டார் வாகன உதிரிபாகங்கள் ஏற்றுமதி, 24.52 சதவீதம் அதிகரித்து, 18 ஆயிரம் கோடி ரூபாயாக (300 கோடி டாலர்) உயர்ந்துள்ளது.
நவீன தொழிற்நுட்பம்:பொறியியல் பொருட்கள் ஏற்றுமதி சிறப்பான அளவில் வளர்ச்சி கண்டுள்ளது என்பது, போட்டி மிகுந்த இத்துறையில், அதிநவீன தொழில்நுட்பம் மற்றும் உயர் மதிப்பு கொண்ட இந்திய பொறியியல் பொருட்களுக்கு தேவை அதிகரித்து வருவதை எடுத்துக்காட்டுவதாக உள்ளது என, இ.இ.பி.சி.,யின் தலைவர் அனுபம் ஷா தெரிவித்தார்.
ஒட்டு மொத்த பொறியியல் சாதனங்கள் ஏற்றுமதியில், ஐரோப்பிய கூட்டமைப்பு நாடுகளின் பங்களிப்பு தொடர்ந்து முன்னிலையில் உள்ளது. இக்கூட்டமைப்பு நாடுகளுக்கான, இந்திய பொறியியல் சாதனங்கள் ஏற்றுமதி, கணக்கீட்டு காலாண்டில், 16.59 சதவீதம் வளர்ச்சி கண்டு, 285 கோடி டாலராக அதிகரித்துஉள்ளது.
இதே போன்று, மேற்கு ஆசியா மற்றும் தெற்கு ஆசியா நாடுகளுக்கான பொறியியல் சாதனங்கள் ஏற்றுமதி, முறையே, 72 சதவீதம் மற்றும் 73 சதவீதம் என்ற அளவில் சிறப்பாக உயர்ந்துள்ளது.
மேலும் ஆட்டோமொபைல் செய்திகள்
|
Advertisement
|
Advertisement
|
Advertisement
|
|
|
|