புதுடில்லி : ‘டாடா பவர்’ நிறுவனம், 70 கோடி ரூபாய் முதலீட்டில், மின் வாகனங்களுக்கான, ‘சார்ஜ்’ ஏற்றும் மையங்களை அமைக்க இருக்கிறது.

இது குறித்து, இந்நிறுவனத்தின் நிர்வாக இயக்குனர், பிரவீர் சின்ஹா கூறியதாவது: தற்போது, மும்பை, டில்லி, ஐதராபாத் ஆகிய இடங்களில், மொத்தம், 21 மையங்களை நிறுவனம் அமைத்துள்ளது. இவை தவிர, 1,000 மையங்களை, டில்லி மற்றும் தலைநகர் பிராந்தியத்தில் அமைக்க இருக்கிறோம்.மேலும், மஹாராஷ்டிராவில், 100 மையங்களை நிறுவ இருக்கிறோம். இதற்காக, அரசு எண்ணெய் நிறுவனங்களான, ஹிந்துஸ்தான் பெட்ரோலியம், பாரத் பெட்ரோலியம் மற்றும் இந்தியன் ஆயில் ஆகியவற்றுடன் கூட்டு வைக்க இருக்கிறோம்.

இந்த மூன்று நிறுவனங்களின் பெட்ரோல் நிலையங்களில், இந்த சார்ஜ் ஏற்றும் மையங்களை அமைக்க இருக்கிறோம்.மேலும், மால்கள், மெட்ரோ ரயில் நிலையங்கள், மருத்துவமனைகள், ஓட்டல்கள் போன்றவற்றுடனும் கூட்டு வைக்க இருக்கிறோம்.இந்த கூட்டு முயற்சியின் பலனாக, இடத்திற்காக தனியே முதலீடு செய்ய வேண்டிய நிலை ஏற்படாது. எனவே, விரைவில் முதலீட்டை திரும்ப எடுத்துவிட முடியும்.

தற்சமயம் இந்தியாவில், மொத்தம், 61 ஆயிரம் பெட்ரோல் நிலையங்கள் உள்ளன; 500 மின்சார சார்ஜ் ஏற்றும் மையங்கள் உள்ளன.வரும், 2030ம் ஆண்டில், டில்லியில் மட்டும், மூன்று லட்சம் சார்ஜ் ஏற்றும் மையங்கள் தேவைப்படும் என, கணிக்கப்பட்டுள்ளது.இவ்வாறு அவர் கூறினார்.

மேலும் பொது செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு டிசம்பர் 18,2018

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் டிசம்பர் 18,2018

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது டிசம்பர் 18,2018

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி டிசம்பர் 18,2018

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு டிசம்பர் 18,2018

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்