புதுடில்லி:நிறுவனர்களின் பங்கு மூலதனத்தை குறைப்பது தொடர்பான பிரச்னையில், மகிந்திரா கோட்டக் வங்கியின் செயல்பாடுகளை உன்னிப்பாக கவனித்து வருகிறது, பந்தன் வங்கி.


இது குறித்து பந்தன் வங்கி தரப்பில் கூறியதாவது:கோட்டக் மகிந்திரா வங்கி, அதன் நிறுவனர்களின் பங்கு மூலதனத்தை, இம்மாத இறுதிக்குள், 20 சதவீதமாக குறைக்க வேண்டும் என, ரிசர்வ் வங்கி உத்தரவிட்டிருந்தது.இந்த உத்தரவை நிறுத்தி வைக்கக் கோரி, கோட்டக் வங்கி மும்பை ஐகோர்ட்டில் மனு தாக்கல் செய்துள்ளது.


இதேபோல், பந்தன் வங்கிக்கும், நிறுவனர்களின் பங்கு மூலதனத்தை குறைக்குமாறு, ரிசர்வ் வங்கி உத்தரவிட்டிருந்தது.பந்தன் வங்கி, நிறுவனர்களின் பங்கு மூலதனத்தை, மூன்று ஆண்டுகளுக்குள், 82 சதவீதத்திலிருந்து, 40 சதவீதமாக, குறைக்க வேண்டும் என உத்தரவிட்டிருந்தது.ஆனால், குறிப்பிட்ட கால அவகாசத்துக்குள் உத்தரவை நிறைவேற்ற இயலாததால், புதிதாக கிளைகளை துவக்க, ரிசர்வ் வங்கி தடைவிதித்து விட்டது.


இந்நிலையில், கோட்டக் மகிந்திரா வங்கி, நீதிமன்றத்தை அணுகிஉள்ளதால், அது குறித்து உன்னிப்பாக கவனித்து வருகிறோம்.இவ்வாறு வங்கி தரப்பில் கூறினர்.பந்தன் வங்கிக்கு தற்போது, 937 கிளைகள் உள்ளன. அடுத்த ஆண்டு மார்ச் மாதத்துக்குள், கிளைகளின் எண்ணிக்கையை ஆயிரமாக உயர்த்த திட்டமிட்டிருந்தது குறிப்பிடத்தக்கது.


பந்தன் வங்கியின் தலைமை செயல் அதிகாரியும் நிர்வாக இயக்குனருமான, சந்திரா சேகர் கோஷ் இது குறித்து கருத்து எதையும் தெரிவிக்க மறுத்துவிட்டார்.

மேலும் வங்கி மற்றும் நிதி செய்திகள்

உங்கள் முதல் சம்பளத்தில் மேற்கொள்ள வேண்டிய முதலீடுகள் டிசம்பர் 11,2018

முதல் சம்பளம் பெறும் போது உண்டாகும் உற்சாகமான மனநிலையில் பெரும்பாலானோர், சேமிப்பு பற்றியோ முதலீடு பற்றியோ ... மேலும்

வாராக் கடன் பிரச்னைகள் தீர்க்கும் முயற்சியில் தீவிரம் டிசம்பர் 11,2018

புதுடில்லி:வங்கிகளில் உள்ள வாராக் கடன்களின் முதல் தொகுப்பு, ‘தேசிய சொத்து மறுசீரமைப்பு’ நிறுவனத்தின் வசம் ... மேலும்

வைப்பு நிதி முதலீட்டில் அதிக பலன் பெற வழிகள் டிசம்பர் 11,2018

வட்டி விகிதம் உயரத் துவங்கியிருக்கும் சூழலில், வைப்பு நிதி முதலீட்டு உத்தி எப்படி இருக்க வேண்டும் என்பது ... மேலும்

ரிசர்வ் வங்கி நிச்சயம் வட்டியை உயர்த்தும் டிசம்பர் 11,2018

புதுடில்லி:ரிசர்வ் வங்கி 8ம் தேதி அன்று, அதன் பணக் கொள்கை கூட்டத்தின் முடிவில், மேலும் 0.4 சதவீதம் அளவுக்கு ... மேலும்

வீடுகள் விலை உயர்வுரிசர்வ் வங்கி அறிக்கை டிசம்பர் 11,2018

மும்பை:அகில இந்திய அளவில், வீடுகளின் விலை குறித்த குறியீட்டு எண் ஆன, எச்.பி.ஐ., கடந்த மார்ச் மாதத்துடன் ... மேலும்