பதிவு செய்த நாள்
20 அக்2017
00:21
புதுடில்லி : இந்தாண்டு, கார்ப்பரேட் நிறுவனங்கள், தீபாவளி பரிசு செலவினத்தை வெகுவாக குறைத்துள்ளது, ஆய்வில் தெரிய வந்துள்ளது.
இந்திய வர்த்தக கூட்டமைப்பான, ‘அசோசெம்’ தீபாவளியை முன்னிட்டு, கார்ப்பரேட் நிறுவனங்கள், அவற்றின் பணியாளர்கள், துணை நிறுவனங்கள், வாடிக்கை நிறுவனங்கள் உள்ளிட்டவற்றுக்கு அளிக்கும், தீபாவளி பரிசு குறித்து, ஆய்வு மேற்கொண்டது. மும்பை, டில்லி, சென்னை, பெங்களூரு, ஐதராபாத், ஜெய்ப்பூர், கோல்கட்டா, லக்னோ, ஆமதாபாத், மும்பை ஆகிய நகரங்களைச் சேர்ந்த, 758 நிறுவனங்களிடம், தொலைபேசி வாயிலாக ஆய்வு மேற்கொள்ளப்பட்டது. அதில், இந்தாண்டு தீபாவளி பரிசுக்கான பட்ஜெட்டில், 35 – 40 சதவீதம் வரை குறைத்து உள்ளதாக, இந்நிறுவனங்கள் தெரிவித்து உள்ளன.
பண மதிப்பிழப்பு நடவடிக்கை, ஜி.எஸ்.டி., அறிமுகத்தால் ஏற்பட்ட தாக்கம் போன்றவற்றால், செலவை குறைத்துள்ளதாக, நிறுவனங்கள் கூறியுள்ளன. இதன் எதிரொலியாக, நுகர்பொருள் நிறுவனங்கள், நுகர்வோர் சாதனங்கள் தயாரிப்பு நிறுவனங்களின் விற்பனையும் குறைந்துள்ளது. தீபாவளி போன்ற முக்கிய பண்டிகை காலத்தில், அதிக விலை உள்ள ஸ்மார்ட் போன்களுக்கு, கிராக்கி அதிகம் இருக்கும். இந்தாண்டு தீபாவளியில், இவ்வகை போன்களின் விற்பனையும் குறைந்துள்ளதாக, ஆய்வில் தெரிய வந்துள்ளது.
அதே சமயம், இந்தாண்டு தீபாவளியில், வலைதளத்தில் பொருட்களை சலுகை விலையில் வாங்குவதற்கான கூப்பன்கள், பரிசு அட்டைகள், உலர் பழங்கள், சாக்லேட், உடற்பயிற்சி அளவீட்டு அணிகலன்கள் ஆகியவற்றுக்கு, கார்ப்பரேட் நிறுவன ஊழியர்கள் மற்றும் வாடிக்கையாளர்கள் ஆர்வம் காட்டி உள்ளனர்.
மேலும் பொது செய்திகள்
|
Advertisement
|
Advertisement
|
Advertisement
|
|
|
|