பதிவு செய்த நாள்
01 செப்2014
00:45
புதுடில்லி;சென்ற ஜூன் மாதத்தில், 17,615 கோடி ரூபாய் மதிப்பிற்கு, உள்நாட்டில் கனிமங்கள் உற்பத்தி செய்யப்பட்டு உள்ளன என்று, மத்திய சுரங்க அமைச்சகம் தெரிவித்து உள்ளது.மதிப்பீட்டு மாதத்தில், நிலக்கரி உற்பத்தி, 9.7 சதவீதம் வளர்ச்சி கண்டு, 441 லட்சம் டன்னாக அதிகரித்துள்ளது. இதன் மதிப்பு, 5,882 கோடி ரூபாயாகும்.
இதேபோன்று, பெட்ரோலியம் (கச்சா) உற்பத்தி, 0.1 சதவீதம் மட்டுமே உயர்ந்து, 31 லட்சம் டன்னாக அதிகரித்துள்ளது. இதன் மதிப்பு, 5,706 கோடியாகும். இரும்புத்தாது உற்பத்தி, 7.7 சதவீதம் வளர்ச்சி கண்டு, 117 லட்சம் டன்னாக உயர்ந்துள்ளது. இதன் மதிப்பு, 2,360 கோடி ரூபாயாகும்.அதேசமயம், கணக்கீட்டு மாதத்தில், இயற்கை எரிவாயு உற்பத்தி, 1.5 சதவீதம் பின்னடைவை கண்டு, 282.60 கோடி கனமீட்டராக குறைந்துள்ளது. இதன் மதிப்பு, 1,809 கோடி ரூபாயாகும்.மேலும், பழுப்பு நிலக்கரி (43 லட்சம் டன்), சுண்ணாம்புக்கல் (238 லட்சம் டன்) ஆகியவற்றின் உற்பத்தி மதிப்பு, முறையே, 490 கோடி மற்றும் 403 கோடி ரூபாய் என்றளவில் உள்ளன.நாட்டின் மொத்த கனிமங்கள் உற்பத்தி மதிப்பில், மேற்கண்ட, ஆறு கனிமங்களின் பங்களிப்பு, 95 சதவீதமாக உள்ளது.
மேலும் பொது செய்திகள்
|
Advertisement
|
Advertisement
|
Advertisement
|
|
|
|