பதிவு செய்த நாள்
11 பிப்2018
07:43
மின் வழிச் சீட்டில், பிழை அல்லது தவறான பதிவு இருந்தால், திருத்தமோ அல்லது
மாற்றமோ செய்ய முடியுமா?
மின் வழிச் சீட்டு உருவாக்கப்பட்டு விட்டால், அதில் திருத்தமோ அல்லது மாற்றமோ செய்ய முடியாது. பகுதி, ‘பி’-யை மட்டுமே, ‘அப்டேட்’ செய்ய முடியும். எனினும், மின் வழிச் சீட்டு தவறான தகவலுடன் உருவாக்கப்பட்டு விட்டால், 24 மணி நேரத்திற்குள், அதை ரத்து செய்து, மீண்டும் புதிதாக உருவாக்கலாம்.
மின் வழிச் சீட்டை நீக்கவோ, ரத்து செய்யவோ முடியுமா? முடியும் என்றால், எந்த சூழ்நிலைகளில் செய்யலாம்?
உருவாக்கம் செய்த பின், மின் வழிச் சீட்டை நீக்க இயலாது. ஆனால், அதை உருவாக்கம் செய்த, 24 மணி நேரத்திற்குள், உருவாக்கம் செய்தவர், பொது வலைதளத்திற்கு சென்று, மின் வழிச் சீட்டை ரத்து செய்ய முடியும்.
அதிகாரம் அளிக்கப்பட்டுள்ள அதிகாரியால், சோதனை செய்யப்பட்டு விட்டது என்றால், மின் வழிச் சீட்டை ரத்து செய்ய இயலாது. சரக்குகள் எடுத்துச் செல்லப்படாவிட்டால் அல்லது மின் வழிச் சீட்டில் தெரிவிக்கப்பட்டுள்ள விபரங்களின்படி, எடுத்துச் செல்லப்படாவிட்டால், பொது வலைதளத்திலேயே, மின் வழிச் சீட்டை ரத்து செய்ய முடியும்.
தொகுக்கப்பட்ட மின் வழிச் சீட்டு என்றால் என்ன?
தொகுக்கப்பட்ட மின் வழிச் சீட்டு என்பது, ஒரு சரக்கு வாகனத்தில் எடுத்துச் செல்லப்படும், பல வகையான சரக்கு ஒப்படைப்புகளுக்கான, மின் வழிச் சீட்டுகளை கொண்ட, ஓர் ஆவணம். அதாவது, வெவ்வேறு சரக்கு அனுப்புபவர்கள் மற்றும் சரக்கு பெறுபவர்களின் சரக்கை, ஒரு வாகனத்தில் எடுத்துச் செல்லும் போது, தனித்தனியான மின் வழிச் சீட்டுகளுக்கு பதிலாக, அனைத்தும் தொகுக்கப்பட்ட, ஒரு மின் வழிச் சீட்டை எடுத்துச் செல்வதாகும்.
தொகுக்கப்பட்ட மின் வழிச் சீட்டை, யார் உருவாக்கம் செய்யலாம்?
பல்வேறு சரக்கு ஒப்படைப்புகளை, ஒரு வாகனத்தில் எடுத்துச் செல்வதற்காக, சரக்கை எடுத்துச் செல்பவர், மின் வழிச் சீட்டை உருவாக்கம் செய்யலாம்.
மின் வழிச் சீட்டு, குறிப்பிட்ட கால அளவிற்கு மட்டுமே செல்லுபடியாகும் என்ற வரையறை ஏதும் உள்ளதா?
ஆம். ஒரு மின் வழிச் சீட்டு அல்லது தொகுக்கப்பட்ட மின் வழிச் சீட்டு, எந்த கால அளவிற்கு செல்லுபடியாகும் என்பது, சரக்குகள் எடுத்துச் செல்லப்பட வேண்டிய தொலைவை பொறுத்து அமையும். மின் வழிச் சீட்டை உருவாக்கும் போது, அதன் செல்லுபடி நிலை தோராயமான தொலைவை அடிப்படையாக வைத்து நிர்ணயிக்கப்படுகிறது.
செல்லுபடியாகும் காலம், 100 கி.மீ., தொலைவுக்கு ஒரு நாள். அதன்பின், ஒவ்வொரு, 100 கி.மீ., தொலைவுக்கோ, அதன் ஒரு பகுதிக்கோ, ஒரு கூடுதல் நாள் செல்லுபடியாகும். எடுத்துக்காட்டாக, உத்தேச துாரம், 310 கி.மீ., என்றால், செல்லுபடியாகும் காலம், 3 + 1 = நான்கு நாட்கள்.
மின் வழிச் சீட்டின் செல்லுபடி காலம் முடிந்து விட்டால், என்ன செய்ய வேண்டும்?
மின் வழிச் சீட்டின் செல்லுபடி காலம் முடிந்து விட்டால், சரக்கை வெளியேற்றக் கூடாது. எனினும், அசாதாரணமான சூழ்நிலையில், செல்லுபடி காலத்தை, கமிஷனர் நீடிக்கலாம். இதற்கான வழிமுறைகள், பின் அறிவிக்கப்படும்.
மின் வழிச் சீட்டின் நம்பகத்தன்மையையும், உண்மையையும் ஒருவரால் சரி பார்க்க
முடியுமா?
பொது வலைதளத்தில், தேடல் செய்வதற்கான பகுதியில், மின் வழிச் சீட்டு எண், மின் வழிச் சீட்டு தேதி, உருவாக்கியவரின் அடையாள அட்டை மற்றும் ஆவண எண் ஆகியவற்றை பூர்த்தி செய்தால், எவரும் மின் வழிச் சீட்டின் நம்பகத்தன்மையையும், உண்மையையும் சரி பார்க்கலாம்.
வரி செலுத்துபவர் மின் வழிச் சீட்டை உருவாக்க, குறுஞ்செய்தி வசதியை எவ்வாறு பயன்படுத்தலாம்?
வரி செலுத்துபவர், எந்த மொபைல் போன் எண்ணின் மூலம் மின் வழிச் சீட்டை உருவாக்கம் செய்ய விரும்புகிறாரோ, அந்த எண்ணை, பொது வலைதளத்தில் உள்ள, மின் வழிச் சீட்டு அமைப்பில் பதிவு செய்ய வேண்டும்.
– ஜி.எஸ்.டி., முதன்மை கமிஷனர் மற்றும் கலால் துறையின் சென்னை பிரிவு வெளியீடு. இந்த தகவல், பொதுவான கண்ணோட்டத்தில் வழங்கப்படுவதால், இது, சட்ட ஆலோசனையாக அல்லது கருத்தாக கருதப்படாது.
(அடுத்த ஞாயிறு சந்திப்போம்)
மேலும் பொது செய்திகள்
|
Advertisement
|
Advertisement
|
Advertisement
|
|
|
|