பதிவு செய்த நாள்
25 செப்2016
23:43
ஷாப்பிங் செய்து விட்டு வரும்போது வாங்க நினைத்திருந்த பொருட்கள் தவிர, தேவையில்லாத பொருட்கள் பலவற்றையும் வாங்கியதை நினைத்து நொந்து போகும் அனுபவம் உங்களுக்கு ஏற்பட்டிருக்கிறதா? இதற்கு காரணம், நீங்கள் திட்டமிடாமல் ஷாப்பிங் செய்தது மட்டும் அல்ல, சூப்பர் மார்க்கெட் மற்றும் மால்கள் பின்பற்றும் கண்ணுக்குத் தெரியாத விற்பனை உத்திகளும் தான். வாடிக்கையாளர்கள் அதிகமாக செலவு செய்யத்துாண்டும் வகையில் ஷாப்பிங் மால்கள் பல வகையான விற்பனை தந்திரங்களை கடைபிடிக்கின்றன.
விலை மாயம்பல விற்பனை மையங்களில் இந்த உத்தி பின்பற்றப்படுகிறது. 1,000 ரூபாய் மதிப்பு பொருள், 500 ரூபாய் மற்றும், 1,200 ரூபாய் மதிப்புள்ள பொருட்களுக்கு நடுவே வைக்கப்பட்டிருக்கும். இதை பார்க்கும் போது, 1,000 ரூபாய் என்பது நல்ல விலை போன்ற எண்ணம் ஏற்பட்டு பலரும் அந்த பொருளை வாங்குவார்கள். இதே போல,400 ரூபாய் விலை கொண்ட பெரிய ஷாம்பு பாட்டிலை வாங்கத்தயங்கும் பலரும், 100 ரூபாய் கொண்ட சிறிய ஷாம்பு பாட்டிலை பர்த்தவுடன் வாங்குவார்கள். இத்தகைய சிறிய பொருட்கள் அதிக அளவில் வைக்கப்பட்டிருக்கும்.
பை நிறைய பொருட்கள்பல மால்களில் உள்ளே நுழந்ததுமே பொருட்களை போட்டுக்கொள்ள கேரி பேக் போன்ற பை கொடுக்கப்படும். இதற்கு காரணம், பொருட்களை கையில் வைத்துக்கொண்டிருந்தால் குறைவான பொருட்களையே வாங்குவார்கள். அதோடு பையில் பொருட்களை வைத்திருந்தால், அதை வேண்டாம் என எடுத்து வைக்க மனது வராது. இதே போல பின்னணியில் ஒலிக்கும் இசை, வாடிக்கையாளர்கள் மனதை லேசாக்கி, செலவு செய்வதை உற்சாகமானதாக மாற்றுகிறது.
மேலும் கீழும்எந்த பொருட்கள் எந்த இடத்தில், எப்படி வைக்கப்படுகின்றன என்பதில் விஷயம் இருக்கிறது. அதிக லாபம் உள்ள பொருட்கள் முகப்பிலேயே வைக்கப்பட்டிருக்கும். அதிக விலை கொண்ட பொருட்கள், கண் பார்வையில் படும் வகையில் இருக்கும். சிறார்களை கவரக்கூடிய பொருட்கள், அவர்கள் பார்வையில் படும் வகையில் கீழ் தட்டுகளில் வைக்கப்பட்டிருக்கும். அத்தியாவசியமாக வாங்க வேண்டிய பொருட்கள், கடைசி இடத்தில் இருக்கும். அவற்றை தேடிச்செல்லும் போது மற்ற பொருட்களை வாங்கத்துாண்டும் வகையில் இந்த ஏற்பாடு.
இலவச துாண்டில்இலவச சாம்பிள்கள் அளிக்கப்படுவது புதிய பொருட்களை அறிமுகம் செய்ய மட்டும் அல்ல: வாடிக்கையாளர்களை தடுத்து நிறுத்தி, அந்த இடத்தில் கூடுதல் நேரத்தை செலவிட வைத்து, அருகாமையில் வைக்கப்பட்டுள்ள பொருட்களை வாங்க துாண்டுவதற்காகவும் தான்! வாயிலில் பில் கவுண்டர் அருகே எளிதாக வாங்கத்துாண்டும் சாக்லெட் போன்றவை வைக்கப்பட்டிருக்கும்.
ஆன்லைன் உத்திஆன்லைனில் ஷாப்பிங் செய்யும் போது, மாறுபட்ட விலை உத்தி கடைபிடிக்கப்படுகிறது. அதிக நேரம் செலவிடுபவருக்கு முன்வைக்கப்படும் விலை அதிகமாக இருக்கும். மாறாக வந்தவுடன் வெளியேறும் தன்மை கொண்டவரை கவர குறைந்த விலை முன்வைக்கப்படலாம். பயனாளிகள் இணையதளத்தை பயன்படுத்தும் விதத்தின் அடிப்படையில் இது தீர்மானிக்கப்படுகிறது.
மேலும் வங்கி மற்றும் நிதி செய்திகள்
|
Advertisement
|
Advertisement
|
Advertisement
|
|
|
|