பதிவு செய்த நாள்
20 அக்2016
16:20
புதுடில்லி : ஏர்ஏசியா இந்தியா விமான நிறுவனம் குறைந்த விலை சலுகையாக ரூ.899 முதல் விமான சேவைகளை வழங்க உள்ளதாக அறிவித்துள்ளது. அக்டோபர் 23ம் தேதி முதல் துவங்கும் இந்த கட்டண சலுகை 2017 ம் ஆண்டு மார்ச் மாதம் வரை பயணம் செய்பவர்களுக்கு மட்டுமே பொருந்தும்.இந்த சலுகை விலை திட்டத்தின் கீழ், இம்பால் - கவுகாத்தி விமான கட்டணம் ரூ.899 ஆகவும்,கொச்சி - பெங்களூரு விமான கட்டணம் ரூ.999 ஆகவும், கொச்சி - ைதராபாத் விமான கட்டணம் ரூ.2699 ஆகவும், கோவா - டில்லி விமான கட்டணம் ரூ.3199 ஆகவும், ஜெய்பூர் - புனே விமான கட்டணம் ரூ.2399 ஆகவும் நிர்ணயிக்கப்பட்டுள்ளது.இதே போன்று தற்போது ரூ.8000 ஆக இருக்கும் பெங்களூரு - டில்லி இடையேயான வாராந்திர விமான சேவை கட்டணம் டிசம்பர் மாதத்தில் ரூ.2699 ஆக நிர்ணயிக்கப்பட்டுள்ளது. பண்டிகை காலத்தை முன்னிட்டு இந்த சிறப்பு கட்டண சலுகை அறிவிக்கப்பட்டுள்ளதாக ஏர்ஏசியா இந்தியா நிறுவனம் தெரிவித்துள்ளது.
மேலும் பொது செய்திகள்
|
Advertisement
|
Advertisement
|
Advertisement
|
|
|
|