பதிவு செய்த நாள்
09 டிச2018
23:53
இந்திய
பங்குச் சந்தைகளில், ஆறு வாரத்தில் இல்லாத அளவிற்கு, கடந்த வாரம்,
பெரிய அளவிலான விற்பனை நடைபெற்று, வர்த்தகம் முடிவுற்றது.
இதற்கு
சர்வதேச பங்குச் சந்தைகளின் சரிவு மற்றும் அமெரிக்க அரசு
கருவூலங்களின் ஆதாயம் சரிந்தது முக்கிய காரணமாகும். மும்பை
பங்குச் சந்தை குறியீட்டு எண் சென்செக்ஸ், 1.4 சதவீதமும், தேசிய
பங்குச்சந்தை குறியீட்டு எண் நிப்டி, 1.7 சதவீதமும் சரிந்திருந்தன.
அமெரிக்காவின்
நடப்பு கணக்கு பற்றாக்குறை, அக்டோபர் மாதத்தில் 10 ஆண்டு உச்சத்தை
அடைந்ததாக, அந்நாட்டில் வெளியான புள்ளி விபரம் தெரிவித்தது. இதன்
காரணமாக ஏற்பட்ட அசாதாரண சூழலாலும், பொருளாதார வளர்ச்சி தடைபடும்
என்ற கண்ணோட்டத்திலும், அமெரிக்க பங்குச் சந்தைகள் சரிந்தன. இதன்
தாக்கம் இந்திய பங்குச் சந்தைகளிலும் பிரதிபலித்தது.
சன்
பார்மா நிறுவனத்தில் ஏற்பட்ட பிரச்னைகள் காரணமாக, அப்பங்கு, 17
சதவீதம் சரிந்தது. டாடா மோட்டார்ஸ் நிறுவனத்தின் தர மதிப்பீட்டை
எஸ்.என்.பி., குளோபல் நிறுவனம் குறைத்ததன் காரணமாக, அப்பங்கு, 5.5
சதவீதம் சரிந்தது.நவம்பர் மாதத்தின் வாகன விற்பனை சரிந்ததன்
காரணமாக, மகிந்திரா அண்டு மகிந்திரா நிறுவனப் பங்குகளின் விலை,
8.8 சதவீதம் சரிந்தது. மேலும், ஜெ.எஸ்.டபிள்யு., மற்றும் டாடா ஸ்டீல்
நிறுவனப் பங்குகளும் அதிகளவிலான சரிவை சந்தித்தன.
கடந்த
வாரம் ‘ஜி -– 20’ உறுப்பு நாடுகளின் மாநாடு நடைபெற்றது. அப்போது,
சீனாவுடனான வர்த்தக மோதலை, சுமூகமாக்கும் வகையில், அமெரிக்க
அதிபர், புதிதாக, 200 பில்லியன் டாலர் மதிப்பிலான இறக்குமதி வரி
விதிப்பு செய்ய இருந்ததை தவிர்த்தார்.மேலும், சீன அதிபரும்,
அமெரிக்காவிடமிருந்து விவசாயக் கருவிகள், தொழில்நுட்ப
கருவிகள் போன்றவற்றை இறக்குமதி செய்ய விருப்பம் தெரிவித்தார்.
இதன்
காரணமாக, வரும் காலங்களில், இத்தகைய வர்த்தக மோதல்
தவிர்க்கப்படும் என, பங்குச் சந்தைகளில் சாதகமான சூழல் ஏற்பட்டு,
வியாபாரம் நன்றாக ஆரம்பித்தது. இருந்தபோதிலும் வார இறுதியில்
சரிவில் முடிவுற்றது.டாலருக்கு நிகரான இந்திய ரூபாயின் மதிப்பு,
இந்த ஆண்டு, 13 சதவீதம் குறைந்துள்ளது. ஆசிய நாணயங்களில்
அதிகப்படியான மதிப்பு சரிந்தது இந்திய ரூபாய் ஆகும்.
ஐந்து மாநில
சட்டசபை தேர்தல் குறித்த கருத்துக் கணிப்புகள், சந்தையில்
தாக்கத்தை ஏற்படுத்தியது. இந்த வாரத்தைப் பொறுத்தவரை, நிப்டி,
ரெசிஸ்டென்ஸ், 10930 மற்றும் 11100 ஆகும், சப்போர்ட், 10720 ஆகும்.
பங்குச் சந்தை, முருகேஷ் குமார்
மேலும் பங்கு வர்த்தகம் செய்திகள்
|
Advertisement
|
Advertisement
|
Advertisement
|
|
|
|