பதிவு செய்த நாள்
13 மார்2018
00:38
புதுடில்லி:பிப்ரவரியில், காய்கறிகள் விலை சரிவால், நாட்டின் சில்லரை பணவீக்கம், 4.4 சதவீதமாக குறைந்துள்ளது. இது, ஜனவரியில், 5.07 சதவீதமாக இருந்தது.இதே காலத்தில், உணவுப் பொருட்கள் பணவீக்கம், 4.58 சதவீதத்தில் இருந்து, 3.26 சதவீதமாக குறைந்துள்ளது.
காய்கறிகள் விலை, 26.97 சதவீதத்தில் இருந்து, 17.57 சதவீதமாக சரிவடைந்து உள்ளது. வீட்டுவசதி பணவீக்கம், 8.33 சதவீதத்தில் இருந்து, 8.28 சதவீதமாக இறக்கம் கண்டுள்ளது.ரிசர்வ் வங்கி, நடப்பு, 2017 -– 18ம் நிதியாண்டின், அக்., – மார்ச் வரையிலான இரண்டாவது அரையாண்டில், சில்லரை பணவீக்கம், 4.3 -– 4.7 சதவீதமாக இருக்கும் என, மதிப்பிட்டுள்ளது.
உணவுப் பொருட்கள் விலை உயர்வால், அக்., – டிச., வரையிலான மூன்றாவது காலாண்டில், சில்லரை பணவீக்கம், 4.6 சதவீதமாக இருந்தது.நடப்பு நான்காவது காலாண்டில், சில்லரை பணவீக்கம், 5.1 சதவீதமாக இருக்கும். 2018 -– 19ம் நிதியாண்டின், முதல் அரையாண்டில், சில்லரை பணவீக்கம், 5.1 – 5.6 சதவீதமாக இருக்கும். இது, இரண்டாவது அரையாண்டில், 4.5 – -4.6 சதவீதமாக குறையும் என, ரிசர்வ் வங்கி மதிப்பிட்டுள்ளது.
மேலும் பொது செய்திகள்
|
Advertisement
|
Advertisement
|
Advertisement
|
|
|
|