பதிவு செய்த நாள்
20 நவ2014
10:18
ஜப்பானைச் சேர்ந்த ஹோண்டா கார் நிறுவனம், இந்தியாவில், கடந்த ஆண்டு ஏப்ரலில், ‘அமேஸ்’ காரை அறிமுகம் செய்தது. இது, பெட்ரோல் மற்றும் டீசல் என இரண்டு வகைகளிலும் கிடைக்கும். 5 ஸ்பீடு மேனுவல் கியர் வசதி கொண்டது. உ.பி., மாநிலம், நொய்டாவில் உள்ள ஹோண்டா தொழிற்சாலையில், ‘அமேஸ்’ கார் உற்பத்தி செய்யப்படுகிறது. ஒரு லட்சம், ‘அமேஸ்’ கார்கள் விற்பனை என்ற சாதனை சமீபத்தில் நிகழ்த்தப்பட்டது.இதை கொண்டாடும் விதமாக, 23,800 கி.மீ., தூரத்திற்கு, ‘அமேஸ்’ காரை இயக்கும் திட்டம் செயல்படுத்தப்பட்டது.
இந்தியாவில் உள்ள நெடுஞ்சாலைகள், கரடு முரடான சாலைகள், மலைப்பாதைகள், போக்குவரத்து நெரிசல் மிகுந்த சாலைகள் என பல வகையான சாலைகளில், இந்த கார் இயக்கப்பட்டது. இந்த முயற்சி, செப்., 12ம் தேதி, ராஜஸ்தான் மாநிலம், ஜோத்பூரில் துவங்கியது. 55 நாட்களுக்கு தொடர்ச்சியாக, இந்த கார் இயக்கப்பட்டது. அந்த வகையில், ஒரே நாட்டில், மிக நீண்ட தூரத்திற்கு இயக்கப்பட்ட கார் என்ற பிரிவில், ஹோண்டா, ‘அமேஸ்’ கார் தேர்வு செய்யப்பட்டது என நிறுவனம் தரப்பில் தெரிவிக்கப்பட்டது.
மேலும் ஆட்டோமொபைல் செய்திகள்
|
Advertisement
|
Advertisement
|
Advertisement
|
|
|
|