கமாடிட்டி சந்தை: கச்சா எண்ணெய்

இரண்டு மாத தொடர் சரி­வுக்­குப் பிறகு, கடந்த வாரம், கச்சா எண்­ணெய் விலை சரி­வில் இருந்து மீண்டு, உயர்ந்து வர்த்­த­கம் ஆனது.கடந்த வாரம் நடை­பெற்ற, ஒபெக் எனும் எண்­ணெய் உற்­பத்தி நாடு­க­ளின் கூட்­ட­மைப்பு மற்­றும் கூட்­ட­மைப்­பில் இல்­லாத பிற முக்­கிய உற்­பத்தி நாடு­க­ளின் கூட்­ட­மா­னது, வியா­ழன் மற்­றும் வெள்ளி கிழ­மை­களில் நடை­பெற்­றது.


அக்­டோ­பர் மற்­றும் நவம்­பர் மாதத்­தில், கச்சா எண்­ணெய் விலை, ஒரு பேர­லுக்கு, 26 அமெ­ரிக்க டாலர் அள­வுக்கு சரிந்­தது. இத­னால், உற்­பத்தி நாடு­கள் பெரும் பொரு­ளா­தார பாதிப்­புக்கு உள்­ளா­கின. எனவே, விலை சரிவை கட்­டுப்­ப­டுத்த, உற்­பத்­தி குறைப்­பில் ஈடு­பட முடி­வெ­டுத்­த­னர்.


தின­சரி, ஒரு லட்­சத்து 40 ஆயி­ரம் பேரல்­கள் உற்­பத்தி குறைப்பு அமல்­ப­டுத்­தப்­படும் என்று அறி­விப்பு வெளி­யா­னது. இத­னால், சந்­தை­யில், கச்சா எண்­ணெய் விலை உயர்ந்­தது.மேலும், உல­க­ள­வில் மூன்­றா­வது மிகப்­பெ­ரிய எண்­ணெய் உற்­பத்தி நாடான ரஷ்யா, கடந்த வெள்­ளி­யன்று, தின­சரி, 2 லட்­சம் பேரல் உற்­பத்தி குறைப்பு செய்ய தயார் நிலை­யில் உள்­ள­தாக தெரி­வித்­தது. இத­னா­லும் சந்­தை­யில் விலை மள­ம­ள­வென உயர்ந்­தது.


சவுதி அரே­பியா, ரஷ்யா, அமெ­ரிக்கா ஆகிய மூன்று நாடு­க­ளின் மொத்த உற்­பத்தி, ஒட்­டு­மொத்த உல­கின் நுகர்வு தேவை­யில், 60 சத­வீ­தத்தை பூர்த்தி செய்­கிறது. எனவே, இந்­நா­டு­களில் ஏற்­படும் உற்­பத்தி ஏற்­றத் தாழ்­வு­கள், விலையை பாதிக்­கும்.


தங்கம், வெள்ளி


தங்­கம் மற்­றும் வெள்ளி, சில வாரங்­க­ளுக்­குப் பிறகு, கடந்த வாரம் உயர்ந்து வர்த்­த­கம் ஆனது. ஆகஸ்ட் மாதம் கடைசி வாரத்­தில் ஏற்­பட்ட உயர்­வுக்கு பிறகு, அதி­கப்­ப­டி­யான வார உயர்வு, கடந்த வாரம் ஏற்­பட்­ட­து­ தான். அமெ­ரிக்க பொரு­ளா­தா­ரத்­தில் ஏற்­பட்­டுள்ள சிறிய தொய்வு, இதற்கு ஒரு கார­ண­மா­கும்.


அந்­நாட்­டின் வட்டி விகி­தங்­கள், இம்­மா­தம் மற்­றும் அடுத்த ஆண்­டு­களில் மூன்று முறை உயர்த்­தப்­படும் என்று அறி­விக்­கப்­பட்டு இருந்­தது. இத­னால், தங்­கம் விலை சரி­வில் இருந்து வந்­தது. தற்­போது ஏற்­பட்­டுள்ள பொரு­ளா­தார மந்த சூழல் கார­ண­மாக, வட்டி விகி­தம் உயர்வு தள்­ளிப் போகும் என்ற கண்­ணோட்­டம் உரு­வா­னது. இத­னால், டால­ரின் விலை சரிந்து, தங்­கம் மற்­றும் வெள்ளி விலை உயர்ந்து வர்த்­த­க­மாகி வரு­கிறது.


