பதிவு செய்த நாள்
23 ஜன2017
23:58
மும்பை : மத்திய நிதியமைச்சர் அருண் ஜெட்லி, 2017 – 18ம் நிதியாண்டுக்கான, மத்திய பட்ஜெட்டை, பிப்., 1ல், பார்லிமென்டில் தாக்கல் செய்ய உள்ளார். இந்த பட்ஜெட்டில், காப்பீட்டு துறைக்கான வரி விலக்கு சலுகைகளை அதிகரிக்க வேண்டும் என, காப்பீட்டு நிறுவனங்கள் கோரிக்கை விடுத்துள்ளன.
தீபக் மிட்டல், நிர்வாக இயக்குனர், எடல்வைஸ் டோக்கியோ லைப் இன்சூரன்ஸ்: பண மதிப்பு நீக்க நடவடிக்கையால், பொருட்களின் பயன்பாடு குறைந்துள்ளது. இதை அதிகரிக்கும் நோக்கில், இந்த பட்ஜெட்டில், வரி விதிப்பு குறைவாகவும், வரி விலக்கு சலுகைகள் அதிகமாகவும் இருக்கும் என, எதிர்பார்க்கிறோம். ஓய்வு கால காப்பீட்டு திட்டத்தில், ஒருவர், ஆயுள் முழுவதும் உறுதி அளிக்கப்பட்ட தொகையை பெறலாம். வங்கிகளின் வட்டி விகிதம் குறைந்தாலும், அவர் பெறும் தொகை குறையாது. இத்திட்டத்தில் மேற்கொள்ளப்படும் முதலீடுகளுக்கு, முழு வரி விலக்கு அளிக்க வேண்டும். இதன் மூலம், ஓய்வூதிய சேமிப்புகள் அதிகரிக்கும்.
ராஜேஷ் சுட், துணைத் தலைவர், மேக்ஸ் லைப் இன்சூரன்ஸ்: ஓய்வு கால காப்பீட்டு திட்டங்களில் மேற்கொள்ளும் முதலீடுகளுக்கு, வரி விலக்கு சலுகை வழங்கினால், 10 கோடிக்கும் அதிகமான மூத்த குடிமக்கள் பயன் பெறுவர். வருமான வரியை எளிமையாக்க அமைக்கப்பட்ட குழு, வளர்ந்த நாடுகளுக்கு நிகரான, எளிய வரி நடைமுறைகள் குறித்த பரிந்துரையை, மத்திய அரசுக்கு வழங்கியுள்ளது. அதனால், பட்ஜெட்டில், வருமான வரி சட்டங்களை எளிமையாக்கும் அறிவிப்பு வெளியாகும் என, தெரிகிறது. ஆயுள் காப்பீட்டு பிரீமியத்திற்கான, வரிச் சலுகைக்கு என, தனி வருமான வரி வரம்பை நிர்ணயிக்க வேண்டும்; தற்போதைய வரி விலக்கு வரம்பை உயர்த்த வேண்டும்.
ஆசிஷ் மெஹ்ரோத்ரா, நிர்வாக இயக்குனர், மேக்ஸ் பூபா ஹெல்த் இன்சூரன்ஸ்: மக்கள், காப்பீடு செய்வதை ஊக்குவிக்கும் நோக்கில், பட்ஜெட்டில் அதிக வரிச்சலுகைகள் இருக்கும் என, எதிர்பார்க்கிறோம். நீண்ட கால காப்பீட்டு திட்டங்களில், மக்களின் பங்களிப்பை அதிகரிக்க, காப்பீட்டு ஆண்டுகளின் அடிப்படையில், வரிச்சலுகைகள் வழங்கலாம். சிறப்பு மருத்துவ காப்பீட்டு திட்டங்களை அறிமுகப்படுத்தும் நிறுவனங்கள் ஊக்குவிக்கப்பட வேண்டும். அந்நிறுவனங்களுக்கு ஏற்படும் இழப்பு கணக்கை சரிசெய்வதற்கான சலுகைக் காலம், குறைந்தபட்சம், 12 ஆண்டுகளுக்கு நீட்டிக்கப்பட வேண்டும். மருத்துவ காப்பீட்டு பிரீமியத்திற்கான, வரிச்சலுகை வரம்பை, 25 ஆயிரம் ரூபாயில் இருந்து, 50 ஆயிரம் ரூபாயாக உயர்த்த வேண்டும்; 15 சதவீத சேவை வரியை நீக்க வேண்டும்.
மேலும் பொது செய்திகள்
|
Advertisement
|
Advertisement
|
Advertisement
|
|
|
|