பதிவு செய்த நாள்
15 மே2018
02:45
புதுடில்லி:நாட்டின் மொத்த விலை பணவீக்கம், நான்கு மாதங்களில் இல்லாத அளவிற்கு, ஏப்ரலில், 3.18 சதவீதமாக உயர்ந்துள்ளது.இது, மார்ச்சில், 2.47 சதவீதமாக இருந்தது. இதுவே கடந்த ஆண்டு ஏப்ரலில், 3.85 சதவீதமாக இருந்தது.எரிபொருள், மின்சாரம் ஆகியவற்றின் விலை உயர்வால், நாட்டின் மொத்த விலை பணவீக்கம் அதிகரித்துள்ளது.
ஏப்ரலில், காய்கறிகள் விலை, 0.89 சதவீதம் குறைந்து காணப்பட்டது. இது, மார்ச்சில், 2.7 சதவீதம் என்ற அளவில் மிகவும் குறைவாக இருந்தது. கடந்த ஆண்டு ஏப்ரலில், இந்த சரிவு, 0.81 சதவீத அளவிற்கு இருந்தது.ஏப்ரலில், உணவு சாரா பொருட்களின் மொத்த விலை பணவீக்கம், 1.81 சதவீதம் குறைந்துள்ளது. இது, மார்ச்சில், மைனஸ், 1.39 சதவீதம்; கடந்த ஆண்டு ஏப்ரலில், மைனஸ், 0.08 சதவீதம் என்ற அளவில் காணப்பட்டது.பருப்பு வகைகளின் மொத்த விற்பனை விலை, 22.46 சதவீதமாக குறைந்துள்ளது. இது, மார்ச்சில், மைனஸ், 20.58 சதவீதம்; 2017, ஏப்ரலில், மைனஸ், 13.64 சதவீதம் என்ற அளவில் மிகவும் சரிவடைந்து இருந்தது.
மொத்த விலை பணவீக்க குறியீட்டை கணக்கிடுவதில், எரிபொருள் மற்றும் மின்சாரம் ஆகியவற்றின் பங்கு, 13.15 சதவீதமாக உள்ளது.கடந்த ஏப்ரலில், எரிபொருள், மின்சாரம் ஆகியவற்றின் மொத்த விலை பணவீக்கம், 7.85 சதவீதமாக உயர்ந்துள்ளது. இது, மார்ச்சில், 4.70 சதவீதமாக இருந்தது. கடந்த ஆண்டு ஏப்ரலில், 17.11 சதவீதமாக காணப்பட்டது.மொத்த விலை பணவீக்க குறியீட்டில், ஐந்தில் ஒரு பங்கை, உணவுப் பொருட்கள் உள்ளிட்டவை அடங்கிய, முதன்மை பொருட்கள் பிரிவு கொண்டுள்ளது. இப்பிரிவின் மொத்த விலை பணவீக்கம், 1.41 சதவீதமாக உயர்ந்துள்ளது. இது, மார்ச்சில், 0.24 சதவீதம்; 2017, ஏப்ரலில், 1.03 சதவீதமாக காணப்பட்டது.
மேலும் பொது செய்திகள்
|
Advertisement
|
Advertisement
|
Advertisement
|
|
|
|