அமெ­ரிக்­கா­வின் நடப்பு கணக்கு பற்­றாக்­குறை, 10 ஆண்டு உச்­சத்­தில் உள்­ளது. அக்­டோ­பர் மாதத்­தி­லி­ருந்து இறக்­கு­மதி அதி­க­ரித்­த­தும், ஏற்­று­மதி குறைந்­த­தும் இதற்கு முக்­கிய கார­ணங்­க­ளா­கும்.பொது­வா­கவே தங்­கம், ஆப­ரண தேவை­யைக் காட்­டி­லும், அர­சு மற்­றும் மக்­கள் மத்­தி­யில், முத­லீட்டு தேவைக்­கா­கவே அதி­கம் பயன்­ப­டுத்­தப்­ப­டு­கிறது.


என­வே ­தான், வட்டி விகி­தங்­கள் உய­ரும்­போது, அது விலை­யில் தாக்­கத்தை ஏற்­ப­டுத்­து­கிறது.
உதா­ர­ண­மாக, வட்டி விகி­தம் உய­ரும்­போது, அரசு சார்ந்த கரு­வூ­லங்­கள் மற்­றும் பத்­தி­ரங்­க­ளின் ஆதா­யம் அதி­க­ரிக்­கும். அப்­போது முத­லீட்­டா­ளர்­கள் தங்­கத்­தின் மீதான முத­லீட்டை குறைத்து, அரசு சார்ந்த துறை­களில் முத­லீடு செய்­வர்.


இதற்கு மாறாக, வட்டி விகி­தம் குறை­யும்­போது, தங்­கம் மற்­றும் அது சார்ந்த பிற முத­லீ­டு­களில் அதி­க­மாக முத­லீடு செய்­வர். என­வே­ தான், வட்டி விகி­தம் குறித்த பேச்­சு­கள், எதிர்­பார்ப்­பு­கள், மாற்­றங்­கள் போன்­றவை சந்­தை­யில் கடு­மை­யான ஏற்ற இறக்­கங்­களை ஏற்­ப­டுத்­து­கிறது.


நடப்பு நிதி­யாண்­டில், இந்­திய ரிசர்வ் வங்கி, 8.6 டன் தங்­கத்தை கொள்­மு­தல் செய்­துள்­ளது. இவ்­வ­ளவு அதி­க­மாக வாங்­கு­வது, ஒன்பது ஆண்­டு­க­ளுக்­குப் பிறகு, இதுவே முதல் முறை ஆகும். இதற்கு முன், 2009ம் ஆண்­டில், பன்­னாட்டு நிதி­யத்­தி­ட­மி­ருந்து, 200 டன் கொள்­மு­தல் செய்­தி­ருந்­தது. தற்­போது மொத்த இருப்­பா­னது 557.77 டன்­க­ளாக உள்­ளது. உலக அள­வில் மத்­திய வங்­கி­க­ளின் மொத்த தங்க இருப்பு பட்­டி­ய­லில் இந்­தியா, 11-ம் இடத்­தில் உள்­ளது. அமெ­ரிக்கா தொடர்ந்து முதல் இடத்தை வகித்து வரு­கிறது.


அமெ­ரிக்­கா­வில், புதி­தாக விவ­சா­யம் சாராத அரசு பணி­களில் அமர்த்­தப்­பட்­ட­வர்­கள் எண்­ணிக்கை மாதம் தோறும் வெளி­யா­கும். கடந்த வெள்­ளி­யன்று வெளி­யான அறிக்­கை­யில், எண்­ணிக்கை எதிர்­பார்த்­ததை விட குறை­வாக வந்­த­தன் கார­ண­மாக, அமெ­ரிக்க நாணய குறி­யீடு வலு­வி­ழந்­தது. இது, சந்­தை­யில் தங்­கம், வெள்ளி விலை­க­ளுக்கு சாத­க­மாக அமைந்­தது.


