பதிவு செய்த நாள்
27 ஜூன்2016
07:34
கையில் ஸ்மார்ட் போன் யுகத்தில் மொபைல் வாலெட்கள் வேகமாக பிரபலமாகி வருகின்றன. பொருட்களை வாங்க, கட்டணம் செலுத்த, பணம் எடுக்க என, பலவிதங்களில் இவை பயன்படுகின்றன. மொபைல் வாலெட் என்பது டிஜிட்டல் வடிவிலான பர்ஸ் போன்றது. மின்னணு வடிவிலான பிரிபைடு அக்கவுண்ட் அல்லது கார்டு என்றும் புரிந்து கொள்ளலாம்.
என்ன செய்யலாம்?* மின் கட்டணம், குடிநீர் கட்டணம், தொலைபேசி கட்டணம் உள்ளிட்ட சேவைகளுக்கான கட்டணம் செலுத்த பயன்படுத்தலாம்* மொபைல் போன் மற்றும், ‘டிடிஎச்’ சேவைக்கான ரீசார்ஜ் செய்யலாம்* திரைப்பட டிக்கெட், ரயில், பஸ் மற்றும் விமான டிக்கெட் முன்பதிவு செய்யலாம். ஓட்டல் அறைகளை பதிவு செய்யலாம் * ஒரு வாலெட்டில் இருந்து இன்னொரு வாலெட்டுக்கு அல்லது வங்கி கணக்கிற்கு பணம் அனுப்பலாம் * இணையத்தில் பொருட்களை வாங்க பயன்படுத்தலாம். வாலெட் ஏற்கப்படும் கடைகளிலும் பயன்படுத்தலாம்* ஏஜன்ட்கள், ரீடைல் நிறுவனங்கள் மற்றும் ஏ.டி.எம்.,மில் இருந்து பணம் எடுக்கலாம்.
எவ்வளவு தொகை?மொபைல் வாலெட்களில் பயன்படுத்தக்கூடிய தொகைக்கு வரம்பு உண்டு. ரிசர்வ் வங்கி அடிப்படை வாலெட்களுக்கு 10 ஆயிரம் ரூபாய் என, வரம்பு நிர்ணயித்துள்ளது. கே.ஒய்.சி., பூர்த்தி செய்யப்பட்ட வாலெட்களில் ஒரு லட்சம் ரூபாய் வரை அனுமதி உண்டு. வாலெட்கள் பரிவர்த்தனைக்கு கட்டணமும் உண்டு.
எப்படி பயன்படுத்துவது?* மொபைல் வாலெட் சேவையை தேர்வு செய்த பிறகு, அதன் செயலியை ஸ்மார்ட் போனில் டவுன்லோடு செய்து அதில் உறுப்பினராக பதிவு செய்து கொள்ள வேண்டும்* அதன் பிறகு கிரெடிட் கார்டு மற்றும் டெபிட் கார்டு அல்லது இணைய வங்கி சேவை மூலம் அதில் பணத்தை ஏற்ற வேண்டும். ஒரு சில சேவைகளில் ரொக்கமாகவும் செலுத்தலாம்* இனி, பரிவர்த்தனைகளின் போது, பாஸ்வேர்ட் அல்லது பின் எண் மூலம் பொருட்களை வாங்க அல்லது பணம் செலுத்த வாலெட்டை பயன்படுத்தலாம்.
எத்தனை வகை மொபைல் வாலெட் பிரதானமாக மூன்று வகையாக அமைகின்றன.* குளோஸ்ட் வாலெட்: குறிப்பிட்ட வர்த்தக நிறுவனத்தின் சேவைகள் மற்றும் பொருட்களை வாங்க மட்டுமே பயன்படுத்த முடியும். பணம் திரும்பி செலுத்தப்பட்டாலும் அதே நிறுவனத்திடம் பயன்படுத்த முடியாது; ரொக்கமாக பணம் எடுக்க முடியாது. உதாரணம்: புக்மைஷோ, மேக்மைடிரிப், பிளிப்கார்ட்.* செமி குளோஸ்ட்: நிதிச் சேவைகள் உட்பட, சேவைகள் மற்றும் பொருட்களை, சேவை நிறுவனம் ஒப்பந்தம் செய்து கொண்டுள்ள குறிப்பிட்ட வர்த்தக நிறுவனங்களிடம் இருந்து பெற பயன்படுத்தலாம். பணத்தை ரொக்கமாக எடுக்க முடியாது. உதாரணம்: பேடிஎம், மொபிகுவிக், சிட்ரஸ், பேயுமணி, ஆக்சிஜென், எம்பெசா* ஓபன் வாலெட்: பொருட்கள் மற்றும் சேவைகள் பெற பயன்படுத்துவதோடு, பணம் பெற அல்லது ரொக்கம் எடுக்க பயன்படுத்தலாம். வங்கிகளால் வழங்கப்படுபவை. உதாரணம்: ஐ.சி.ஐ.சி.ஐ., பாக்கெட்ஸ், எச்.டி.எப்.சி., பாங்க் பேஜாப், எஸ்.பி.ஐ., பட்டி.
தொழில்நுட்பம் மொபைல் வாலெட்கள் 3ஜி, வைபை, என்.எப்.சி., கியு.ஆர்., கோட், கிளவுட் என பலவித தொழில்நுட்பங்களை பயன்படுத்தி செயல்படுகின்றன.
மேலும் வங்கி மற்றும் நிதி செய்திகள்
|
Advertisement
|
Advertisement
|
Advertisement
|
|
|
|