லண்டன்:‘அடுத்த, 20 ஆண்டுகளில், உலகளவில், வேகமான பொருளாதார வளர்ச்சி கண்டு வரும், ‘டாப் 10’ நகரங்கள் அனைத்தையும் கொண்ட நாடாக, இந்தியா திகழும்’ என, பிரிட்டனைச் சேர்ந்த, ஆய்வு நிறுவனமான, ‘ஆக்ஸ்போர்டு எக்கனாமிக்ஸ்’ தெரிவித்துள்ளது.


இது குறித்து, இந்நிறுவனத்தின் சர்வதேச நகரங்கள் ஆராய்ச்சி பிரிவு தலைவர், ரிச்சர்டுஹோல்ட் வெளியிட்டுள்ள ஆய்வறிக்கை:உலகளவில், 2019–35 வரையிலான காலத்தில், வேகமான பொருளாதார வளர்ச்சி காணும் வாய்ப்புள்ள நகரங்கள் குறித்து ஆய்வு மேற்கொள்ளப்பட்டது. அதில், அடுத்த, 20 ஆண்டுகளில், மிக விரைவான வளர்ச்சி விகிதத்தை கொண்ட, ‘டாப் 10’ நகரங்கள் அனைத்தும், இந்தியாவில் தான் இருக்கும் என, தெரியவந்துள்ளது.


சூரத்


இந்தியாவில், குஜராத்தில் உள்ள சூரத் நகரம், வைரங்களை நறுக்குதல், பட்டை தீட்டுதல் உள்ளிட்ட வர்த்தகத்தில், உலகளவில் தலைசிறந்து விளங்குகிறது. இந்நகரம், மிக வேகமான பொருளாதார வளர்ச்சியை காணும்.மதிப்பீட்டு காலத்தில், சூரத் நகரின் பொருளாதார வளர்ச்சி விகிதம், 9 சதவீதத்திற்கும் அதிகமாக இருக்கும் என, எதிர்பார்க்கப்படுகிறது.


எனினும், உலகளவில் மிகப் பெரிய நகரங்களின் பொருளாதார வலிமையுடன் ஒப்பிடும் போது, இந்தியாவின் பெரும்பாலான நகரங்கள், பின்தங்கியே உள்ளன. அதேசமயம், 2027ல், வட அமெரிக்கா மற்றும் ஐரோப்பிய நகரங்களை விட, ஆசிய நகரங்களின் ஒட்டுமொத்த உள்நாட்டு உற்பத்தியின், வளர்ச்சி வேகம், அதிகமாக இருக்கும் எனலாம்.


சீனா


இது, 2035ல், 17 சதவீதத்திற்கும் அதிகமாக இருக்கும். இதில், சீன நகரங்களின் பங்கு, முக்கியமானதாக இருக்கும்.மதிப்பீட்டு காலத்தில், உலகளவில், ‘டாப் 10’ பெரிய நகரங்கள் பட்டியலில், சிறிய மாற்றங்கள் மட்டுமே நிகழும்.அமெரிக்காவின் நியூயார்க் நகரம், முதலிடத்தை தக்க வைத்துக் கொள்ளும். ஜப்பான் தலைநகர், டோக்கியோ, அமெரிக்காவின் லாஸ் ஏஞ்சல்ஸ், பிரிட்டன் தலைநகர், லண்டன் ஆகியவையும், அடுத்த மூன்று இடங்களில், மாற்றமின்றி நீடிக்கும்.


இந்த பட்டியலில், பாரிஸ் மற்றும் சிகாகோ நகரங்களை, சீனாவின், குவாங்ஸூ மற்றும் ஷென்சென் நகரங்கள் பின்னுக்கு தள்ளி முன்னேறும்.பீஜிங், ஷாங்காய் உட்பட, சீனாவின் நான்கு நகரங்கள் பட்டியலில் இடம்பெறும்.ஆப்ரிக்க நகரங்களில், விரைவான பொருளாதார வளர்ச்சி காண்பதில், தான்சானியாவின், துறைமுக நகரமான, தர் இஸ் சலாம் முதலிடம் பிடிக்கும்.ஐரோப்பாவில், அர்மீனியா தலைநகர், ஏரவான் முதலிடத்தில் இருக்கும்.வட அமெரிக்காவில், சிறப்பாக செயல்படும் நகரங்களில், சான் ஜோஸ் முதலிடம் பிடிக்கும்.இவ்வாறு அதில் கூறப்பட்டுள்ளது.

மேலும் பொது செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு டிசம்பர் 07,2018

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் டிசம்பர் 07,2018

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது டிசம்பர் 07,2018

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி டிசம்பர் 07,2018

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு டிசம்பர் 07,2018

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்