பதிவு செய்த நாள்
30 ஆக2016
04:42
புதுடில்லி : அதிக கார்கள் விற்பனையில், முதல், 10 இடங்களில், ஆறு மாடல்களுடன், மாருதி சுசூகி முதலிடத்தில் உள்ளது.
இந்திய மோட்டார் வாகன உற்பத்தியாளர் கூட்டமைப்பு, கடந்த ஜூலையில், உள்நாட்டில் கார் விற்பனையில், முதல், 10 இடங்களில் உள்ள நிறுவனங்களின் பட்டியலை வெளியிட்டு உள்ளது. அதில், மாருதி சுசூகி இந்தியா நிறுவனத்தின், மாருதி ஆல்டோ கார்கள் விற்பனை, 19,844 என்ற எண்ணிக்கையுடன் முதலிடத்தில் உள்ளது. அதை தொடர்ந்து, மாருதியின் டிசையர், 16,170 கார்களுடன், இரண்டாவது இடத்திலும்; வேகன் ஆர், 15,207 கார்களுடன் மூன்றாவது இடத்திலும் உள்ளன. அந்த பட்டியலில், மாருதி நிறுவனத்தின் ஸ்விப்ட் மாடல் கார் விற்பனை, 13,934 உடன், நான்காவது இடத்திலும்; ஹூண்டாய் நிறுவனத்தின் கிராண்டு ஐ 10 கார், 11,961 என்ற எண்ணிக்கையுடன், ஐந்தாவது இடத்திலும் உள்ளன.
மாருதியின் விட்டாரா பிரெஸ்ஸா, 10,232 எண்ணிக்கையுடன், ஆறாவது இடத்திலும்; 9,910 கார்கள் உடன், ஹூண்டாயின் எலைட் ஐ 20, ஏழாவது இடத்திலும் உள்ளன. ரெனோ நிறுவனத்தின் க்விட், 9,897 கார்கள் விற்பனையாகி உள்ளன. இதையடுத்து, அந்த பட்டியலில் ரெனோ எட்டாவது இடத்தில் உள்ளது. தொடர்ந்து, மாருதியின் பலேனோ, 9,120 கார்களுடன் ஒன்பதாவது இடத்திலும்; மாருதி ஆம்னி, 8,564 எண்ணிக்கையுடன், 10வது இடத்திலும் உள்ளன.
மேலும் பொது செய்திகள்
|
Advertisement
|
Advertisement
|
Advertisement
|
|
|
|