பதிவு செய்த நாள்
20 நவ2018
01:05
டோக்கியோ : ஜப்பானைச் சேர்ந்த நிசான் கார் தயாரிப்பு நிறுவனத்தின் தலைவர், கார்லோஸ் கோஸ்ன், நிதி முறைகேடு தொடர்பாக, கைது செய்யப்பட்டுள்ளார்.
கார்லோஸ் கோஸ்ன், பிரான்சின், ரெனோ, ஜப்பானின், மிட்சுபிஷி ஆகிய கார் தயாரிப்பு நிறுவனங்களின் தலைவர் பொறுப்பிலும் உள்ளார்.இவருடன், நிசான் இயக்குனர் குழு உறுப்பினர், கிரேக் கெல்லி என்பவர் மீது, தங்கள் வருவாயை குறைத்து காண்பித்தது, நிறுவன சொத்துகளை, சுயதேவைக்கு பயன்படுத்தியது உள்ளிட்ட குற்றச்சாட்டுகள் எழுந்தன.
இது குறித்து, ஜப்பான் புலனாய்வு அதிகாரிகள் நடத்திய விசாரணையில், முறைகேடுகளை ஒப்புக்கொண்டதை அடுத்து, கார்லோஸ் கோஸ்ன் கைது செய்யப்பட்டுள்ளார்.இதையடுத்து, நிசான் நிறுவனம், கார்லோஸ் கோஸ்னை தலைவர் பதவியில் இருந்து நீக்க உள்ளதாக அறிவித்தது. இந்த தகவல் வெளியானதையடுத்து, சர்வதேச பங்குச் சந்தைகளில் நிசான், ரெனோ நிறுவனங்களின் பங்குகள் விலை, கடுமையாக வீழ்ச்சி கண்டன.
பிரேசிலில் பிறந்த கார்லோஸ் கோஸ்ன், திவால் நிலைக்கு சென்ற நிசான் நிறுவனத்தை, காப்பாற்றி, உச்சிக்கு கொண்டு சென்றவர் என்பது குறிப்பிடத்தக்கது.
மேலும் பொது செய்திகள்
|
Advertisement
|
Advertisement
|
Advertisement
|
|
|
|