பதிவு செய்த நாள்
14 ஏப்2018
00:25
புதுடில்லி:சர்வதேச சந்தையில், பயணியர் கார் விற்பனையில், இந்தியா, முதன்முறையாக, ஜெர்மனியை பின்னுக்குத் தள்ளி, நான்காவது இடத்தை பிடித்துள்ளது.
இது குறித்து, இந்திய வாகன தயாரிப்பாளர்கள் கூட்டமைப்பான – ‘சியாம்’ வெளியிட்டுள்ள அறிக்கை:நடப்பாண்டு, ஜனவரி, பிப்ரவரி ஆகிய மாதங்களில், இந்தியாவில், 5,60,806 பயணியர் கார்கள் விற்பனையாகி உள்ளன. இதே காலத்தில், ஜெர்மனியில், 5,31,100 கார்கள் விற்பனையாகி உள்ளன.இதன் மூலம், சர்வதேச சந்தையில், பயணியர் கார் விற்பனையில், இந்தியா முதன்முறையாக, ஜெர்மனியை பின்னுக்குத் தள்ளி, நான்காவது இடத்தை பிடித்துள்ளது.
பயணியர் கார் விற்பனையில், சீனா, முதலிடத்திலும், அமெரிக்கா, இரண்டாவது இடத்திலும், ஜப்பான், மூன்றாவது இடத்திலும் உள்ளன.இந்தாண்டு, இந்தியாவில், 36 லட்சம் கார்கள் விற்பனையாகும் என, மதிப்பிடப்பட்டு உள்ளது.
புதிய கார்கள் அறிமுகம்; சாதகமான பொருளாதார சூழல் உள்ளிட்டவற்றால், உள்நாட்டு பயணியர் கார் விற்பனை, நடப்பு நதியாண்டில், 8 – 10 சதவீதம் அதிகரிக்கும் என, எதிர்பார்க்கப்படுகிறது.இவ்வாறு அதில் கூறப்பட்டுள்ளது.
மேலும் ஆட்டோமொபைல் செய்திகள்
|
Advertisement
|
Advertisement
|
Advertisement
|
|
|
|