பதிவு செய்த நாள்
23 மே2016
08:04
ஊழியர்கள் பணிமாறும் போது, பழைய பி.எப்., கணக்குகளை எளிதாக்கும் புதிய வசதி அறிமுகமாகியுள்ளது. பல ஊழியர்கள் வேறு நிறுவனத்திற்கு மாறும் போது, தங்கள் பழைய பி.எப்., கணக்கில் இருந்து பணத்தை எடுத்துக்கொண்டு விடுகின்றனர்.பலர் பழைய கணக்கை தொடராமல் அப்படியே விட்டுவிடுகின்றனர். பி.எப்., என்பது ஊழியர்களின் நீண்ட கால பாதுகாப்பிற்கானது என்பதால், அவர்கள் பணி மாறும் போது, பழைய கணக்குகளை எளிதாக ஒருங்கிணைக்கும் புதிய வசதி அறிமுகம் செய்யப்பட்டுள்ளது.
புதிய வசதிஒரு ஊழியர், ஒரு பி.எப்., கணக்கு எனும் பெயரில் அறிமுகம் செய்யப்பட்டுள்ள இந்த வசதி மூலம், உறுப்பினர்கள் தங்களின் தற்போதைய பி.எப்., கணக்கிற்கு, பழைய பி.எப்., கணக்குகளில் உள்ள தொகைகளை மாற்றிக்கொள்ளலாம். இந்த வசதியை பயன்படுத்திக்கொள்ள, உறுப்பினர்கள், தங்களுக்கான ஒருங்கிணைந்த நிரந்தர அடையாள எண்ணை (யு.ஏ.என்.,) பெற்றிருக்க வேண்டும். இந்த எண்ணுடன் மொபைல் போன் எண்ணும் இணைக்கப்பட்டிருக்க வேண்டும். அடுத்த கட்டமாக, பி.எப்., இணையதளத்திற்கு சென்று, சேவைகள் பிரிவில் ஊழியர்கள் எனும் பகுதியை தேர்வு செய்தால், அதில் ஒரு ஊழியர் ஒரு பி.எப்., கணக்கு வசதிக்கான பகுதியை பார்க்கலாம். அந்த பகுதியில் நிரந்தர எண், மொபைல்போன் எண் மற்றும் பி.எப்., எண்ணை சமர்ப்பிக்க வேண்டும். அதன் பின் மொபைல்போனுக்கு ஒரு முறை பாஸ்வேர்ட் அனுப்பி வைக்கப்படும். அதைக்கொண்டு அடுத்த பக்கத்திற்கு சென்று, மாற்ற வேண்டிய பழைய பி.எப்., கணக்கு எண்களை சமர்பிக்க வேண்டும். தற்போது பத்து பி.எப்., கணக்குகள் வரை சமர்ப்பிக்கும் வசதி இருக்கிறது.
பழைய கணக்குஇதன் பின், பி.எப்., கணக்கு எண்கள் சம்பந்தப்பட்ட பி.எப்., அலுவலகங்களுக்கு அனுப்பி வைக்கப்படும். நிரந்தர எண், ஆதார் அடையாள அட்டையுடன் இணைக்கப்பட்டிருந்தால் விவரங்கள் எளிதாக சரிபார்க்கப்பட்டு, பழைய கணக்குகளில் உள்ள தொகை தற்போதைய கணக்கிற்கு மாற்றப்படும். ஆதார் அடையாள அட்டையுடன் இணைக்கப்படா விட்டால் பி.எப்., அலுவலகம், ஊழியரின் அடையாளத்தை உறுதி செய்யும் விவரங்களை கேட்டு பெற்றபின், பழைய கணக்குகளின் தொகை மாற்றம் செய்யப்பட வழி செய்யும். இதில் ஏதேனும் பிரச்னை எழுந்தாலும் பிராந்திய அலுவலகம், ஊழியர்களுக்கு தேவையான உதவிகளை செய்து வழிகாட்டும்.
ஆதார் எண்மேலும் நிரந்தர எண்ணுடன் இணைக்கப்பட்ட கணக்கு எனில் மாற்றம் தானாக நிகழும் வசதி உள்ளது. அதாவது அடுத்த முறை ஊழியர் பணிமாறும் போது, நிரந்தர எண்ணை புதிய நிறுவனத்தில் சமர்பித்தாலே போதுமானது. அதன் பின் துவக்கப்படும் புதிய பி.எப்., கணக்கில் பழைய கணக்கில் உள்ள பணம் மாற்றப்படும். இந்த சேவை பற்றிய விவரங்களுக்கு: http://oeoea.epfoservices.com/UANDEDUP
மேலும் வங்கி மற்றும் நிதி செய்திகள்
|
Advertisement
|
Advertisement
|
Advertisement
|
|
|
|