புதுடில்லி : சுற்றுச்சூழல் மாசு தொடர்பான வழக்கில், ஜெர்மனியைச் சேர்ந்த போக்ஸ்வேகன் நிறுவனம், இன்று மாலை, 5:00 மணிக்குள், 100 கோடி ரூபாய் டெபாசிட் செய்ய வேண்டும் என, தேசிய பசுமை தீர்ப்பாயம் உத்தரவிட்டுள்ளது.

சில ஆண்டுகளுக்கு முன், போக்ஸ்வேகன் நிறுவனம், அதன் வாகனங்களில், சுற்றுச்சூழல் மாசு குறைவாக இருப்பது போல சாப்ட்வேரில் தில்லுமுல்லு செய்தது அம்பலமானது. இதையடுத்து, அமெரிக்கா, ஐரோப்பா உள்ளிட்ட சந்தைகளில், 1.10 கோடி கார்களில் சாப்ட்வேர் மோசடி நடந்ததை, போக்ஸ்வேகன் ஒப்புக் கொண்டது.

இந்நிலையில், போக்ஸ்வேகன் இந்தியா நிறுவனத்தின் சில மாடல் கார்கள், ‘பாரத் ஸ்டேஜ் – 4’ விதிகளை மீறி, இரு மடங்கு அதிகமாக காற்று மாசு வெளியிடுவதாக, இந்திய வாகன ஆராய்ச்சி மையம் தெரிவித்தது.இடைக்கால இழப்பீடுஇதையடுத்து, 2015ல், மூன்று லட்சத்து, 23 ஆயிரத்து, 700 கார்களை, அந்நிறுவனம் திரும்பப் பெற்று, சரி செய்து கொடுத்தது.

இந்நிலையில், சுற்றுச்சூழல் மாசு விதிகளை மீறிய போக்ஸ்வேகன் கார்களுக்கு தடை கோரி, சலோனி அயிலாவாடி உள்ளிட்ட சுற்றுச்சூழல் ஆர்வலர்கள், தேசிய பசுமை தீர்ப்பாயத்தில் வழக்கு தொடர்ந்தனர்.இதில், போக்ஸ்வேகன், சுற்றுச்சூழல் பாதிப்பிற்காக, மத்திய மாசு கட்டுப்பாட்டு வாரியத்திற்கு, இடைக்கால இழப்பீடாக, 100 கோடி ரூபாய் டெபாசிட் செய்ய வேண்டும் என, 2018, நவ., 16ல், உத்தரவு பிறப்பிக்கப்பட்டது.

இந்த வழக்கு, நேற்று தேசிய பசுமை தீர்ப்பாய தலைவர், ஆதர்ஷ் குமார் கோயல் முன்னிலையில், மீண்டும் விசாரணைக்கு வந்தது.அப்போது, போக்ஸ்வேகன், 100 கோடி ரூபாய் டெபாசிட் செய்ய தவறியதற்கு கண்டனம் தெரிவித்த, தீர்ப்பாய தலைவர், வெள்ளி மாலை, 5:00 மணிக்குள் டெபாசிட் செய்ய வேண்டும் எனக் கூறி, வழக்கை தள்ளி வைத்தார்.

இந்தியாவில் விற்பனை செய்த கார்களில், சாப்ட்வேர் தில்லுமுல்லு எதுவும் செய்யவில்லை. இது தொடர்பாக, உச்ச நீதிமன்றத்தில் முறையிட்டுள்ளோம். எனினும், தேசிய பசுமை தீர்ப்பாயத்தின் உத்தரவுப்படி, 100 கோடி ரூபாய் டிபாசிட் செய்யப்படும்.போக்ஸ்வேகன் செய்தி தொடர்பாளர்

மேலும் பொது செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு ஜனவரி 18,2019

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் ஜனவரி 18,2019

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது ஜனவரி 18,2019

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி ஜனவரி 18,2019

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு ஜனவரி 18,2019

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்