பதிவு செய்த நாள்
17 ஜூலை2017
00:19
கச்சா எண்ணெய்
கச்சா எண்ணெய் விலை கடந்த வார ஆரம்பத்தில் ஏற்றம் கண்டு, ஒரு பேரல் 46.75 டாலர் என்ற உச்சத்தை தொட்டது. வாரம் ஒருமுறை வெளிவரும் எண்ணெய் இருப்பு விபரத்தில் சிறிய தொய்வு காணப்பட்டது. அதனுடன் சீன இறக்குமதி அதிகரிக்கும் என்ற கருத்து கணிப்பு, சந்தையில் எண்ணெய் விலைக்கு சாதகமான போக்கினை ஏற்படுத்தியது.
இருப்பினும், இவ்விலை உயர்வு கட்டுக்குள் கொண்டு வரப்பட்டது. காரணம், பெருகி வரும் அமெரிக்க எண்ணெய் உற்பத்தி மற்றும் ஒபெக் நாடுகளின் எண்ணெய் உற்பத்தி குறைப்பு சரிவர அமல்படுத்த முடியாதது ஆகும்.இந்த வாரத்தை பொறுத்தவரை, 47.50 டாலர் என்ற ரெசிஸ்டென்ஸ் லெவலை கடக்கும்போது, 48.25 டாலர் அடுத்த இலக்காக அமையும் என்று எதிர்பார்க்கப்படுகிறது. கடந்த இரு வாரங்களாக சந்தையில் எண்ணெய் விலை, 43.55 டாலர் என்ற இலக்குக்குள் வர்த்தகமாவது குறிப்பிடத்தக்கது.
மேலும், இன்டர்நேஷனல் எனர்ஜி ஏஜென்சி மேற்கொண்ட, உலக அளவிலான எண்ணெய் இருப்பு விபர கணக்கெடுப்பின்படி, கடந்த மே மாதத்தில் இருப்பு, 266 மில்லியன் பேரல்களாகும். இது அதற்கு முந்திய ஏப்ரல் மாதத்தில் 300 மில்லியனாக இருந்தது. இருப்பினும், இந்த இருப்பு அளவானது கடந்த 5 வருட சராசரியை விட அதிகமாகும். இது எண்ணெய் விலை போக்கை நீண்ட கால நோக்கில் கட்டுக்குள் கொண்டு வரும். வரும் நாட்களில் வியாபாரமானது, 48.25, 45.55 டாலர் என்ற நிலையில் இருக்கும் என எதிர்பார்க்கப்படுகிறது.
பொருள் வணிக முன்பேர சந்தையின் அளவுகள்சந்தை எஸ் 1 எஸ் 2 ஆர் 1 ஆர் 2 எம்.சி.எக்ஸ்., (ரூபாய்) (ஆகஸ்ட்) 2,975 2,930 3,055 3,102என்.ஒய்.எம்.இ.எக்ஸ். (டாலர்) 45.6 44.5 47.35 48.20
தங்கம், வெள்ளி
ஐந்து வார தொடர் சரிவிற்கு பிறகு, கடந்த வாரம், தங்கம் மற்றும் வெள்ளி விலைகள் ஏற்றம் காணப்பட்டு வியாபாரம் முடிவடைந்தது. கடந்த புதன் கிழமையன்று நடைபெற்ற அமெரிக்க பெடரல் ரிசர்வ் வங்கியின் அரையாண்டு நிதி கமிட்டி கூட்டத்தில் சேர்மன் ஜனட் யெலன் பேசுகையில், நிதிக் கொள்கை சுருக்கம் மெதுவாக நடைபெறும் என்றும், வட்டி விகிதம் இந்த வருடம் மீண்டும் ஒரு முறைக்கு மேல் கூட்டப்படும் என்பது வதந்தி என்றும் தெரிவித்தார்.
இது அமெரிக்க நாணய குறியீடு குறைந்து, தங்கம் மற்றும் வெள்ளி விலை உயர்வுக்கு காரணமாக அமைந்தது. மேலும், வெள்ளியன்று வெளிவந்த, ஜூன் மாத பண பெருக்க விகிதம் எதிர்பார்த்ததை விட அதிகமாக காணப்பட்டது. மேலும் அமெரிக்க அரசு சார்ந்த கருவூலங்களில் ஆதாயம் தொய்வு அடைந்தது. இதுவும் சந்தையின் விலைக்கு சாதகமான போக்கினை வழி வகுத்தது.
உள்நாட்டு சந்தையில் டாலருக்கு நிகரான இந்திய ரூபாயின் மதிப்பு கூடியதன் விளைவாக விலை குறைந்து காணப்பட்டது. வரும் நாட்களில் விலையில் சிறிய ஏறுமுகம் காணப்படும் என்றும், 1,240 1,260 அடுத்த ரெசிஸ்டென்ஸ் லெவலாக அமையும். சப்போர்ட் லெவல் 1,200 ஆகும்.
தங்கம்
பொருள் வணிக முன்பேர சந்தையின் அளவுகள்சந்தை எஸ் 1 எஸ் 2 ஆர் 1 ஆர் 2 எம்.சி.எக்ஸ்., (ரூபாய்) (ஆகஸ்ட்) 27,775 27,450 28,150 28,350காம்எக்ஸ் (டாலர்) 1,215 1,202 1,234 1,241
வெள்ளி
பொருள் வணிக முன்பேர சந்தையின் அளவுகள்சந்தை எஸ் 1 எஸ் 2 ஆர் 1 ஆர் 2 எம்.சி.எக்ஸ்., (ரூபாய்) (ஆகஸ்ட்) 36,425 36,110 37,245 37,650காம்எக்ஸ் (டாலர்) 15.45 14.95 16.30 16.55
செம்பு
கடந்த வாரம் செம்பு விலையில் சற்று ஏற்றம் காணப்பட்டது. அமெரிக்க நாணயத்தில் ஏற்பட்ட வீழ்ச்சி, அதற்கு எதிரான அனைத்து பொருட்களின் மீதும் தாக்கத்தை ஏற்படுத்தியது. இதனால் தொழிற்சாலை மூலப் பொருட்களான செம்பு, துத்தநாகம், நிக்கல் மற்றும் ஈயம் ஆகியவற்றின் விலை அதிகரித்தது. கடந்த வாரம் வெளிவந்த அமெரிக்க தொழிற்சாலை உற்பத்தி புள்ளி விபரத்தில், ஜூன் மாத வளர்ச்சி 0.4 சதவீதமாக உயர்ந்தது. அதற்கு முந்தைய மே மாத வளர்ச்சியானது, 0.1 சதவீதமாக இருந்தது குறிப்பிடத்தக்கது. மேலும் பிற பொருளாதார காரணிகளும் சந்தையில் விலைக்கு சாதகமாக இருந்தது.
பொருள் வணிக முன்பேர சந்தையின் அளவுகள்சந்தை எஸ் 1 எஸ் 2 ஆர் 1 ஆர் 2 எம்.சி.எக்ஸ்., (ரூபாய்) 380.70 378.00 358.20 387.00
மேலும் பங்கு வர்த்தகம் செய்திகள்
|
Advertisement
|
Advertisement
|
Advertisement
|
|
|
|