புதுடில்லி: மத்திய நிதித் துறை செயலர், ஹஷ்முக் அதியா, வரும், 30ம் தேதி ஓய்வு பெறுகிறார்.குஜராத்தைச் சேர்ந்த, 1981ம் ஆண்டு, இந்திய ஆட்சிப் பணி அதிகாரியான இவர், நிதித் துறை முதன்மை செயலர் உட்பட, பல முக்கிய பொறுப்புகளை வகித்துஉள்ளார்.கடந்த, 2014ல், பிரதமர் மோடி தலைமையிலான மத்திய அரசு பொறுப்பேற்றதும், நிதிச் சேவைகள் துறை செயலராக நியமிக்கப்பட்டார்.இதையடுத்து, வருவாய் துறை செயலராகவும், பின், நிதித் துறை செயலராகவும் பொறுப்பேற்றார்.இவரது பணிகளை பாராட்டி, மத்திய நிதியமைச்சர் அருண் ஜெட்லி, ‘டுவிட்டரில்’ கூறியிருப்பதாவது:இந்தாண்டு துவக்கத்திலேயே, நவம்பர், 30க்கு பின், ஒரு நாள் கூட பணியாற்ற மாட்டேன் என, அதியா தெரிவித்து விட்டார்.அவர், ஓய்வு காலத்தை, தன் மகனுடனும், விருப்பமான யோகா பயிற்சியிலும் கழிக்க திட்டமிட்டுள்ளார்.அவர், வருவாய், நிதி துறைகளில் ஆற்றிய பணி, அளவிடற்கரியது. மத்திய – மாநில அரசு அதிகாரிகள் குழுவின் ஆதரவுடன், அவர் எடுத்த முயற்சியால் தான், 2017, ஜூலை, 1ல், ஜி.எஸ்.டி.,யை அமல்படுத்த முடிந்தது.அதைத் தொடர்ந்து, குறுகிய காலத்தில், ஜி.எஸ்.டி., வரி குறைப்பு உள்ளிட்ட நடவடிக்கைகளுக்கு துணை நின்று, புதிய வரி நடைமுறையை சுமுகமாக செயல்படுத்த உதவினார்.அவர், வருவாய் துறை செயலராக இருந்தபோது தான், கறுப்பு பணத்தை வெளியே கொண்டு வருவதற்கான, பல சட்டங்கள் நடைமுறைக்கு வந்தன.பணமதிப்பு நீக்கத்திற்கு பின், மிகப் பெரிய டெபாசிட்டுகளை கண்டுபிடித்து, வரி விதிக்க வழி வகுத்தார். இதனால், வரி செலுத்துவோர் எண்ணிக்கையும், வரி வருவாயும் அதிகரித்தது.பிரதமர் அறிவித்த, சமூக முன்னேற்ற திட்டங்கள் பலவற்றை வடிவமைப்பதில், ஹஷ்முக் ஆதியா ஆற்றிய பங்களிப்பு, என்றும் நினைவில் கொள்ளப்படும். அவரின் ஓய்வு காலம் சிறப்பாக அமைய வாழ்த்துகள்.இவ்வாறு அதில் கூறப்பட்டுள்ளது.பிரதமர் மோடி, மத்திய நிதியமைச்சர் அருண் ஜெட்லி ஆகியோரின் கீழ், நான்கு ஆண்டுகள் நிதித் துறையில் பணியாற்றியதை பெருமையாகக் கருதுகிறேன். இந்நாட்டிற்கு என்னால் இயன்றதை செய்துள்ளேன் என்பதில், எனக்கு மிகப் பெரிய திருப்தி. இதற்கு துணை நின்ற அதிகாரிகள், ஊழியர்களுக்கு என் நன்றி. எனக்கு வழிகாட்டிய பிரதமருக்கும், என் பணிகளை வெளிப்படையாக பாராட்டிய அருண் ஜெட்லிக்கும், தனிப்பட்ட நன்றியை தெரிவித்துக் கொள்கிறேன்.ஹஷ்முக் அதியா, நிதித் துறை செயலர்

மேலும் பொது செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு நவம்பர் 18,2018

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் நவம்பர் 18,2018

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது நவம்பர் 18,2018

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி நவம்பர் 18,2018

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு நவம்பர் 18,2018

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்