பதிவு செய்த நாள்
25 செப்2016
23:40
நிதி சாதனங்களுக்கான பரிந்துரையாக இருந்தாலும் சரி, சேமிப்புக்கான ஆலோசனையாக இருந்தாலும் சரி, நாம் எல்லாவற்றையும் ஏற்றுக்கொள்ள வேண்டும் என்றில்லை. சில நேரங்களில் இல்லை என மறுத்து சொல்வது அவசியம்.
பொதுவாகவே, நாம் மறுக்க விரும்பும் போது தயக்கத்துடன் ஆமாம் என்று சொல்லும் நிலைக்கே பழக்கப்பட்டிருக்கிறோம். இந்த பிரச்னைக்கு வழி காட்டும் வகையில், ‘தி புக் ஆப் நோ’ புத்தகத்தில், சூசன் நியூமன், இல்லையென சொல்வது எப்படி என ஊக்கமளிக்கிறார்:ஆம், நிச்சயமாக, ஒரு பிரச்னையும் இல்லை, போன்ற வார்த்தைகள் நாம் அவற்றின் தன்மையை உணர்வதற்கு முன்பே நம்மிடம் இருந்து வந்து விழுந்து விடுகிறது. ஆனால், இதை நிறைவேற்றுவதற்கான நேரமோ, வாய்ப்போ இல்லை என்பதை தாமதமாக தான் உணர்கிறோம். இது போன்ற சூழல் அடிக்கடி ஏற்படும் நிலை இருந்தால் யோசித்தாக வேண்டும்.
சிறு வயதில், இல்லை, முடியாது என, மறுத்துச் சொல்வதில் எந்த சிக்கலும் இருக்கவில்லை. ஆனால், வளர வளர, இல்லை எனும் வார்த்தை மெல்ல மறைந்து விடுகிறது. இல்லை என சொன்னால், பெற்றோர் கோபமடைகின்றனர். ஆசிரியர்களும், இல்லை என்பதை ஏற்பதில்லை; நண்பர்களும் தான். சிறு வயதில் தயக்கமில்லாமல் சொன்ன வார்த்தை வளர்ந்த பிறகு சாத்தியம் இல்லாமல் போகிறது. இல்லை என மறுத்தால், ஏற்படும் விளைவுகளை கண்டு அஞ்ச பலரும் பழக்கப்பட்டுள்ளனர். எப்போதும் ஆமாம் என சொல்லி பழகியவர்கள் சிக்கி கொண்டது போல உணர்கின்றனர்.
நண்பர்கள் வட்டம்: உங்களிடம் எல்லோரும் உதவி கேட்டு வருவது எதற்காக தெரியுமா? நீங்கள் சிறப்பாக செயல்படுவதால் அல்லது உங்களிடம் அதிக நேரம் இருப்பதால் தான். ஆனால், எப்போதும் ஆமோதித்து ஒப்புக்கொள்வது உங்களுக்கு தற்காலிக பாராட்டுகளை மட்டுமே பெற்றுத்தரும். பலரும் உங்களை எளிதாக எடுத்துக்கொள்ளத் துவங்கி விடுவர்.
குடும்பத்தினர்: உங்கள் குடும்பத்தினரே கூட உங்கள் நேரத்தை எளிதாக எடுத்துக்கொள்ளலாம். பிள்ளைகள் சலுகை எடுத்துக்கொள்ள முயற்சிக்கும் போது தீர்மானமாக இருங்கள். பெற்றோர் ஏதேனும் வேலை செய்யுமாறு கூறினால், முடியாத சூழலில் பணிவாக மறுத்துச் சொல்லுங்கள்.
பணியிடத்தில்: மேலதிகாரி, திடீரென ஆண்டு அறிக்கையை கேட்கலாம். நீங்களும் சரி என்று கூறி விடாதீர்கள். இதை தயார் செய்யும் பணி நடந்து வந்தாலும், இடையே வேறு முக்கிய வேலைகள் வந்துவிட்டன என்பதை எடுத்துக் கூறுங்கள். உடனே தயார் செய்வதற்கில்லை, அவகாசம் தேவை என சொல்வதே சரியாக இருக்கும். சிக்கலான மனிதர்கள்: பல நேரங்களில் முன் பின் தெரியாதவர்களிடம் இல்லை என சொல்வது கடினமாக இருக்கலாம். அது விற்பனை பிரதிநிதியாக இருக்கலாம்: நன்கொடை கேட்பவராக இருக்கலாம். அல்லது ரியல் எஸ்டேட் முகவரின் பரிந்துரையாக இருக்கலாம். ஆனால், அது அவர்களின் வேலை. எனவே, உங்கள் தேவையின் அடிப்படையில் யோசித்து செயல்படவும்.
மேலும் வங்கி மற்றும் நிதி செய்திகள்
|
Advertisement
|
Advertisement
|
Advertisement
|
|
|
|