பதிவு செய்த நாள்
24 ஏப்2017
04:23
கச்சா எண்ணெய்
சர்வதேச சந்தையில், கச்சா எண்ணெய் விலை, கடந்த வாரம் 8 சதவீதம் அளவுக்கு சரிவை சந்தித்தது. அதற்கு முந்தைய மூன்று வாரங்களில், விலை உயர்ந்தது குறிப்பிடத்தக்கது.அமெரிக்காவின் இருப்பு விகிதம் உயர்வு மற்றும் உற்பத்தியில் சிறிது ஏற்றம் போன்றவை விலை இறங்க காரணமாகியது.அதிகரித்து வரும் அமெரிக்க எண்ணெய் உற்பத்தி, சந்தையில் மிகப்பெரிய மாற்றத்தை உருவாக்குகிறது. கடந்த 14ம் தேதி வரை உற்பத்தி, 9.252 மில்லியன் பேரலாக உயர்ந்தது. இந்த உயர்வு, 2015 ஆகஸ்ட் மாதத்தை காட்டிலும் அதிகமாகும். ஒன்பது வாரங்களாக தொடர்ந்து எண்ணெய் உற்பத்தி அதிகரித்து வருகிறது.மறுபக்கம், வளைகுடா நாடுகள் உற்பத்தி குறைப்பில் ஈடுபட்டுள்ள நிலையில், அமெரிக்க உற்பத்தி, வளைகுடா நாடுகளுக்கு சவாலாக இருந்து வருகிறது. தற்போது, தினசரி உற்பத்தி 20 ஆயிரம் பேரல்களாக உள்ளது. இந்நிலை தொடரும்போது, உற்பத்தி 30 ஆயிரம் பேரல்களை எட்டும் என ணிக்கப்படுகிறது. வரும் நாட்களில் ஒரு பேரல் கச்சா எண்ணெய் விலை, 47 டாலர் வரை குறையும் என, எதிர்பார்க்கப்படுகிறது.
பொருள் வணிக சந்தையில் கச்சா எண்ணெயின் இந்த வார அளவுகள் (1 பீப்பாய்)சந்தை எஸ் 1 எஸ் 2 ஆர் 1 ஆர் 2 எம்.சி.எக்ஸ். (ரூபாய்) 3,175 3,120 3,250 3,305என்.ஒய்.எம்.இ.எக்ஸ். (டாலர்) 47.50 45.00 51.80 53.30
கடந்த ஆண்டு டிசம்பர் மாதத்தில், ஒபெக் உறுப்பு நாடுகள் முதன் முறையாக உற்பத்தி குறைப்பில் ஈடுபட முடிவெடுத்தன. அதன் விளைவாக, 26 டாலர் என இருந்த ஒரு பேரல் கச்சா எண்ணெய் விலை, 55 டாலர் வரை சில மாதங்களில் உயர்ந்தது.
ஒபெக் நாடுகளின் உற்பத்தி அட்டவணை (தினசரி / மில்லியன் பேரல்கள்)ஒபெக் நாடுகள் உற்பத்தி குறைப்பு பிப்ரவரி மாத உற்பத்தி மார்ச் மாத உற்பத்திஅல்ஜீரியா 1.039 1.053 1.056அங்கோலா 1.673 1.641 1.614ஈகுவடார் 0.522 0.526 0.526காபான் 0.193 0.194 0.198ஈரான் 3.797 3.814 3.790ஈராக் 4.351 4.414 4.402குவைத் 2.707 2.709 2.702கத்தார் 0.618 0.622 0.612சவுதி அரேபியா 10.058 9.797 9.994ஐக்கிய அரபு நாடுகள் 2.874 2.925 2.895வெனின்சுலா 1.972 1.987 1.972மொத்தம் 29.804 29.682 29.761
தங்கம் – வெள்ளி
கடந்த வாரம் தங்கம் மற்றும் வெள்ளி விலை குறைந்து காணப்பட்டது. இதற்கு முந்தைய வாரங்களில் உயர்வினை சந்தித்த நிலையில், அமெரிக்க நாணயத்தின் மதிப்பு கூடியதன் விளைவாக சந்தையில் தங்கம், வெள்ளி விலை குறைந்தது. பொதுவாக, அமெரிக்க டாலரின் மதிப்பு உயர்வு தங்கம் மற்றும் வெள்ளியின் விலையை அதிகமாக பாதிக்கும். மார்ச் மாத இறுதியில் தாம்சன் ராய்ட்டர்ஸ், ஜி.எப்.எம்.எஸ்., மற்றும் மெட்டல் போகஸ் ஆகியவை இணைந்து நடத்திய கருத்துக் கணிப்பில், 2017ல் சர்வதேச சந்தையில் ஒரு அவுன்ஸ் தங்கம், 1,259 டாலர் என, ஜி.எப்.எம்.எஸ் தெரிவித்தது. மெட்டல் போகஸ், 1,285 டாலர் எனவும் தெரிவித்தது.உலகின் ஒட்டுமொத்த தங்கத்தின் தேவையானது, 2016ல், 18 சதவீதம் குறைந்து, 3,559 டன்னாக இருந்தது. இதற்கும் ஆபரணத்தின் தேவை குறைவே முக்கிய காரணமாக இருந்தது.இந்திய சந்தையில், 38 சதவீதம் ஆபரண உற்பத்தி குறைவாகும். இதற்கு கலால் வரி, பணப்புழக்கம் குறைவு போன்றவை காரணங்களாக சொல்லப்படுகிறது. சீன சந்தையிலும் ஆபரணத்தின் தேவை, 17 சதவீதம் குறைவாகும்.
பொருள் வணிக சந்தையில் தங்கம் இந்த வார அளவுகள் (10 கிராம்)சந்தை எஸ் 1 எஸ் 2 ஆர் 1 ஆர் 2 எம்.சி.எக்ஸ். (ரூபாய்) 29,140 28,900 29,410 29,600காம்எக்ஸ் (டாலர்) 1,275 1,260 1,298 1,310
பொருள் வணிக சந்தையில் வெள்ளி இந்த வார அளவுகள் (1 கிலோ)சந்தை எஸ் 1 எஸ் 2 ஆர் 1 ஆர் 2 எம்.சி.எக்ஸ். (ரூபாய்) 41,000 40,350 41,650 42,100காம்எக்ஸ் (டாலர்) 17.35 16.90 18.10 18.50
மேலும் பங்கு வர்த்தகம் செய்திகள்
|
Advertisement
|
Advertisement
|
Advertisement
|
|
|
|