மும்பை : நேற்று, வீட்டு வசதி கடன் நிறு­வன பங்­கு­கள் விலை சரி­வால், பங்­குச் சந்தை வர்த்­த­கத்­தின் இடையே, ‘சென்­செக்ஸ்’ 1,000 புள்­ளி­கள் சரிந்­தது.

இரண்டு நாட்­க­ளாக, கச்சா எண்­ணெய் விலை குறைந்து, ரூபாய் வெளி­ம­திப்பு ஏற்­றம் கண்­டதை அடுத்து, நேற்று காலை­யில் பங்கு வர்த்­த­கம் நன்கு இருந்­தது.

ஐ.எல்., அண்டு எப்.எஸ்., :
அதன் பின் ஏற்­பட்ட சரி­விற்கு, அடிப்­படை கட்­ட­மைப்பு துறை­யைச் சேர்ந்த, ஐ.எல்., அண்டு எப்.எஸ்., குழு­மத்­தின் வாராக் கடன் பிரச்னை முக்­கிய கார­ண­மாக அமைந்­தது. இக்­கு­ழு­மத்­தின், ஐ.எல்., அண்டு எப்.எஸ்., தமிழ்­நாடு பவர் நிறு­வ­னம் மீது, தேசிய நிறு­வ­னங்­கள் சட்ட தீர்ப்­பா­யத்­தில், திவால் நட­வ­டிக்கை பணி­கள் துவங்­கி­யுள்ளன.

மேலும், இக்­கு­ழு­மத்­தின் வாராக் கடன் கார­ண­மாக, அதன் கடன் தகுதி மதிப்­பீட்டை, தர நிர்­ணய நிறு­வ­ன­மான, ‘இக்ரா’ குறைத்­துள்­ளது. கடந்த இரு மாதங்­களில், இரண்டு முறை மதிப்­பீடு குறைக்­கப்­பட்­ட­தால், இக்­கு­ழும நிறு­வ­னங்­களின் பங்­கு­கள் விலை குறைந்­தது. ‘இந்தியா புல்ஸ்’ இந்­நி­லை­யில், வீட்டு வசதி கடன் துறை­யைச் சேர்ந்த, டி.எச்.எப்.எல்., நிறு­வ­னத்­தின் பங்கு விலை, திடீ­ரென மள­ம­ள­வென சரி­வ­டைந்­தது.

இந்­நி­று­வ­னம், நிதி நெருக்­கடி கார­ண­மாக, முத­லீட்­டா­ளர்­க­ளுக்கு வட்டி வழங்­கா­மல் இழுத்­த­டிப்­ப­தாக வெளி­யான தக­வ­லால், இதன் பங்கு விலை, 60 சத­வீ­தத்­திற்­கும் மேலாக குறைந்­தது. இத­னால், இந்­நி­று­வ­னம், அதன் சந்தை மூல­த­னத்­தில், 10 ஆயி­ரம் கோடி ரூபாயை இழந்­தது. இதன் தாக்­கத்­தால், வீட்டு வசதி கடன் துறை­யைச் சேர்ந்த பல நிறு­வ­னங்­களின் பங்­கு­களை, முத­லீட்­டா­ளர்­கள் விற்­கத் துவங்­கி­னர்.

ரிசர்வ் வங்கி :
‘இந்­தியா புல்ஸ் ஹவு­சிங் பைனான்ஸ்’ நிறு­வன பங்கு விலை, 35 சத­வீ­தம் சரி­வ­டைந்­தது. ‘கிருஹ் பைனான்ஸ், கேன் பின் ஹோம்ஸ், பி.என்.பி., ஹவு­சிங் பைனான்ஸ்’ ஆகிய நிறு­வ­னங்­களின் பங்­கு­கள் விலை, முறையே, 17.66, 14.55 மற்­றும் 9.23 சத­வீ­தம் சரி­வ­டைந்­தன.இத்­து­டன், ரிசர்வ் வங்கி நட­வ­டிக்­கை­யால், யெஸ் பேங்க் பங்­கும், 29 சத­வீ­தம் சரிந்­தது. இத­னால், சென்­செக்ஸ், 1,128 புள்­ளி­கள் வரை வீழ்ச்சி கண்டு, 36,000 புள்­ளி­க­ளுக்­கும் கீழாக சரி­வ­டைந்­தது. தேசிய பங்­குச் சந்­தை­யின், ‘நிப்டி’ குறி­யீடு, 368 புள்­ளி­கள் குறைந்து, 11,150 புள்­ளி­க­ளுக்­கும் கீழாக இறங்­கி­யது

நிதி நெருக்கடி :
இந்­நி­லை­யில், டி.எச்.எப்.எல்., நிறு­வ­னம், நிதி நெருக்­கடி குறித்து வெளி­யான தக­வலை மறுத்­தது. வலு­வான நிதி­யா­தா­ரத்­து­டன் உள்­ள­தாக நிறு­வ­னம் தெரி­வித்­ததை அடுத்து, அதன் பங்கு விலை சரிவு தடுக்­கப்­பட்­டது. இதைத் தொடர்ந்து, இதர நிறு­வ­னங்­களின் பங்கு விலை சற்று உயர்ந்­தது. இதை­ய­டுத்து, சென்­செக்ஸ் ஓர­ளவு ஏற்­றம் கண்­டது. வர்த்­த­கத்­தின் இறு­தி­யில், 279.62 புள்­ளி­கள் சரி­வு­டன், 36,841.60 புள்­ளி­களில் நிலை கொண்­டது. தேசிய பங்­குச் சந்­தை­யின் நிப்டி, 91.25 புள்­ளி­கள் சரிந்து, 11,143.10 புள்­ளி­களில் நிலை பெற்­றது.

ரூ.5.66 லட்­சம் கோடி மாயம் :
கடந்த, நான்கு வர்த்­தக தினங்­களில், பங்கு விலை சரி­வால், முத­லீட்­டா­ளர்­கள், 5.66 லட்­சம் கோடி ரூபாய் இழந்­துள்­ள­னர். நேற்று மட்­டும், மும்பை பங்­குச் சந்­தை­யில் பட்­டி­ய­லிட்ட நிறு­வ­னங்­களின் சந்தை மூல­த­னம், 2.02 லட்­சம் கோடி ரூபாய் குறைந்­துள்­ளது.

மேலும் பொது செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு செப்டம்பர் 21,2018

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் செப்டம்பர் 21,2018

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது செப்டம்பர் 21,2018

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி செப்டம்பர் 21,2018

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு செப்டம்பர் 21,2018

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்