பதிவு செய்த நாள்
04 செப்2015
12:52
சர்வதேச சந்தையில் அறிமுகப்படுத்தி ஓராண்டுக்கு பின், இந்தியாவில், ‘டிஸ்கவரி ஸ்போர்ட்’ என்ற, எஸ்.யு.வி., வாகன விற்பனையை, லேண்ட் ரோவர் நிறுவனம் துவங்கி உள்ளது. இந்தியாவில், சிறப்பாக விற்பனையாகி வரும் அதன் மற்றோர் மாடலான, ‘ப்ரீலேண்டர்’ வாகனத்திற்கு பதிலாக, ‘ஸ்போர்ட்’ அறிமுகப்படுத்தப்பட்டு உள்ளது.
மும்பையில், இதன் ஷோரூம் விலை, 46.1 லட்சம் ரூபாய்; இதில், மூன்றாண்டுகளுக்கான இலவச சர்வீஸ் சலுகை அடங்கும். இது, ‘எஸ், எஸ் – இ, எச்எஸ் – இ, எச்எஸ் – இ லக்சரி’ ஆகிய நான்கு மாடல்களில் கிடைக்கும். இதற்கு போட்டி தரக்கூடிய, ‘ஆடி கியூ5, பி.எம்.டபிள்யூ., – எக்ஸ்3, வால்வோ எக்ஸ் சி60’ ஆகியவற்றில் இல்லாத வகையில், ஏழு பேர் அமரும் வசதியை கொண்டிருப்பது, கூடுதல் அம்சம். சாலையில், முழங்கால் அளவு நீர் தேங்கி இருந்தாலும், சளைக்காமல் செல்லக்கூடியது. புல், கற்கள், பனி, சகதி என, அந்தந்த சாலைகள் மற்றும் காலநிலைக்கேற்ப வாகனத்தை செலுத்துவதற்காக, ‘செட்டிங்க்ஸ்’ இடம் பெற்றுள்ளது.
மலையேறும் போது கட்டுப்பாட்டாக இயங்க உதவும், எச்.டி.சி., மற்றும் சாலையில் பிடிமானத்தை அதிகரிக்கும், ஆர்.எஸ்.சி., மற்றும் டி.எஸ்.சி., ஆகிய கன்ட்ரோல் வசதிகள் உள்ளன.
மேலும் ஆட்டோமொபைல் செய்திகள்
|
Advertisement
|
Advertisement
|
Advertisement
|
|
|
|