பதிவு செய்த நாள்
25 ஜூன்2018
06:29
கச்சா எண்ணெய் :
எம்.சி.எக்ஸ்., பொருள் வணிக சந்தையில், கச்சா எண்ணெய் விலை, கடந்த வாரம், 1 பேரல், 35 ரூபாய் அதிகரித்து, 4,675 ரூபாய் என்ற அளவில் வர்த்தகமானது. சர்வதேச சந்தையில், மே மாதத்தின் இரண்டாம் வாரம் முதல் விலை சரிய ஆரம்பித்தது. சந்தையில் நிலவும் தட்டுப்பாடு மற்றும் உலக நாடுகளின் இருப்பு விகிதம் குறைந்தது ஆகிய காரணங்களால், உலகின் முன்னணி உற்பத்தி நாடுகளான, ரஷ்யாவும், சவுதி அரேபியாவும் எண்ணெய் உற்பத்தியை, தினசரி, 1 மில்லியன் பேரல்கள் அளவுக்கு உயர்த்தப் போவதாக அறிவித்தன.
அப்படி அறிவித்த நாள் முதல், தொடர்ந்து நான்கு வாரங்கள், 72.83 டாலர், 1 பேரல் என்ற நிலையிலிருந்து, 1 பேரலுக்கு, 10 டாலர் என குறைந்து, 63.41 டாலர் என்ற நிலையை எட்டியது. இருப்பினும், டாலருக்கு நிகரான இந்திய ரூபாயின் மதிப்பு தொடர்ந்து ஐந்தாவது மாதமாக சரிந்து, 1 டாலர், 68.70 ரூபாய் என்ற அளவுக்கு மதிப்பு சரிந்தது.இதனால், எம்.சி.எக்ஸ்., பொருள் வணிக சந்தையில், கச்சா எண்ணெய் விலை சரிவு, சர்வதேச சந்தையுடன் ஒப்பிடும்போது குறைவாகவே இருந்தது.
அமெரிக்காவின் எண்ணெய் உற்பத்தி, வரலாற்று உச்சத்தை எட்டியதும், இவ்விலை சரிவுக்கு ஒரு காரணமாகும்.கடந்த வெள்ளிக்கிழமையன்று நடைபெற்ற, ஒபெக் நாடுகளின் கூட்டத்தில், முன்கூட்டியே தீர்மானித்திருந்த அளவான, 1 மில்லியன் பேரல்கள் அளவுக்கு உற்பத்தி அதிகரிக்கப்படும் என்ற அறிவிப்பை, சவுதி எண்ணெய் வள அமைச்சர் வெளியிட்டார். இருப்பினும், இதில் நாடுகள் வாரியாக எவ்வளவு குறைக்கப்படும் என்ற தகவல் வெளியிடப்படவில்லை. சந்தையின் எதிர்பார்ப்பு தோராயமாகவே உற்பத்தி அதிகரிக்கப் படும் என்றிருந்தது. அறிவிப்பு எதிர்பார்த்தபடியே இருந்ததால், வெள்ளியன்று, 5 சதவீதம் விலை அதிகரித்தது. இதை முன்கூட்டியே எதிர்பார்த்து, மேற்கூறிய காலகட்டத்தில் விலை சரிந்தது. எதிர்பார்ப்புக்கு அதிகமான குறைப்பு இல்லாததால், பின்னர் விலை உயர்ந்தது.
பொருள் வணிக முன்பேர சந்தையின் அளவுகள்சந்தை எஸ் 1 எஸ் 2 ஆர் 1 ஆர் 2 எம்.சி.எக்ஸ்., (ரூபாய்) 4,628 4,535 4,722 4,805என்.ஒய்.எம்.இ.எக்ஸ். (டாலர்) 68.60 67.20 70.20 71.40
தங்கம், வெள்ளி
தங்கம் மற்றும் வெள்ளி ஆகியவற்றின் விலை, கடந்த இரு வாரங்களாக சரிந்து, வர்த்தகமாகிறது. முந்தைய வாரத்தில், அமெரிக்க ரிசர்வ் வங்கி தன் வட்டி விகிதத்தை, 0.25 சதவீதம் அளவுக்கு உயர்த்தியது. இதன் காரணமாக, அமெரிக்க நாணயத்தின் மதிப்பு உயர்ந்தது. தங்கம், வெள்ளி விலை சரிய ஆரம்பித்தது.
