புதுடில்லி : ‘வாகன சொத்­து­கள் சார்ந்த கடன் பத்­தி­ரங்­களை பொறுத்­த­வரை, இந்­தி­யா­வில், நிதி நிறு­வ­னங்­களின் இழப்பு விகி­தம் குறை­வாக உள்­ளது’ என, அமெ­ரிக்­கா­வின் தர நிர்­ணய நிறு­வ­ன­மான, ‘மூடிஸ்’ தெரி­வித்­துள்­ளது.இந்­நி­று­வ­னம், 2009 –16 வரை­யி­லான காலத்­தில்,11,500 கோடி ரூபாய் மதிப்­பிற்கு, வாகன சொத்து சார்ந்த கடன் பத்­தி­ரங்­கள் குறித்து ஆய்வு மேற்­கொண்­டது. எட்டு நிதி நிறு­வ­னங்­களின், 70 வகை­யான வாகன சொத்து சார்ந்த கடன் பத்­தி­ரங்­கள்,ஆய்­வுக்கு எடுத்­துக்கொள்­ளப்­பட்­டன. அவற்­றில் பெரும்­பா­லா­னவை, வர்த்­தக பயன்­பாட்டு வாக­னங்­க­ளுக்கு அளித்த கட­னா­கும்.இந்த ஆய்­வில், வாகன சொத்து சார்ந்த கடன் பத்­தி­ரங்­களில், இழப்பு விகி­தம், சரா­ச­ரி­யாக, 1 சத­வீ­தம் என்ற அள­விற்கே உள்­ளது. வாகன சொத்து சார்ந்த கடன் பத்­தி­ரங்­களில் ஏற்­படும் இழப்பு விகி­தம், நாட்­டின் இதர பகு­தி­களை விட, தென் இந்­தி­யா­வில் மிகக் குறை­வாக உள்­ளது.மேலும், இவ்­வகை கடன் பத்­தி­ரங்­களில், வர்த்­தக வாக­னங்­கள் பிரி­வில், தென் இந்­தி­யா­வின் பங்கு, 40 சத­வீ­த­மாக இருக்­கிறது.இக்­க­டன் பத்­தி­ரங்­களில் ஏற்­படும் இழப்­பிற்கு, பல கார­ணங்­கள் இருந்­தா­லும், நாட்­டின் பொரு­ளா­தார சூழல் தான், முக்­கிய பங்கு வகிக்­கிறது.ஒரு நாட்­டின் பொரு­ளா­தார வளர்ச்சி மந்­த­ம­டைந்­தால், அது, பல்­வேறு துறை­களில் உள்ள சுணக்க நிலையை உணர்த்­து­கிறது. இதன் கார­ண­மாக, உற்­பத்தி குறைவு, பண­வீக்க உயர்வு, வேலை­யில்­லாத திண்­டாட்­டம் உள்­ளிட்ட, பல பாதிப்­பு­கள் ஏற்­ப­டு­கின்றன.இந்­தி­யாவை பொறுத்­த­வரை, மதிப்­பீட்டு காலத்­தில், பொரு­ளா­தார வளர்ச்சி சீராக இருந்­தது. அத­னால், வாகன சொத்து சார்ந்த கடன் பத்­தி­ரங்­களில் ஏற்­பட்ட இழப்பு விகி­த­மும், மிகக் குறை­வாக உள்­ளது.கடன்­க­ளுக்­கான வட்டி விகி­தம் அதி­க­ரிக்­கும் போது, இழப்பு விகி­த­மும் அதி­க­ரிக்­கும்.வாகன கடன் வாங்­கு­வோ­ரின் தகுதி, அக்­க­டன்­களை திரும்­பப் பெறு­வ­தில் உள்ள இடர்ப்­பாடு ஆகி­ய­வற்றை ஆய்வு செய்த பின்னே, நிதி நிறு­வ­னங்­கள், வாகன கட­னுக்­கானவட்­டியை உயர்த்­தியோ அல்­லது குறைத்தோ நிர்­ண­யம் செய்­கின்றன.குறைந்த மதிப்­புள்ள வாக­னங்­க­ளுக்கு பெறப்­படும் குறைந்த கடன்­களில், இழப்பு விகி­தம், பிற­வற்றை விட குறை­வா­கவே உள்­ளது. குறிப்­பாக, ஓராண்­டிற்­கான கட­னில், இழப்பு விகி­தம் குறை­வாக காணப்­ப­டு­கிறது. அதிக மதிப்­புள்ள வாக­னங்­க­ளுக்கு பெறப்­படும் அதிக கடன் தொகை­யில், இழப்பு விகி­தம் அதி­க­மாக உள்­ளது.‘ஓர­ளவு நிதி வசதி உள்ள கடன்­தா­ரர்­கள், குறைந்த காலத்­தில், கடனை திரும்­பச் செலுத்­தக் கூடி­ய­வர்­க­ளாக உள்­ள­னர். இத­னால், குறு­கிய கால கடன்­களில், இழப்பு விகி­தம் குறை­வாக உள்­ளது’ என, ‘மூடிஸ்’ அறிக்­கை­யில் கூறப்­பட்­டுள்­ளது.

மேலும் பொது செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு நவம்பர் 19,2017

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் நவம்பர் 19,2017

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது நவம்பர் 19,2017

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி நவம்பர் 19,2017

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு நவம்பர் 19,2017

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்