பதிவு செய்த நாள்
01 நவ2018
05:26
புதுடில்லி : உலகளவில், சுலபமாக தொழில் துவங்கும் நாடுகளில், இந்தியா, 23 இடங்கள் முன்னேறி, 77 வது இடத்தை பிடித்துள்ளது. கடந்த ஆண்டு, 100வது இடத்தில் இருந்தது.
இது குறித்து, உலக வங்கி வெளியிட்டுள்ள அறிக்கை: கட்டுமான உரிமம், மின்சாரம், கடன் வசதி, வரி, எல்லை தாண்டிய வர்த்தகம் உள்ளிட்ட, 10 அம்சங்களின் அடிப்படையில், சுலபமாக தொழில் துவங்கும் வசதியுள்ள, 190 நாடுகள் ஆய்வுக்கு எடுத்துக் கொள்ளப்பட்டன. இதில், 6 அம்சங்களில், இந்தியா, சிறப்பான முன்னேற்றம் கண்டு, 100லிருந்து, 77வது இடத்தை எட்டி உள்ளது.
நியூசிலாந்து, முதலிடத்தை பிடித்துள்ளது. அடுத்த இடங்களில், சிங்கப்பூர், டென்மார்க், ஹாங்காங் ஆகிய நாடுகள் உள்ளன. அமெரிக்கா, எட்டாவது இடத்தையும்; சீனா, 46வது இடத்தையும் பிடித்துள்ளன. பாகிஸ்தான், 136வது இடத்தில் உள்ளது. கடந்த ஆண்டை விட, இந்தாண்டு, மிகச் சிறப்பான முன்னேற்றம் கண்ட, ‘டாப் – 10’ நாடுகளில், இந்தியாவும் இடம் பெற்றுள்ளது. இவ்வாறு அதில் கூறப்பட்டுள்ளது.
பிரதமர் மோடி தலைமையிலான மத்திய அரசு, 2014ல் அமைந்தபோது, சுலபமாக தொழில் துவங்கும் நாடுகளில், இந்தியா, 142வது இடத்தில் இருந்தது குறிப்பிடத்தக்கது.
மேலும் பொது செய்திகள்
|
Advertisement
|
Advertisement
|
Advertisement
|
|
|
|