பதிவு செய்த நாள்
25 பிப்2018
04:30
சொகுசு கார் தயாரிப்பு நிறுவனமான, ரோல்ஸ் ராய்ஸ், அதன், ‘பேன்டம்’ செடானின், 8வது தலைமுறை காரை, சென்னையில் அறிமுகப்படுத்தியது. இது, முந்தைய தலைமுறைகளைச் சேர்ந்த, பேன்டம் கார்களை விட, 30 சதவீதம், எடை குறைவு.மேலும், 600 மீ., தொலைவிற்கு வெளிச்சத்தை பாய்ச்சும், ‘லேசர்’ முகப்பு விளக்கு பொருத்தப்பட்டு உள்ளது. இந்த காரின் ஷோரூம் விலை, 9.5 கோடி ரூபாயில் இருந்து துவங்குகிறது. இதில், 563 எச்.பி., திறனை உருவாக்கும், ‘6.75 லி., டுவின் டர்போ சார்ஜ்ட் இன்ஜின்’ பொருத்தப்பட்டு உள்ளது. அதனால், 100 கி.மீ., வேகத்தை, 5.4 வினாடிகளில் எட்டும்.இது குறித்து, ரோல்ஸ் ராய்ஸ் மோட்டார் கார்ஸ் நிறுவனத்தின், ஆசிய – பசிபிக் பிராந்திய இயக்குனர், பால் ஹாரிஸ் கூறுகையில், ‘‘சென்னை மற்றும் ஐதராபாதில், ரோல்ஸ் ராய்ஸ் நிறுவனத்தின் பிரத்யேக டீலராக, குன் எக்ஸ்குளூசிவ் சிறப்பாக செயல்படுகிறது. தென் மாநிலங்களில், எங்கள் விற்பனை அதிகரித்து வருகிறது.‘‘காரின் விலையில், 214 சதவீதம், இறக்குமதி வரி, ஜி.எஸ்.டி., ஆகியவை விதிக்கப்பட்டு உள்ளது. இது, எங்கள் வர்த்தகத்திற்கு உகந்தது அல்ல,’’ என்றார்.
பி.எம்.டபிள்யு.,
சென்னையில், ‘6 ஜி.டி.,’ அறிமுகம்பி.எம்.டபிள்யு., நிறுவனம், ஜி.டி., அல்லது, ‘6 சீரிஸ் கிரான் டுரிஸ்மோ’ சொகுசு, ‘லிப்ட் பேக்’ காரை அறிமுகம் செய்துள்ளது. டில்லியில் நடந்த, ‘ஆட்டோ எக்ஸ்போ’ கண்காட்சியில், இது பலரை கவர்ந்தது. பி.எம்.டபிள்யு.,வின், ‘5 சீரிஸ்’ காருக்கு மாற்றாக, களம் கண்டுள்ள இந்த, ‘6 சீரிஸ் ஜி.டி.,’ போட்டியாளரான, ‘மெர்சிடெஸ் பென்ஸ்’ நிறுவனத்தின், நீண்ட, ‘வீல்பேஸ்’ உடைய காரான, சக்கைப் போடு போடும், ‘இ – கிளாஸ்’க்கு சவால் விடுமாம். அதில் உள்ள பல அம்சங்களுடன், விசாலமான பின்புற இருக்கைகள் அமைந்திருப்பதும், இதற்கு கூடுதல், ‘பிளஸ்!’இந்தியாவில் தற்போது, ‘பெட்ரோல் வெர்ஷன்’ மட்டும் சந்தைக்கு வந்துள்ளது. 2018 பிற்பகுதியில், ‘டீசல் வெர்ஷன்’ வெளியாக உள்ளது. இவை இரண்டும், சென்னையில் உள்ள ஆலையில் தான், ‘அசெம்பிள்’ செய்யப்படும். தற்போது, டில்லியில் அறிமுக மாகி உள்ள, பெட்ரோல் வெர்ஷன், சென்னையில், மார்ச், 3ல் அறிமுகமாக உள்ளது.இதில், 258 எச்.பி., திறனை உருவாக்கும், ‘ 2.0 லி., டர்போ சார்ஜ்ட், நான்கு சிலிண்டர் மோட்டார் இன்ஜின்’ பொருத்தப்பட்டு உள்ளது; எட்டு கியர்கள் உள்ளன. மற்றபடி, ‘டச் அண்டு ஜெஸ்சர் ஐடிரைவ் இன்போடெயின்மென்ட்’ உள்ளிட்ட, பல நவீன வசதிகள் உள்ளன. டில்லி ஷோரூமில், இதன் விலை, 58.9 லட்சம் ரூபாயில் இருந்து துவங்குகிறது.
