பதிவு செய்த நாள்
02 மே2018
00:38
புதுடில்லி:ஏப்ரல் மாதத்தில் வாகனங்களின் விற்பனை விபரங்களை, வாகன தயாரிப்பு நிறுவனங்கள் வெளியிட்டு வருகின்றன. அவற்றில் சில:
மாருதி சுசூகி
மாருதி சுசூகி நிறுவனம், ஏப்ரல் மாதத்தில், மொத்தம், 1 லட்சத்து, 72 ஆயிரத்து, 986 கார்களை விற்பனை செய்துள்ளது. கடந்த ஆண்டு ஏப்ரல் மாதத்துடன் ஒப்பிடுகையில், 14.4 சதவீதம் விற்பனை அதிகரித்துள்ளது.
கடந்த ஆண்டு ஏப்ரலில், 1 லட்சத்து, 51 ஆயிரத்து, 215 கார்களை இந்நிறுவனம் விற்பனை செய்துள்ளது.நிறுவனத்தின் உள்நாட்டு விற்பனை, 14.2 சதவீதம் அதிகரித்து, 1 லட்சத்து, 64 ஆயிரத்து, 978 கார்கள் விற்பனை ஆகியுள்ளன. இதுவே, கடந்த ஆண்டு இதே மாதத்தில், 1 லட்சத்து, 44 ஆயிரத்து, 492 கார்கள் விற்பனை செய்யப்பட்டுள்ளன.
ஆனால், சிறிய ரக கார்களைப் பொறுத்தவரை, ‘ஆல்டோ மற்றும் வேகன் ஆர்’ கார்கள் விற்பனை, 2.8 சதவீதம் அளவுக்கு சரிவை சந்தித்துள்ளது. 37,794 கார்கள் இப்பிரிவில் விற்பனை ஆகியுள்ளன. இதுவே, கடந்த ஆண்டு ஏப்ரலில், 38,897 கார்கள் விற்பனையாகி இருந்தன.ஏற்றுமதியைப் பொறுத்தவரை, கடந்த ஆண்டு ஏப்ரல் மாதத்துடன் ஒப்பிடுகையில், 19.1 சதவீதம் அதிகரித்து, 8,008 கார்கள் விற்பனை ஆகியுள்ளன. இதுவே கடந்த ஆண்டு ஏப்ரலில், 6,723 கார்கள் விற்பனையாகி இருந்தன.
மகிந்திரா அண்ட் மகிந்திரா
ஏப்ரல் மாதத்தில், மகிந்திரா அண்ட் மகிந்திரா நிறுவனத்தின் மொத்த விற்பனை, 48,097 ஆகும். கடந்த ஆண்டு, இதே மாதத்துடன் ஒப்பிடுகையில், 22 சதவீதம் அளவுக்கு விற்பனை அதிகரித்துள்ளது. கடந்த ஆண்டு ஏப்ரலில், மொத்தம், 39,417 வாகனங்கள் விற்கப்பட்டுள்ளன.
இந்நிறுவனத்தின், பயணியர் வாகன விற்பனை, 13 சதவீதம் அதிகரித்து, 21,927 வாகனங்கள் விற்பனை ஆகியுள்ளன. வர்த்தக வாகனங்களை பொறுத்தவரை, 26 சதவீதம் அளவுக்கு அதிகரித்து, 18,963 வாகனங்கள் விற்பனை செய்யப்பட்டு உள்ளன.
மகிந்திரா டிராக்டர்
மகிந்திரா அண்ட் மகிந்திரா நிறுவனத்தின் டிராக்டர் விற்பனை, 18 சதவீதம் அதிகரித்துள்ளது. கடந்த ஏப்ரல் மாதத்தில், மொத்தம், 30,925 டிராக்டர்களை இந்நிறுவனம் விற்பனை செய்துள்ளது. இதுவே, கடந்த ஆண்டு இதே மாதத்தில், 26,151 டிராக்டர்களை விற்பனை செய்துள்ளது. உள்நாட்டில், 29,884 டிராக்டர்கள் விற்பனை ஆகியுள்ளன.
