மும்பை : ‘‘இந்­தியா, சர்­வ­தேச வைர வர்த்­தக மைய­மா­க­வும், உல­க­ளா­விய வணி­கர்­க­ளால், பெரி­தும் விரும்­பப்­படும் தயா­ரிப்பு சந்­தை­யா­க­வும் உரு­வாக வேண்­டும்,’’ என, பிர­த­மர் மோடி வலி­யு­றுத்தி உள்­ளார்.
மும்­பை­யில், நவ­ரத்­தி­னங்­கள் மற்­றும் ஆப­ர­ணங்­கள் ஏற்­று­மதி மேம்­பாட்டு அமைப்­பின், பொன் விழா நிகழ்ச்­சி­யில், பிர­த­மர் மோடி, காணொளி காட்சி மூலம் உரை­யாற்­றி­னார்.
அதன் விப­ரம்: வைரங்­களை நறுக்­கு­வது, பட்டை தீட்­டு­வது ஆகி­ய­வற்­றில், இந்­தியா, சர்­வ­தேச மைய­மாக திகழ்­கிறது. அது போல, வைர வர்த்­த­கத்­தி­லும், இந்­தியா புகழ் பெற வேண்­டும் என்­பதே, நம் விருப்­பம். சர்­வ­தேச நிறு­வ­னங்­களின் விருப்­ப­மான வைர நகை தயா­ரிப்பு மைய­மாக, இந்­தியா உரு­வாக வேண்­டும்.
முதலிடம்உல­க­ள­வில், வைர நகை­களை தயா­ரிப்­ப­தி­லும், நறுக்­கப்­பட்ட, பட்டை தீட்­டப்­பட்ட வைரங்­களை ஏற்­று­மதி செய்­வ­தி­லும் முத­லி­டத்தை பிடிப்­ப­தற்கு, இந்­தியா, தீவிர முயற்சி மேற்­கொண்­டுள்­ளது.அதன் விளை­வாக, 1966 – 67ல், 2.80 கோடி டால­ராக இருந்த, நவ­ரத்­தி­னங்­கள் மற்­றும் ஆப­ர­ணங்­கள் ஏற்­று­மதி, 50 ஆண்­டு­களில், மிகச் சிறப்­பான வளர்ச்சி கண்டு, 4,750 கோடி டால­ராக உயர்ந்­துள்­ளது.
இந்­தியா, தங்­கம், வைரம் ஆகி­ய­வற்றை உற்­பத்தி செய்­யாத நிலை­யி­லும், இத்­த­கைய வளர்ச்­சியை பெற்­றுள்­ளது. நவ­ரத்­தி­னங்­கள் மற்­றும் ஆப­ர­ணங்­கள் துறை, 46 லட்­சம் பேருக்கு வேலை­வாய்ப்பு அளிக்­கிறது; அதில், 10 லட்­சம் பேர், வைர தொழி­லில் உள்­ள­னர். இத்­துறை, மிகச் சிறப்­பான முன்­னேற்­றம் கண்­டுள்ள போதி­லும், அதற்­கு­ரிய ஆற்­றலை முழு­மை­யாக பயன்­ப­டுத்­தா­மல், இன்­னும் பின்­தங்­கியே உள்­ளது.
வைரங்­களை நறுக்­கு­வ­தி­லும், பட்டை தீட்­டு­வ­தி­லும், நாம் மிக­வும் வலி­மை­யு­டன் உள்­ளோம். ஆனால், சர்­வ­தேச சந்­தை­யில், நம் பங்­க­ளிப்பு மிகக்­கு­றை­வாக உள்­ளது. நமக்­குள்ள ஆற்­ற­லுக்கு ஏற்ப, நம் பங்­க­ளிப்பு இல்லை. சந்­தையை நன்கு புரிந்து கொண்டு, அதற்­கேற்ப செயல்­களை வகுப்­ப­தன் மூலம், நாம் இத்­து­றை­யில், சர்­வ­தேச மைய­மாக உரு­வெ­டுக்­க­லாம்.மாற வேண்டும்
இந்­தி­யா­வின் வைரங்­கள் ஏற்­று­மதி, அதன் இறக்­கு­ம­தியை சார்ந்தே உள்­ளது. வெளி­நாட்­டி­னர் வழங்­கும் அளவு மற்­றும் வடி­வ­மைப்பு ஆகி­ய­வற்­றின் அடிப்­ப­டை­யில், நாம் வைர நகை­களை உரு­வாக்கி, ஏற்­று­மதி செய்­கி­றோம். அதா­வது, வெளி­நாட்­டி­ன­ரின் விருப்­பத்­திற்கு ஏற்ப நாம் செயல்­ப­டு­கி­றோம்; இந்­நிலை மாற வேண்­டும். நாம் வழங்­கு­வதை, வெளி­நாட்­டி­னர் ஏற்­கும் நிலையை உரு­வாக்க வேண்­டும். அதற்கு சந்தை குறித்த ஆழ­மான அறிவு தேவை. அத­ன­டிப்­ப­டை­யில், தெளி­வான செயல் திட்­டங்­களை வகுக்க வேண்­டும்.
தற்­போது, மின்­னணு வர்த்­த­கம், தயா­ரிப்பு நிறு­வ­னங்­கள் நேர­டி­யாக பய­னா­ளி­களை அணுக துணை புரி­கிறது. நாம் நவீன வடி­வ­மைப்­பில், வெளி­நாட்­டி­னரை வசீ­க­ரிக்­கும் வகை­யில், நவ­ரத்­தி­னங்­கள் மற்­றும் ஆப­ர­ணங்­களை உரு­வாக்க வேண்­டும். அதற்­கான ஆற்­றல் நமக்கு உள்­ளது. அதன் மூலம், நாம் இத்­து­றை­யில் முத­லி­டத்தை பெற முடி­யும். இவ்­வாறு அவர் கூறி­னார்.

மேலும் பொது செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு மார்ச் 21,2017

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் மார்ச் 21,2017

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது மார்ச் 21,2017

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி மார்ச் 21,2017

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு மார்ச் 21,2017

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்