பதிவு செய்த நாள்
04 பிப்2018
02:09
பிரபல சொகுசு கார் தயாரிப்பு
நிறுவனமான, ‘ஆடி,’ சமீபத்தில், ‘கியூ 5’ எஸ்.யு.வி.,யை அறிமுகம்
செய்த கையோடு, அதன், மற்றொரு புதிய தயாரிப்பான, ‘ஆர்.எஸ்., 5 கூபே’வின்,
அடுத்த தலைமுறை காரை, இம்மாத இறுதியில் அறிமுகம் செய்ய
திட்டமிட்டு உள்ளது.
இது, முந்தைய, ஆர்.எஸ்., 5ஐ விட, முற்றிலும் புதிய பிளாட்பார்மில், சற்று பெரிதாக உருவாக்கப்பட்டு உள்ளது. இதில்
புதிய, ‘பம்பர்’கள், ‘சிங்கிள் பிரேம் கிரில், மேட்ரிக்ஸ், எல்.இ.டி.,
ஹெட்லைட்,’ 19 அல்லது 20 அங்குல வீல்கள் என, புதிய அம்சங்கள்
ஏராளம்.
முக்கியமாக, இதில் முற்றிலும் புதிய இன்ஜின்
பொருத்தப்பட்டு உள்ளது. முந்தைய, ‘4.2 லி., வி8’க்கு பதிலாக, ‘2.9
லி., டர்போ சார்ஜ்ட் வி6’ இன்ஜின் இடம் பிடித்துள்ளது. இப்புதிய
இன்ஜின் சிறிதாக காணப்பட்டாலும், ‘வி8’ இன்ஜின்கள் உற்பத்தி
செய்யும், அதே, 450 எச்.பி., திறனை உற்பத்தி செய்யக் கூடியதாகும்.
இதன் அதிகபட்ச வேகம், 250 கி.மீ., – 280 கி.மீ., இது புறப்பட்ட, 3.9
வினாடிகளில், 100 கி.மீ., வேகத்தை எட்டி பிடிக்கும். டில்லியில் இதன்
ஷோரூம் விலை, 1.2 கோடி ரூபாயில் இருந்து துவங்கும் என, தெரிகிறது.
ஹீரோ
‘எக்ஸ்ட்ரீம் 200 ஆர்’
இந்தியாவின், ‘நம்பர் – 1’ பைக் விற்பனை நிறுவனமான, ‘ஹீரோ,’ விரைவில் அறிமுகம் செய்ய உள்ள, புதிய, 200 ‘சிசி’ பைக்கின்
தோற்றத்தை வெளியிட்டு உள்ளது. இது, ஏப்ரலில் சந்தைக்கு வரும் என,
தெரிகிறது. 2016ல், டில்லியில் நடந்த ஆட்டோ ஷோவில், இதன் மாதிரியை,
ஹீரோ ஏற்கனவே காட்சிப்படுத்தி இருந்தது. அது போலவே, அழகான
புறத்தோற்ற வேலைப்பாடுகள், இரு வண்ணக்கலவை என, ‘எக்ஸ்ட்ரீம் 200 ஆர்’ அழகாக காட்சி அளிக்கிறது.
இதில்,
முகப்பு பகுதியில், பகல் நேரத்தில் ஒளிரும், எல்.இ.டி., விளக்கு,
எல்.இ.டி., டெயில் லைட், புதிய, ‘டிஜிட்டல் அனலாக் இன்ஸ்ட்ருமென்ட்
கிளஸ்டர்’ ஆகியவை இடம்பெற்றுள்ளன. 5 கியர் உடைய இந்த பைக்கில்,
ஹீரோவில் இதுவரை இல்லாத வகையில், முதன்முறையாக, இன்ஜினில்,
‘பேலன்சர் ஷேப்ட்’ பொருத்தப்பட்டு உள்ளது.
இது, புறப்பட்ட, 4.6 வினாடியில், 60 கி.மீ., வேகத்தை எட்டும். அதிகபட்ச வேகம், 114 கி.மீ., உடைய இந்த பைக்கின் விலை, அறிமுகம் செய்யப்படுவதற்கு முன் வெளியிடப்படும்.
சுசூகி
‘ஹயாபுசா’ 2018
சுசூகி
நிறுவனம், அதன், ‘ஹயாபுசா’ சூப்பர் பைக்கின் புது அவதாரத்தை,
இந்தியாவில் அறிமுகப்படுத்தி உள்ளது. ‘ஜி.எஸ்.எக்ஸ்., ஹயாபுசா’
பைக்கை, இந்தியாவில், 2016 மார்ச்சில், சுசூகி அறிமுகம் செய்தது.
அதன் விற்பனை, இரு மடங்காக தற்போது உயர்ந்துள்ள சூழலில், டில்லி அருகே
உள்ள அதன் ஆலையில், புதிய, ‘ஹயாபுசா’ பைக் அசெம்பிள் செய்யப்பட்டு,
விற்பனைக்கு தயாராகி உள்ளது.
