வாடகை ஸ்கூட்டர் சேவையில் வோகோ – ஓலா கைகோர்ப்புவாடகை ஸ்கூட்டர் சேவையில் வோகோ – ஓலா கைகோர்ப்பு ...  அப்படியா அப்படியா ...
திவால் சட்டத்தில் கடன் தீர்வு திட்டம் இணைப்பு?
எழுத்தின் அளவு:

பதிவு செய்த நாள்

18 டிச
2018
23:26

புதுடில்லி : ‘‘நிறுவனங்களின் வாராக் கடனை வசூலிக்க உதவும், திவால் சட்டத்தில், கடன் தீர்வு திட்டங்களையும் சேர்ப்பது குறித்து, வருங்காலத்தில் பரிசீலிக்கப்படும்,’’ என, மத்திய நிதியமைச்சர், அருண் ஜெட்லி தெரிவித்துள்ளார்.

டில்லியில், நிகழ்ச்சி ஒன்றில் அவர் மேலும் பேசியதாவது: வங்கியில் கடன் பெற்று, திரும்பத் தராத நிறுவனங்களுக்கு, ரிசர்வ் வங்கி, கடன் தீர்வு மற்றும் கடன் மறுசீரமைப்பு திட்டங்களை செயல்படுத்தி வந்தது.ஆனால், இத்திட்டங்கள் போதிய அளவிற்கு பயன் தரவில்லை. இந்நிலையில் தான், மத்திய அரசு, 2016ல், திவால் சட்டத்தை அறிமுகப்படுத்தியது. இதன் மூலம், வங்கிகளின் வாராக் கடன் வசூல் அதிகரித்துள்ளது.

திவால் சட்டம் நடைமுறைக்கு வந்ததை அடுத்து, ரிசர்வ் வங்கி, போதிய அளவிற்கு பயன் தராத அனைத்து கடன் மறுசீரமைப்பு திட்டங்களையும் ரத்து செய்தது.தற்போது, திவால் சட்டத்தின் கீழ், பல நிறுவனங்கள் மீது நடவடிக்கை எடுக்கப்பட்டு வருகிறது. இந்த சட்டம், வாராக் கடனை வசூலிக்க உதவுகிறது என்றபோதிலும், கடனை திரும்பச் செலுத்தும் நிறுவனங்கள் புத்துயிர் பெறுவதற்கும் உதவுகிறதா... என, பார்க்க வேண்டும்.

இயல்பு நிலை:
அவ்வாறு இல்லாத பட்சத்தில், புத்துயிரூட்ட மாற்று வழிகள் குறித்து ஆராய வேண்டும். இது குறித்த விவாதத்திற்கு, இது சரியான தருணம் அல்ல என, நான் கருதுகிறேன். ஏனெனில், ஏராளமான நிறுவனங்கள் மீது, திவால் சட்டம் பாய்ந்துள்ளது.அடுத்த இரண்டு ஆண்டுகளில், இந்த எண்ணிக்கை குறைந்து, வர்த்தகச் சூழல் மீண்டும் இயல்பு நிலைக்கு திரும்பும்.

நிறுவனங்களிடம், வங்கியில் வாங்கிய கடனை ஒழுங்காக திரும்பச் செலுத்த வேண்டும் என்ற எண்ணம், மேலோங்கும். திவால் சட்டம் காரணமாக, கடன் தருவோர் மற்றும் கடன் பெறுவோர் இடையே, மீண்டும் நேர்மையான நல்லுறவு மிளிரும்.அப்படிப்பட்ட சூழல் உருவாகும்போது, திவால் சட்டத்தில், கடன் தீர்வு திட்டங்களை இணைக்க, சட்டத்தில் திருத்தம் செய்வது குறித்து பரிசீலிக்கலாம்.

தற்போது, அதற்கான சூழல் உருவாகவில்லை.மேலும், திவால் சட்டம், 29ஏ பிரிவில், குறிப்பாக, ‘நிறுவனங்களை சார்ந்தோர்’ என்ற சொற்பதம், மாறுபட்ட கருத்தை பிரதிபலிப்பதாக, தொழில் துறையினர் சுட்டிக் காட்டியுள்ளனர். இது குறித்தும் விவாதிக்கப்பட்டு, உரிய நேரத்தில் சட்டத்தில் திருத்தம் செய்யப்படும். இவ்வாறு அவர் கூறினார்.

ரிசர்வ் வங்கி நடவடிக்கை:
கடன் தவணையை சரிவர செலுத்த தவறும் நிறுவனங்களுக்கு, கடன் தீர்வு மற்றும் மறுசீரமைப்பு திட்டங்களின் கீழ், வங்கிகள், சலுகைகள் வழங்கி வந்தன. கடனை திரும்பச் செலுத்துவோருக்கு, வட்டி தள்ளுபடி உள்ளிட்ட சலுகைகள் வழங்கப்பட்டன.கடன் மறுசீரமைப்பு திட்டங்களில், பழைய கடன்கள், புதிய கடன்களாக பதிவு செய்யப்பட்டன. இருந்தபோதும், வங்கிகளின் வாராக் கடன் சுமை பெருமளவு அதிகரித்த சூழலில்தான், திவால் சட்டம் அமலுக்கு வந்தது.இதையடுத்து, வங்கிகளுக்கான அனைத்து கடன் மறுசீரமைப்பு திட்டங்களையும், இந்தாண்டு துவக்கத்தில், ரிசர்வ் வங்கி ரத்து செய்தது.

Advertisement

மேலும் பொது செய்திகள்

business news
புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்
business news
புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்
business news
புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்
business news
புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்
business news
புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்
  தினமலர் முதல் பக்கம்
வர்த்தகம் முதல் பக்கம் »
Advertisement
Advertisement
Advertisement
dinamalar-advertisement-tariff-2018
  • தங்கம்
  • வெள்ளி
  • கரன்சி
  • மளிகை மார்க்கெட்
 
வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g to toggle between English and Tamil)