மேலும், இந்திய ரூபாயின் மதிப்பு, டாலருக்கு எதிராக குறைந்து வருவதால், இந்திய சந்தையில் தங்கம் விலை சரிவு கட்டுக்குள் அடங்கியது. கடந்த இரு வாரத்தில் மட்டும், 1 அவுன்ஸ் தங்கம், 57 டாலர் என்ற அளவுக்கு சரிந்தது. ஆனால், நம் நாட்டு சந்தையில், 10 கிராம் விலை, 31 ஆயிரத்து, 424 ரூபாயில் இருந்து, 30 ஆயிரத்து, 515 ரூபாய், அதாவது கிராமுக்கு வெறும், 90 ரூபாய் என்ற அளவுக்கு மட்டுமே குறைந்துள்ளது.
அமெரிக்கா – சீன நாடுகளுக்கு இடையேயான வர்த்தக மோதல் மற்றும் அமெரிக்க இறக்குமதி பொருட்களுக்கு, ஐரோப்பிய ஒன்றியம் வரி விதிப்பு, ஐரோப்பிய இறக்குமதி கார்களுக்கு அமெரிக்காவின் வரி விதிப்பு போன்ற வர்த்தக மோதல் மற்றும் அசாதாரண சூழல் காரணமாக, தங்கத்தின் விலை சரிவு கட்டுக்குள் கொண்டு வரப்பட்டது.மேலும் இது போன்ற வர்த்தக மோதல்களால், நாட்டின் பொருளாதார வளர்ச்சியில் பின்னடைவு ஏற்படும் என்ற கருத்து நிலவுகிறது.
கடந்த, 2017ம் ஆண்டில், உலகின் மொத்த சுரங்க உற்பத்தியானது, 3,247 டன் தங்கம் ஆகும். இது, முந்தைய ஆண்டைக் காட்டிலும், 5 சதவீதம் குறைவாகும். மேலும், 2008ம் ஆண்டுக்கு பின், இதுவே முதல் சரிவாகும். 2017ம் ஆண்டின் விலை சரிவு, சுரங்க உற்பத்தி குறைய காரணமாகியது. உலகின் முன்னணி, 10 நாடுகளின் பட்டியலில் சீனா முதலிடத்திலும்; ஆஸ்திரேலியா, ரஷ்யா முறையே, இரண்டாம் மற்றும் மூன்றாம் இடத்திலும் உள்ளன. சீனா, ஆண்டுக்கு, 426 டன் தங்கத்தை உற்பத்தி செய்து வருகிறது.
தங்கம்:பொருள் வணிக முன்பேர சந்தையின் அளவுகள்சந்தை எஸ் 1 எஸ் 2 ஆர் 1 ஆர் 2 எம்.சி.எக்ஸ்., (ரூபாய்) 30,500 30,185 30,710 30,900காம்எக்ஸ் (டாலர்) 1,265 1,258 1,275 1,283
வெள்ளி:பொருள் வணிக முன்பேர சந்தையின் அளவுகள்சந்தை எஸ் 1 எஸ் 2 ஆர் 1 ஆர் 2 எம்.சி.எக்ஸ்., (ரூபாய்) 39,500 38,815 39,910 40,405காம்எக்ஸ் (டாலர்) 16.30 16.12 16.50 16.65
செம்பு :
ஜூன் முதல் வாரத்தில் விலை அதிகரித்து வர்த்தகமாகிய செம்பு, பின் கடந்த இரு வாரங்களாக சரிவில் இருந்து வருகிறது. கிலோவுக்கு, 40 ரூபாய் அளவுக்கு சரிந்து, தற்போது, 455 ரூபாய் என்ற நிலையில் வர்த்தகம் நடைபெறுகிறது.அமெரிக்க நாணயத்தின் மதிப்பு உயர்வு மற்றும் அமெரிக்கா – சீனா இடையேயான வர்த்தக மோதல் போன்றவை காரணமாக, விலை வீழ்ச்சியடைந்து வருகிறது. வரும் நாட்களில், 448 ரூபாய் என்பது நல்ல சப்போர்ட் ஆகும். இதை கடக்காத நிலையில், விலை மீண்டும் உயரும். மாறாக சரிவு ஏற்படும் எனில், 440 ரூபாய் வரை நீடிக்கும்.
பொருள் வணிக முன்பேர சந்தையின் அளவுகள்சந்தை எஸ் 1 எஸ் 2 ஆர் 1 ஆர் 2 எம்.சி.எக்ஸ்., (ரூபாய்) 451.80 448.00 456.90 460.50
மேலும் பங்கு வர்த்தகம் செய்திகள்
|
Advertisement
|
Advertisement
|
Advertisement
|
|
|
|