புதிய ஹயாபுசா, 2018 மாடலின் விலை, முந்தைய ஹயாபுசாவின் விலைக்கே கிடைக்கும். இதன் டில்லி ஷோரூம் விலை, 13.88 லட்சம் ரூபாயில் இருந்து துவங்கும் என, தெரிவிக்கப்பட்டு உள்ளது. வெள்ளை, சிவப்பு மற்றும் கறுப்பு நிறங்களில் கிடைக்கிறது.இதன் நான்கு சிலிண்டர், 1,340 ‘சிசி’ இன்ஜின், 199.7 எச்.பி., திறனை உருவாக்கும். இது, கவாசகி நிறுவனத்தின், ‘இசட் எக்ஸ் -14 ஆர்’ பைக்குக்கு போட்டியாக விளங்கும் என, கருதப்படுகிறது.
மாருதி
‘செலிரியோ டூர் எச் 2’
மாருதி
சுசூகி நிறுவனம், ‘செலிரியோ டூர் எச் 2’ ஹேட்ச்பேக் காரை அறிமுகம்
செய்துள்ளது. இது, டிராவல்ஸ் நிறுவனங்களை குறிவைத்து
தயாரிக்கப்பட்டு உள்ளது.இந்த புதிய கார், செலிரியோவின், ‘எல்.எக்ஸ்.ஐ., (ஓ) வேரியன்ட்டின்’ அடிப்படையில் உருவாகி உள்ளது. விலையை பொறுத்தவரை, எல்.எக்ஸ்.ஐ., மற்றும், ‘எல்.எக்ஸ்.ஐ., (ஓ)
வேரியன்ட்’களுக்கு இடைப்பட்டதாக உள்ளது. டில்லியில் இதன் ஷோரூம் விலை, 4.21 லட்சம் ரூபாயில் இருந்து துவங்குகிறது.
மத்திய
அரசு விபத்துகளை தடுப்பதற்காக, டாக்சிகளில் வேகக் கட்டுப்பாட்டு
கருவியை பொருத்த உத்தரவிட்டு உள்ளது. அதனால், இந்த காரில் வேகக்
கட்டுப்பாடு கருவியை, மாருதி பொருத்தி உள்ளது. அதனால், 80 கி.மீ.,க்கு மேல், ‘டூர் எச் 2’வின் வேகம் அதிகரிக்காது. இதில், 68 எச்.பி., திறன் உருவாக்கக் கூடிய, 1.0 லி., திரி பாட் பெட்ரோல்’ இன்ஜின் பொருத்தப்பட்டு உள்ளது.
போர்டு
புதிய காரின் தோற்றம்
போர்டு
நிறுவனம், வெகு விரைவில் அதன், ‘பிகோ, ஹேட்ச்பேக்’ வகை காரை விட,
சற்று பெரிதான, ‘ப்ரீ ஸ்டைல்’ எனும் புதிய காரை, அறிமுகம் செய்ய
உள்ளது. அதற்கு முன்பாக, அதன் தோற்றத்தை, சமீபத்தில் வெளியிட்டு
உள்ளது.
இந்த ‘கிராஸ் ஹேட்ச்பேக்’ வகை காரை, சி.யு.வி., அதாவது,
‘காம்பேக்ட் யுடிலிடி வெஹிகிள்’ என, ‘போர்டு’ குறிப்பிடுகிறது.
‘பிகோ’ மாடலை போல, இப்புதிய கார் தோற்றம் அளித்தாலும், ‘ப்ரீ
ஸ்டைலில்’ வெளிப்புறத்தில் சில மாற்றங்களை பார்க்க முடிகிறது.
அதில், ‘பானட், கிரில், ஸ்கிட் பிளேட், அலாய் ஹெட்லேம்ப், பெரிய அகலமான
வீல், ‘ரூப் ரயில்’ என, சிலவற்றை குறிப்பிடலாம்.
இதன்,
‘கிரவுண்ட் கிளியரன்ஸ், பிகோ’வில் உள்ளதை விட, 15 மி.மீ., அதிகம்.
இதில், 1.2 லி., மூன்று சிலிண்டர் பெட்ரோல் இன்ஜின் இடம் பெற்றுள்ளது.
இந்த புதிய இன்ஜின், 96 எச்.பி., திறனை உருவாக்கும். இப்பிரிவில்,
போட்டி நிறுவனங்களின் கார் இன்ஜின்களை விட, இது தான் சக்தி
வாய்ந்ததாக இருக்கும். இதில், டீசல் வேரியன்ட்டும் அறிமுகமாகிறது. டில்லியில், இதன் ஷோரூம் விலை, 6.4 லட்சம் ரூபாயில் இருந்து, 7.9 லட்சம் ரூபாய் வரை நிர்ணயிக்கப்படலாம்.
மேலும் ஆட்டோமொபைல் செய்திகள்
|
Advertisement
|
Advertisement
|
Advertisement
|
|
|
|