என்பீல்டு
‘தண்டர் பேர்ட் 350 எக்ஸ்; 500 எக்ஸ்’ அறிமுகம்பெரிதும் எதிர்பார்க்கப்பட்ட, ராயல் என்பீல்டு நிறுவனத்தின்,‘தண்டர்பேர்ட் 350 எக்ஸ், 500 எக்ஸ்’ ஆகிய இரு புல்லட்டுகள், பிப்., 28ல் அறிமுகமாக உள்ளன. இதில், இன்ஜின், கியர் பாக்ஸ் ஆகியவற்றில், எந்த மாற்றமும் செய்யப்படவில்லை என, தெரிகிறது. எனினும் புதிய, ‘ஹேண்டில் பார், சீட்’ ஆகியவை, முந்தைய மாடல்களில் இருந்து, இதை வேறுபடுத்தி காட்டுகின்றன. இதில், கறுப்பு நிற, ‘அலாய்’ சக்கரங்கள், ‘டியூப்லெஸ் டயர்’கள் இடம் பெற்றுள்ளன. மேலும், இன்ஜினின் நிறமும், சில்வர் நிறத்தில் இருந்து, கறுப்பு நிறுத்திற்கு மாறி உள்ளது. மற்றபடி, ‘எல்.இ.டி., டேடைம் ரன்னிங் லைட், எல்.இ.டி., டெயில் லேம்ப்’ ஆகிய சிறப்பு அம்சங்களும் உள்ளன.இந்த பைக்குகள், இளைஞர்களை மனதில் வைத்து தயாரிக்கப்பட்டு உள்ளதால், முன்புற சக்கரத்தின் அகலம், 19 அங்குலத்தில் இருந்து, 18 அங்குலமாக குறைக்கப்பட்டு இருக்கக்கூடும் என, தெரிகிறது. அவ்வாறு குறைத்தால், இளைஞர்கள் லாவகமாக ஓட்டுவதற்கு உதவியாக இருக்குமாம். வழக்கம் போல், ‘டிஸ்க் பிரேக்’குகள் உண்டு. ஆனால், ‘ஆன்டி லாக் பிரேக்கிங்’ வசதி இல்லை.
பார்ஷ்
இனி டீசலுக்கு, ‘தடா’ஜெர்மனியைச் சேர்ந்த, சொகுசு கார் தயாரிப்பு நிறுவனமான, ‘பார்ஷ்’ இனி, டீசல் வாகனங்களை உற்பத்தி செய்வதில்லை என, முடிவெடுத்துள்ளது. வாடிக்கையாளர்கள், டீசல் கார்களை விரும்புவது குறைந்து வருகிறது; இந்தியா உள்ளிட்ட பல நாடுகளில், புகை மாசு காரணமாக, டீசல் கார் மாசுக்கான விதிமுறைகள் கடுமையாக்கப்படுகின்றன. அதனால், இந்த முடிவை எடுத்திருப்பதாக, பார்ஷ் தெரிவித்து உள்ளது.இந்த முடிவை எடுப்பதற்கு முன்னோட்டமாக, அது, கடைசியாக அறிமுகம் செய்த, இரு டீசல் மாடல்களான, ‘மகான் எஸ் டீசல்,பனமேரா’ ஆகியவற்றின் உற்பத்தியை நிறுத்தியது. மேலும், 2002ல் அறிமுகப்படுத்தப்பட்ட அந்நிறுவனத்தின், டீசல், எஸ்.யு.வி.,யான, ‘கேயன்’ வாகனத்தின் புதிய பதிப்பை வெளியிடுவதை, ‘பார்ஷ்’ தவிர்த்த போதே, இதை உணர முடிந்ததாக, ஆட்டோ மொபைல் துறையினர் கூறுகின்றனர்.
டிரையம்ப்
பிப்., 27ல், ‘ஸ்பீடு மாஸ்டர்’ அறிமுகம்இங்கிலாந்தைச் சேர்ந்த, மோட்டார் பைக் நிறுவனமான, ‘டிரையம்ப்’ அதன், ‘போன்னெவில் ஸ்பீடு மாஸ்டர்’ பைக்கை, 2017ல், இந்தியாவில் காட்சிப்படுத்தியது. அதன் அறிமுகத்தை, பைக் பிரியர்கள் ஆவலுடன் எதிர்பார்த்து உள்ளனர். இந்நிலையில், போன்னெவில் பைக்கை, பிப்., 27ல், சந்தையில் அறிமுகம் செய்யவிருப்பதாக, ‘ராயல் என்பீல்டு’ அறிவித்துள்ளது.இது, அதன் மற்றொரு மாடலான, ‘பாப்பர்’ பைக்கின், உடலமைப்பை தழுவி உருவாக்கப்பட்டு உள்ளது. இதன் விலை, இன்னும் அறிவிக்கப்படவில்லை. எனினும், இங்கிலாந்தில் விற்கப்படும் விலையை வைத்து பார்க்கும் போது, இந்தியாவில், இதன் ஷோரூம் விலை, 10.5 லட்சம் ரூபாயில் இருந்து துவங்கக்கூடும் என, கணிக்கப்பட்டு உள்ளது. இதன் முன்புற டயர், 153 அங்குல அகலமும், பின்புற டயர், 150 அங்குல அகலமும் உடையதாக இருக்கின்றன.இதில், 776 எச்.பி., திறனை உருவாக்கக்கூடிய, ‘1,200 ‘சிசி’ பேரலல் டுவின் இன்ஜின்’ பொருத்தப்பட்டு உள்ளது. இது, முந்தைய மாடலான, ‘போன்னெவில் டி 120’யை விட, 10 சதவீதம் சக்திமிக்கது என, ‘டிரையம்ப்’ கூறுகிறது. இதன் எடையும், அதை விட, 8 கிலோ அதிகம். மொத்த எடை, 245.5 கிலோ.
மேலும் பொது செய்திகள்
|
Advertisement
|
Advertisement
|
Advertisement
|
|
|
|