வாஷிங்டன் : ‘நிதி பற்­றாக்­கு­றையை குறைத்து, நாட்­டின் பொரு­ளா­தார வளர்ச்­சியை முன்­னெ­டுத்­துச் செல்­லும் நோக்­கில், மத்­திய அர­சின், 2018 – 19ம் நிதி­யாண்டு பட்­ஜெட் அமைந்­துள்­ளது’ என, பன்­னாட்டு நிதி­யம் பாராட்டு தெரி­வித்து உள்­ளது.

இது குறித்து, பன்­னாட்டு நிதி­யத்­தின் தக­வல் தொடர்பு துறை இயக்­கு­னர், கெரி ரைஸ் கூறி­ய­தா­வது: மத்­திய அர­சின், 2018 – 19ம் நிதி­யாண்டு பட்­ஜெட் இலக்­கு­களும், மொத்த உள்­நாட்டு உற்­பத்­தி­யில், 3.3 சத­வீ­த­மாக நிர்­ண­யித்­துள்ள, நிதி பற்­றாக்­குறை இலக்­கும், வர­வேற்­கத்­தக்­கது.

பொரு­ளா­தார வளர்ச்­சியை மீட்­டெ­டுக்­கும் முயற்­சி­யில், துவக்க கட்­டத்­தில், இந்­தியா உள்­ளது. இதற்கு ஆத­ர­வா­க­வும், நிதி­யா­தா­ரத்தை மேலும் வலுப்­ப­டுத்­தும் நோக்­கி­லும், பட்­ஜெட் தயா­ரிக்­கப்­பட்டு உள்­ளது. கடந்த ஆண்டை விட, நடப்­பாண்டு நிதி பற்­றாக்­குறை குறைக்­கப்­பட வேண்­டும் என, பன்­னாட்டு நிதி­யம், ஏற்­க­னவே வலி­யு­றுத்தி உள்­ளது. அதை பிர­தி­ப­லிக்­கும் வகை­யில், வரும் நிதி­யாண்­டில் நிதி பற்­றாக்­குறை இலக்கு, 3.3 சத­வீ­த­மாக குறைக்­கப்­பட்டு உள்­ளது.

பரி­வர்த்­த­னை­களின் மதிப்பை விட, வரி வரு­வாய் அதி­க­ரிக்­கும் என்­பதை பட்­ஜெட் உணர்த்­து­கிறது. அவ்­வாறு நடை­பெற்­றால், மக்­களின் நுகர்­வி­லும், வரு­மா­னத்­தி­லும் மாற்­றம் ஏது­மின்றி, அதி­க­ள­வில் வரி வரு­வாயை, அரசு ஈட்ட முடி­யும். அதே சம­யம், 2017ல் அறி­மு­க­மான, ஜி.எஸ்.டி.,யில், நடை­முறை சிக்­கல்­கள் இன்­னும் நீடித்து வரு­வ­தை­யும் கவ­னிக்க வேண்­டும். இந்­நிலை தொடர்ந்­தால், மத்­திய அர­சின் வரி வசூல், பட்­ஜெட் இலக்கை விட குறை­ய­வும் வாய்ப்பு உள்­ளது.

பட்­ஜெட்­டில் அறி­விக்­கப்­பட்ட சில திட்­டங்­க­ளுக்கு, நிதி ஒதுக்­கப்­ப­டா­மல் உள்­ளது. இதில், மத்­திய அர­சின் நிலை முழு­வ­து­மாக தெரிந்த பின் தான், கருத்து கூற முடி­யும்.விவ­சா­யி­களின் விளை பொருட்­க­ளுக்கு, உற்­பத்­திச் செலவை விட, ஒன்­றரை மடங்கு அதி­க­மாக, குறைந்­த­பட்ச ஆதார விலை நிர்­ண­யிக்­கப்­படும் என, தெரி­விக்­கப்­பட்டு உள்­ளது. புதிய தேசிய காப்­பீட்டு திட்­டத்­தின் கீழ், 50 கோடி பேருக்கு, ஆண்­டுக்கு, 5 லட்­சம் ரூபாய் வரை, மருத்­து­வக் காப்­பீட்டு வசதி அளிக்­கப்­படும் என­வும், பட்­ஜெட் தெரி­விக்­கிறது. இத்­த­கைய, புதிய கொள்கை திட்­டங்­க­ளால், வரு­வாய் பற்­றாக்­கு­றையோ அல்­லது அதிக நிதி ஒதுக்­கீடோ தேவைப்­ப­ட­லாம்.

இதன் கார­ண­மாக, மத்­திய அர­சின் வழக்­க­மான திட்­டச் செல­வி­னங்­கள் குறை­யும். இந்த பட்­ஜெட், கிரா­மப்­புற மேம்­பாடு, சமூக நலன் ஆகி­ய­வற்றை வலி­யு­றுத்­தி­னா­லும், அவற்­றுக்­கான நிதி ஒதுக்­கீட்­டில் அதிக மாற்­றம் இல்லை.

மத்­திய அரசு, நடப்பு, 2017 – 18ம் நிதி­யாண்­டின் நிதி பற்­றாக்­குறை இலக்கை, 3.2 சத­வீ­த­மாக நிர்­ண­யித்­தி­ருந்­தது. இது தற்­போது, 3.5 சத­வீ­த­மாக அதி­க­ரிக்­கப்­பட்டு உள்­ளது.

மதிப்பீடு:
இந்­தி­யா­வின் மொத்த உள்­நாட்டு உற்­பத்தி, நடப்­பாண்டு, 7.4 சத­வீ­த­மா­க­வும், 2019ல், 7.8 சத­வீ­த­மா­க­வும் இருக்­கும்.
-பன்னாட்டு நிதியத்தின் பொருளாதார ஆய்வறிக்கை

மேலும் பொது செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு பிப்ரவரி 17,2018

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் பிப்ரவரி 17,2018

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது பிப்ரவரி 17,2018

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி பிப்ரவரி 17,2018

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு பிப்ரவரி 17,2018

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்