தேனி : கடும் வறட்சியால் விளைச்சல் பாதிக்கப்பட்டதால் சிறு தானியங்களின் விலை ஒரே வாரத்தில் கிலோ விற்கு 5 ரூபாய் வரை உயர்ந்துள்ளது. அரிசியை விட விலை உயர்ந்தாலும் விற்பனை குறையவில்லை. தமிழகத்தில் கடந்த 3 ஆண்டுகளாக போதிய மழை பெய்யவில்லை. இதனால் சிறுதானியங்களின் விளைச்சல் பாதிக்கப்பட்டுள்ளது. அதே வேளை சிறுதானியங்களை உணவாக பயன்படுத்துவோர் எண்ணிக்கையும் உயர்ந்து வருகிறது. தேவை அதிகரித்துள்ள நிலையில் விளைச்சல் பாதிக்கப்பட்டதால் இவற்றின் விலைகள் உயர்ந்துள்ளது.
கர்நாடகாவில் இருந்து கேழ்வரகு வரத்து மட்டும் உள்ளது. தமிழகத்தில் மக்காச்சோளமும், சோளமும் வரத்து உள்ளது. மற்ற சிறு தானியங்கள் தற்போது வரத்து இல்லாத நிலையில், இருப்பு உள்ள சிறுதானியங்கள் மட்டுமே விற்பனைக்கு வந்து உள்ளன. எனவே இவற்றின் விலை கடுமையாக உயர்ந்துள்ளது. கடந்த ஒரு வாரத்திற்குள் கிலோவிற்கு 5 ரூபாய் வரை உயர்ந்துள்ளது.
நேற்று தேனி மார்க்கெட்டில் ஒரு கிலோ கம்பு ரூ.20, சோளம் 19.50, மக்காச்சோளம் 16.50, சாமை அரிசி 56, கேழ்வரகு 26, வரகு அரிசி 56, குதிரைவாலி அரிசி 55, தினை அரிசி 50 ரூபாய்க்கு விற்கப்படுகிறது. மாட்டுத்தீவனத்திற்கு பயன்படும் கம்பு 17 முதல் 18 ரூபாய் வரை விலை போகிறது. இதனால் இவற்றை பயன்படுத்தி தயாரிக்கப்படும் மாட்டுத்தீவனங்கள் விலையும் உயர்ந்துள்ளது.
தேனி வியாபாரி சீனிவாசகன் கூறுகையில், 'தமிழகம், கர்நாடகா, ஆந்திராவில் சிறுதானியங்கள் விளைச்சல் இல்லாததால் மார்க்கெட்டில் விற்க போதுமான அளவு கூட இருப்பு இல்லை. ஆனால் சிறுதானியங்களின் தேவையும், விற்பனையும் நாளுக்கு நாள், அதிகரித்து வருகிறது. மக்கள் உடல் நலனில் அதிக கவனம் செலுத்த தொடங்கி உள்ளதால், சிறிதளவு விலை உயர்வைப் பற்றி கவலைப்படுவதில்லை. அரிசி வாங்குவதை குறைத்துக் கொண்டு சிறுதானியங்களை வாங்கி பயன்படுத்துபவர்களின் எண்ணிக்கை அதிகரித்துக் கொண்டே வருகிறது. இப்போதைய இருப்பு அடுத்த சீசன் வரை தேவைக்கு போதாது. எனவே இன்னும் விலை உயரும் வாய்ப்புகள் உள்ளது,' என்றார்.

மேலும் கம்மாடிட்டி செய்திகள்

நடப்பு மாதத்தில் ஏற்றுமதி 23.7 சதவீதம் அதிகரிப்பு ஆகஸ்ட் 15,2014

புதுடில்லி : நாட்டின் ஏற்றுமதி, இம்மாதம் 1 – 21ம் தேதி வரையிலான காலத்தில், 23.7 சதவீதம் உயர்ந்துள்ளதாக, மத்திய ... மேலும்

நிதி நிலை முடிவுகள்; அறிவிக்க தயாராகும் எல்.ஐ.சி., ஆகஸ்ட் 15,2014

புதுடில்லி : எல்.ஐ.சி., நிறுவனத்தின் இயக்குனர்கள் குழு, கடந்த மார்ச் மாதத்துடன் முடிவடைந்த நிதியாண்டிற்கான ... மேலும்

புதிய பங்கு வெளியீட்டுக்கு 3 நிறுவனங்களுக்கு அனுமதி ஆகஸ்ட் 15,2014

புதுடில்லி : பங்குச் சந்தை கட்டுப்பாட்டு அமைப்பான ‘செபி’, மூன்று நிறுவனங்களுக்கு, புதிய பங்கு வெளியீட்டுக்கு ... மேலும்

தங்கம் வெள்ளி சந்தை ஆகஸ்ட் 15,2014

தங்கம்1 கி: 4,739.008 கி: 37,912.00வெள்ளி1 கிராம்: 65.401 கிலோ: 65,400.00என்.எஸ்.இ.,16259.3016240.3019.00 (0.12%) இறக்கம் சிவப்புபி.எஸ்.இ.,54318.4754208.53109.94 (0.20%) இறக்கம் ... மேலும்

தங்கம் விலை தொடர்ந்து சரிவதற்கு என்ன காரணம்? ஆகஸ்ட் 15,2014

ஈரோடு–சர்வதேச முதலீட்டாளர்கள், டாலரில் முதலீடு செய்வதாலும், பல நாடுகள் கையிருப்பு தங்கத்தை விற்பனைக்கு ... மேலும்