எம்.எஸ்.எம்.இ., எனும் குறு, சிறு, நடுத்தர தொழில் நிறுவனங்கள், ஒற்றைச்சாளர முறையில் அனுமதி பெற, 363 விண்ணப்பங்கள் பெறப்பட்டுள்ளன. இதில், 111 விண்ணப்பங்கள் நிலுவையில் இருப்பதாக அதிகாரிகள் தெரிவித்துள்ளனர்.

தமிழகத்தில், சிறிய நிறுவனங்கள் முதல், பெரிய நிறுவனங்கள் வரை தொழில் துவங்க, ஒற்றைச்சாளர முறையில் இணையதளம் வழியாக அனுமதி பெறும், ‘தமிழ்நாடு வணிகம் எளிதாக்குதல் சட்டம்’ ஏப்ரலில் நடைமுறைப்படுத்தப்பட்டது.இதன் வழியாக, புதிய தொழில் நிறுவனம் துவங்குதல், ஏற்கனவே உள்ள நிறுவனத்தை விரிவுபடுத்துதல், தடையின்மை சான்றிதழ், அனுமதியை புதுப்பித்தல் போன்ற, தொழில் சார்ந்த அனைத்து வசதிகளையும் பெற முடியும்.இதில் விண்ணப்பிக்கும் நிறுவனங்களுக்கு, 30 நாட்களுக்குள் அனுமதி வழங்கப்படுகிறது.

இந்நிலையில், எம்.எஸ்.எம்.இ., துறையில், 300க்கும் மேற்பட்ட விண்ணப்பங்கள் பெறப்பட்டுள்ளதாகக் கூறப்படுகிறது.இது குறித்து, தொழில் துறை அதிகாரிகள் கூறியதாவது:ஒற்றைச்சாளர முறை அறிமுகப்படுத்திய ஒன்பது மாதங்களில், இதுவரை, 363 சிறு, குறு நிறுவனங்கள், தொழில் துவங்க விண்ணப்பித்துள்ளன.

இதில், 252 நிறுவனங்களுக்கு அனுமதி வழங்கப்பட்டுள்ளன. இதன் வழியாக, 843 கோடி ரூபாய் முதலீடு பெறப்பட்டுஉள்ளது. மேலும், 16 ஆயிரத்து, 918 பேருக்கு வேலைவாய்ப்பு கிடைக்கும். மீதம் உள்ள, 111 விண்ணப்பங்கள் செயல்பாட்டில் உள்ளன.இவ்வாறு அவர்கள் கூறினர்.

– நமது நிருபர் –

மேலும் பொது செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு ஜனவரி 19,2019

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் ஜனவரி 19,2019

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது ஜனவரி 19,2019

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி ஜனவரி 19,2019

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு ஜனவரி 19,2019

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்