சென்னை : ஊதிய உயர்வு கோரிக்கையை வலியுறுத்தி, நவ., 12ம் தேதி, ஒருநாள் அடையாள வேலை நிறுத்தத்தை, வங்கி ஊழியர்கள், அதிகாரிகள் சங்கங்களின் கூட்டமைப்பு அறிவித்து உள்ளது. கூட்டமைப்பின் கூட்டம் பெங்களூரில் நேற்று நடந்தது. இதில், வேலைநிறுத்தம் செய்வதற்கான முடிவு எடுக்கப்பட்டு உள்ளது.
இதுகுறித்து, கூட்டமைப்பின் பொதுச்செயலர் சீனிவாசன் கூறியதாவது: வங்கி ஊழியர்கள் மற்றும் அதிகாரிகளுக்கான ஊதிய உயர்வு ஒப்பந்தம், காலாவதியாகி இரு ஆண்டுகள் ஆகிறது. இதைத் தொடர்ந்து, புதிய ஊதிய உயர்வு ஒப்பந்தத்தை ஏற்படுத்த, பல கட்டப் பேச்சுவார்த்தையை, வங்கி நிர்வாகத்துடன், கூட்டமைப்பினர் நடத்தினர். இதில், 25 சதவீத ஊதிய உயர்வு கோரிக்கையை, வங்கி நிர்வாகம் ஏற்கவில்லை. மாறாக, 11 சதவீத ஊதிய உயர்வு அளிக்க முன்வந்துள்ளது; இதனால், பேச்சுவார்த்தை தோல்வி அடைந்துள்ளது.
இந்நிலையில், ஊதிய உயர்வு கோரிக்கையை வலியுறுத்தி, வரும் 17 மற்றும் 30ம் தேதிகளில், நாடு முழுவதும் போராட்டம் நடத்துகிறோம். நவ., 12ம் தேதி, ஒரு நாள் அடையாள வேலை நிறுத்தத்தில் ஈடுபடுகிறோம். இதன்பின்னும், புதிய ஊதிய உயர்வு ஒப்பந்தம் ஏற்படுத்த வில்லை எனில், நாட்டில் உள்ள தெற்கு, வடக்கு, மேற்கு, கிழக்கு ஆகிய வங்கி மண்டலங்கில், ஒருநாள் வீதம் தொடர்ந்து நான்கு நாள்கள், வேலைநிறுத்தத்தை, டிச., 2ம் தேதி முதல், 5ம் தேதி வரை நடத்த முடிவு செய்துள்ளோம். இப்போராட்டங்களுக்கு, வங்கி நிர்வாகங்கள் மதிப்பு அளிக்கவில்லை எனில், காலவரையற்ற வேலைநிறுத்தத்தை, டிசம்பரில் அறிவிப்போம்.இவ்வாறு, அவர் கூறினார்.

மேலும் வங்கி மற்றும் நிதி செய்திகள்

உங்கள் முதல் சம்பளத்தில் மேற்கொள்ள வேண்டிய முதலீடுகள் அக்டோபர் 15,2014

முதல் சம்பளம் பெறும் போது உண்டாகும் உற்சாகமான மனநிலையில் பெரும்பாலானோர், சேமிப்பு பற்றியோ முதலீடு பற்றியோ ... மேலும்

வாராக் கடன் பிரச்னைகள் தீர்க்கும் முயற்சியில் தீவிரம் அக்டோபர் 15,2014

புதுடில்லி:வங்கிகளில் உள்ள வாராக் கடன்களின் முதல் தொகுப்பு, ‘தேசிய சொத்து மறுசீரமைப்பு’ நிறுவனத்தின் வசம் ... மேலும்

வைப்பு நிதி முதலீட்டில் அதிக பலன் பெற வழிகள் அக்டோபர் 15,2014

வட்டி விகிதம் உயரத் துவங்கியிருக்கும் சூழலில், வைப்பு நிதி முதலீட்டு உத்தி எப்படி இருக்க வேண்டும் என்பது ... மேலும்

ரிசர்வ் வங்கி நிச்சயம் வட்டியை உயர்த்தும் அக்டோபர் 15,2014

புதுடில்லி:ரிசர்வ் வங்கி 8ம் தேதி அன்று, அதன் பணக் கொள்கை கூட்டத்தின் முடிவில், மேலும் 0.4 சதவீதம் அளவுக்கு ... மேலும்

வீடுகள் விலை உயர்வுரிசர்வ் வங்கி அறிக்கை அக்டோபர் 15,2014

மும்பை:அகில இந்திய அளவில், வீடுகளின் விலை குறித்த குறியீட்டு எண் ஆன, எச்.பி.ஐ., கடந்த மார்ச் மாதத்துடன் ... மேலும்