பதிவு செய்த நாள்
18 டிச2014
11:03
கார் வாங்குவதை விட அதை ஓட்டும்போது தான் மிகவும் கவனமாக இருக்க வேண்டும். பொதுவாக வாகனங்களை ஓட்டுவதற்கு தைரியம் மிகவும் முக்கியம். பயமில்லாமல் இருந்தால் வாகனம் ஓட்டுவதை எளிதில் கற்றுக்கொள்ளலாம். பைக், கார் எதுவாக இருந்தாலும் கியர் மாற்றுவதை பழகிக் கொண்டாலே 90 சதவீதம் வாகனம் ஓட்டுவதில் நீங்கள் கில்லாடி தான்.
கார் ஓட்டுவதற்கு கியர் மாற்றும் திறமை மிக அவசியம் . எரிபொருள் சிக்கனத்துக்கும், கியர் மாற்றத்துக்கும் தொடர்பு இருக்கிறது. வேகத்துக்கு ஏற்ப கியர் மாற்றுவதை பற்றி தெரிந்து கொண்டால் எரிபொருளையும் சேமிக்கலாம். இதனால் நமது பணத்தை மிச்சப்படுத்தலாம். காரும் எவ்வித சிக்கலுமின்றி செல்லும். சரியாக கியரை இயக்குவதன் மூலம் கியர் பாக்ஸ் மற்றும் இன்ஜினின் வாழ்நாளையும் அதிகரிக்கலாம். மேனுவல் டிரான்ஸ்மிஷன் உள்ள கார்களில் முதல் கியர் போட்டவுடன், 10 கி.மீ., முதல் 15 கி.மீ., வேகம் செல்லும் வரை, இரண்டாவது கியரை போட வேண்டாம், 15 கி.மீ., வேகத்துக்குப்பின், 2வது கியரை மாற்றலாம்.
வளைவுகளில் செல்லும் போது இரண்டாவது கியரையே பயன்படுத்தலாம். வேகம் அதிகரித்த பின் அடுத்தடுத்த கியர்களை மாற்றலாம். இன்ஜினில் வரும் சத்தத்தை பொருத்து கியர்களை மாற்றுவதை பற்றி தெரிந்து கொள்ளலாம். ரிவர்ஸ் கியரை மாற்றும் போது, ‘கிளட்ச்’ மற்றும் ‘ஆக்சிலேட்டரை’ சரியான அளவில் கவனமாக கொடுக்க வேண்டும்.
மேலும் ஆட்டோமொபைல் செய்திகள்
|
Advertisement
|
Advertisement
|
Advertisement
|
|
|
|