ஏற்றுமதியை பொறுத்தவரை, 1,041 டிராக்டர்கள் ஏற்றுமதி செய்யப்பட்டுள்ளன. இதுவே, கடந்த ஆண்டு, ஏப்ரலில், 943 டிராக்டர்கள் என்ற நிலையில் இருந்தது.
டி.வி.எஸ்., மோட்டார்
டி.வி.எஸ்., மோட்டார் கம்பெனி, ஏப்ரல் மாதத்தில் விற்பனை, 24 சதவீதம் அதிகரித்துள்ளதாக தெரிவித்துள்ளது. இந்நிறுவனம், மொத்தம், 3 லட்சத்து, 04 ஆயிரத்து, 795 வாகனங்களை விற்பனை செய்துள்ளது. முந்தைய ஆண்டு ஏப்ரலில், 2 லட்சத்து, 46 ஆயிரத்து, 310 வாகனங்களை விற்பனை செய்துள்ளது.
இருசக்கர வாகனங்களின் விற்பனை மட்டும், 2 லட்சத்து, 93 ஆயிரத்து, 418 ஆகும். இதுவே கடந்த ஆண்டு ஏப்ரலில், 2 லட்சத்து, 05 ஆயிரத்து, 522 இருசக்கர வாகனங்கள் விற்பனை ஆகியுள்ளன.
டாடா மோட்டார்ஸ்
டாடா மோட்டார்ஸ் நிறுவனம் அதன் உள்நாட்டு விற்பனை, 86 சதவீதம் அதிகரித்துள்ளதாக தெரிவித்துள்ளது. இந்நிறுவனம் ஏப்ரல் மாதத்தில், உள்நாட்டில், 53,511 வாகனங்களை விற்பனை செய்துள்ளது.கடந்த ஆண்டு ஏப்ரலில், இதுவே, 28,844 வாகனங்கள் என்ற அளவில் இருந்தது.வர்த்தக வாகனங்களை பொறுத்தவரை, 126 சதவீதம் அதிகரித்து, 36,276 வாகனங்கள் விற்பனை ஆகியுள்ளன.கடந்த ஆண்டு ஏப்ரல் விற்பனை, 16,017 ஆகும். பயணியர் வாகன விற்பனையும், 34 சதவீதம் அதிகரித்துள்ளது.
வி.இ., கமர்ஷியல் வெகிக்கிள்ஸ்
வால்வோ குழுமமும் எய்சர் மோட்டார்ஸ் நிறுவனமும் இணைந்து நடத்தும், கூட்டு நிறுவனமான, வி.இ.சி.வி., ஏப்ரலில், 3,959 வாகனங்களை விற்பனை செய்துள்ளது. கடந்த ஆண்டு ஏப்ரலுடன் ஒப்பிடும்போது, 28.1 சதவீதம் அளவுக்கு விற்பனை அதிகரித்துள்ளது. கடந்த ஆண்டு ஏப்ரலில், 3,089 வாகனங்களை விற்பனை செய்துள்ளது,
இந்நிறுவனம்.போர்டு இந்தியாபோர்டு இந்தியா நிறுவனத்தின், ஏப்ரல் மாத மொத்த விற்பனை , 39.23 சதவீதம் குறைந்துள்ளது. கடந்த ஆண்டு ஏப்ரலில், 25,149 வாகனங்கள் விற்பனை செய்யப்பட்ட நிலையில், இந்த ஆண்டு ஏப்ரலில், விற்பனை, 15,281 என்ற அளவுக்கு குறைந்துவிட்டது. ஏற்றுமதியும், 55.2 சதவீதம் சரிந்துள்ளது.
ஹூண்டாய் மோட்டார்
இந்நிறுவனத்தின் விற்பனை, 6 சதவீதம் அதிகரித்துள்ளது. கடந்த ஆண்டு ஏப்ரலில், 56,368 வாகனங்களை விற்ற நிலையில், இந்த ஆண்டு ஏப்ரலில், 59,744 வாகனங்கள் விற்பனை ஆகியுள்ளன. ஏற்றுமதி 12 சதவீதம் அளவிற்கு அதிகரித்துள்ளது.
மேலும் ஆட்டோமொபைல் செய்திகள்
|
Advertisement
|
Advertisement
|
Advertisement
|
|
|
|