செம்பு

இந்த ஆண்­டின் ஆரம்­பம் முதல் தற்­போது வரை, 17 சத­வீ­தம் அள­வுக்கு, சர்­வ­தேச சந்­தை­யில் செம்­பின் விலை­யில் சரிவு நிகழ்ந்­துள்­ளது. பொது­வா­கவே, பொரு­ளா­தார கார­ணி­கள், செம்­பின் விலை­யில் மாற்­றத்தை ஏற்­ப­டுத்­தும்.


பொரு­ளா­தா­ரம் உய­ரும்­போது, செம்­பின் விலை உயர்­வ­தும்; பொரு­ளா­தா­ரம் வீழ்ச்சி அடை­யும் போது, சரி­வ­து­மாக, ஒரு­மித்த போக்­கு­டன் காணப்­படும். 2015ம் ஆண்­டுக்கு பிறகு, முதன்­மு­றை­யாக இந்த ஆண்­டில் விலை சரிந்து வரு­வது குறிப்­பி­டத்­தக்­கது. உலக அள­வில் செம்பு நுகர்­வில், சீனா முத­லி­டம் வகிக்­கிறது.


ஐரோப்­பிய ஒன்­றி­யத்­தில் இருந்து இறக்­கு­மதி செய்­யப்­படும் கார்­க­ளுக்கு, அமெ­ரிக்கா அதி­கப்­ப­டி­யான வரி­ வி­திக்­கும் என்று அறி­வித்து இருந்­தது. பின் ஏற்­பட்ட பேச்­சு­வார்த்­தை­களில், இதை வில­க்கிக் ­கொள்­வ­தாக கூறி­யது. நிலவி வரும் இச்­சூ­ழ­லில், செம்பு விலை ஏற்­றம் கண்­டது.இருப்­பி­னும், லண்­டன் பொருள் வாணிப சந்­தை­யில், செம்­பின் இருப்பு அதி­க­ரித்து வரு­வது, இதன் விலை ஏற்­றத்தை கட்­டுப்­ப­டுத்­தும் என்று எதிர்­பார்க்­கப்­ப­டு­கிறது.

மேலும் கம்மாடிட்டி செய்திகள்

நடப்பு மாதத்தில் ஏற்றுமதி 23.7 சதவீதம் அதிகரிப்பு டிசம்பர் 09,2018

புதுடில்லி : நாட்டின் ஏற்றுமதி, இம்மாதம் 1 – 21ம் தேதி வரையிலான காலத்தில், 23.7 சதவீதம் உயர்ந்துள்ளதாக, மத்திய ... மேலும்

நிதி நிலை முடிவுகள்; அறிவிக்க தயாராகும் எல்.ஐ.சி., டிசம்பர் 09,2018

புதுடில்லி : எல்.ஐ.சி., நிறுவனத்தின் இயக்குனர்கள் குழு, கடந்த மார்ச் மாதத்துடன் முடிவடைந்த நிதியாண்டிற்கான ... மேலும்

புதிய பங்கு வெளியீட்டுக்கு 3 நிறுவனங்களுக்கு அனுமதி டிசம்பர் 09,2018

புதுடில்லி : பங்குச் சந்தை கட்டுப்பாட்டு அமைப்பான ‘செபி’, மூன்று நிறுவனங்களுக்கு, புதிய பங்கு வெளியீட்டுக்கு ... மேலும்

தங்கம் வெள்ளி சந்தை டிசம்பர் 09,2018

தங்கம்1 கி: 4,739.008 கி: 37,912.00வெள்ளி1 கிராம்: 65.401 கிலோ: 65,400.00என்.எஸ்.இ.,16259.3016240.3019.00 (0.12%) இறக்கம் சிவப்புபி.எஸ்.இ.,54318.4754208.53109.94 (0.20%) இறக்கம் ... மேலும்

தங்கம் விலை தொடர்ந்து சரிவதற்கு என்ன காரணம்? டிசம்பர் 09,2018

ஈரோடு–சர்வதேச முதலீட்டாளர்கள், டாலரில் முதலீடு செய்வதாலும், பல நாடுகள் கையிருப்பு தங்கத்தை விற்பனைக்கு ... மேலும்