பதிவு செய்த நாள்
27 ஜூன்2015
08:40
ஐதராபாத் : லைவ் டிவி, வீடியோ ஆன் டிமாண்ட், ஆன் டிமாண்ட் மூவி சொல்யூசன்ஸ் உள்ளிட்ட சேவைகளை வழங்கி வருவதில் முன்னணி நிறுவனமாக உள்ள யூப் டிவி நிறுவனம், வட அமெரிக்காவின் உயரிய விருதான "ரெட் ஹெரிங்" விருதை வென்றுள்ளது.சர்வதேச அளவில், டெக்னாலஜி இண்டஸ்ட்ரி, இன்வெஸ்டர்ஸ், எண்டர்டெய்ன்மெண்ட் மற்றும் மீடியா உள்ளிட்ட துறைகளில் சிறந்து விளங்கும், 100 நிறுவனங்களை தேர்ந்தெடுத்து, அவர்களை கவுரவிக்கும் வகையில், ரெட் ஹெரிங் விருது வழங்கப்பட்டு வருகிறது. அந்த வகையில், யூப் டிவி நிறுவனம், இந்த விருதை வென்றுள்ளது. ரெட் ஹெரிங் விருதுக்கு தேர்வான 100 நிறுவனங்களில், யூப் டிவி நிறுவனம் மட்டுமே, எண்டர்டெய்ன்மெண்ட் மற்றும் மீடியா பிரிவில் , இந்த விருதை வென்றிருப்பது குறிப்பிடத்தக்கது.நிறுவனங்களின் சேவையை கவுரவிக்கும் வகையில், 1996ம் ஆண்டு முதல் ரெட் ஹெரிங் விருது வழங்கப்பட்டு வருகிறது. இந்த விருது, நிறுவனங்களின் அப்போதைய நிலையை மட்டும் கருத்தில் கொள்ளாமல், அந்நிறுவனங்கள் இந்தளவிற்கு முன்னேற வகுத்த பாதைகள், எதிர்கொண்ட இன்னல்கள் அதை முறியடிக்க மேற்கொண்ட நடவடிக்கைகள், மக்களுக்கு, இந்நிறுவனத்தின் மேல் உள்ள நன்மதிப்பு உள்ளிட்டவைகளை கருத்தில்கொண்டே, நிறுவனங்களை மதிப்பீடு செய்கிறோம். 2015ம் ஆண்டின் விருதிற்காக, கிட்டத்தட்ட 1,200 நிறுவனங்களை, எங்களது எடிட்டோரியல் டீம், ஆய்விற்கு மேற்கொண்டோம். தொழில்முனைவோர்கள் சமீபகாலமாக, சர்வதேச அளவில் அதிகரித்து வருவதால், சிறந்த சேவையை வழங்க வேண்டும் என்று அவர்களுக்குள் பெரும்போட்டியே நிலவிவருகிறது. அவற்றிலிருந்து 100 நிறுவனங்களை பல்வேறு வழிமுறைகளை மேற்கொண்டு தேர்ந்தெடு்த்துள்ளாக ரெட் ஹெரிங் நிறுவன தலைமை நிர்வாக அதிகாரி அலெக்ஸ் வியூக்ஸ் கூறினார்.கூகுள், பேஸ்புக், டுவிட்டர், ஸ்கைப், இபே என முன்னணி நிறுவனங்கள் மட்டுமே, இந்த விருதுகளை பெற்றிருந்த நிலையில், இத்துறையில் கால்பதித்து சில ஆண்டுகளே ஆன தங்கள் நிறுவனமும் இவ்விருதை வென்றிருப்பது மகிழ்ச்சியளிப்பதாக யூப் டிவி தலைமை செயல் அதிகாரி உதய்நாதன் ரெட்டி தெரிவித்துள்ளார்.
மேலும் பொது செய்திகள்
|
Advertisement
|
Advertisement
|
Advertisement
|
|
|
|