பதிவு செய்த நாள்
30 ஜன2019
23:55
இந்தியாவில், ஒயர் இல்லாத, ‘பிராட்பேண்ட்’ சேவை பயன்படுத்துவோரின் எண்ணிக்கை, ஓர் ஆண்டில், 16 கோடி உயர்ந்துள்ளது என, ‘டிராய்’ எனும் தொலை தொடர்பு ஆணையம் தெரிவித்துள்ளது.
இதே போன்று, மொபைல் போன் பயன்படுத்துவோரின் எண்ணிக்கை, ஒரு கோடி உயர்ந்துள்ளது; ‘லேண்ட்லைன்’ பயன்படுத்துவோரின் எண்ணிக்கை, 14 லட்சம் குறைந்துள்ளது.
நகர்புறம்:
இந்தியாவில், மொபைல் போன், லேண்ட்லைன் போன், பிராட்பேண்ட் வசதி ஆகியவற்றை பயன்படுத்துவோரின் விபரங்களை, டிராய் சமீபத்தில் வெளியிட்டது.
இதன் விபரங்கள்: இந்தியாவில், 2018, நவம்பரின் படி, மொபைல் போன், 117.17 கோடி; லேண்ட்லைன் போன், 2.19 கோடி என, மொத்தம், 119.36 கோடி பேர், தொலை தொடர்பு வசதியை பயன்படுத்துகின்றனர்.இந்த எண்ணிக்கை, 2017, நவம்பரின் படி, மொபைல் போன், 116.24 கோடி; லேண்ட்லைன், 2.34 கோடி என, மொத்தம், 118.58 கோடியாக இருந்தது.
கடந்த ஓர் ஆண்டில் மட்டும், மொபைல் போன் பயன்படுத்துவோரின் எண்ணிக்கை, ஒரு கோடியாக உயர்ந்துள்ளது. லேண்ட்லைன் பயன்படுத்துவோரின் எண்ணிக்கை, 20 லட்சமாக குறைந்துள்ளது.இவற்றில், நகர்ப்புற மொபைல் போன் பயன்படுத்துவோரின் எண்ணிக்கை, 2018, நவ.,ல், 64.57 கோடியாக உள்ளது. இது, 2017, நவ.,ல், 66.49 கோடியாக இருந்தது.
லேண்ட்லைன் பயன்படுத்துவோரின் எண்ணிக்கை, 2018ல், 1.88 கோடியாகவும், 2017ல், 1.99 கோடியாகவும் இருந்தது. இதில், மொபைல் போன் பயன்படுத்துவோரின் எண்ணிக்கை இரண்டு கோடியும், லேண்ட்லைன் பயன்படுத்துவோரின் எண்ணிக்கை, 11 லட்சமும் குறைந்துள்ளது.
இதே போன்று, கிராம பகுதிகளில் மொபைல் போன் பயன்படுத்துவோரின் எண்ணிக்கை, 2018, நவ.,ல், 52.60 கோடியாகவும், 2017, நவ.,ல், 49.75 கோடியாக இருந்தது.
குறைவு:
லேண்ட்லைன் எண்ணிக்கை, 2018ன் படி, 31 லட்சமாகவும், 2017ல், 34 லட்சமாகவும் இருந்தது. இதன் படி, மொபைல் போன் பயன்படுத்துவோரின் எண்ணிக்கை, மூன்று கோடி உயர்ந்துள்ளது. லேண்ட்லைன் பயன்படுத்துவோரின் எண்ணிக்கை, மூன்று லட்சம் குறைந்துள்ளது.பிராட்பேண்ட் பயன்படுத்துவோரின் எண்ணிக்கை, 2018ன் படி, 51.19 கோடியாக உள்ளது. இது, 2017ன் படி, 35.07 கோடியாகும்.
இதில், ஒயர்லஸ் பிராட்பேண்ட் பயன்படுத்துவோரின் எண்ணிக்கை, 16 கோடி உயர்ந்துள்ளது. ஒயர் பிராட்பேண்ட் பயன்படுத்துவோரின் எண்ணிக்கை, 10 லட்சம் குறைந்துள்ளது. இவ்வாறு அதில் தெரிவிக்கப்பட்டுள்ளது.
– நமது நிருபர் –
மேலும் பொது செய்திகள்
|
Advertisement
|
Advertisement
|
Advertisement
|
|
|
|