பதிவு செய்த நாள்
16 பிப்2019
23:52
புதுடில்லி: கடந்த, ஜனவரியில், தங்க ஆபரணங்கள், நவரத்தினங்கள், மருந்து, ரசாயனப் பொருட்கள் ஆகியவற்றின் பங்களிப்பால், நாட்டின் ஏற்றுமதி, 3.74 சதவீதம் உயர்ந்து, 2,636 கோடி டாலராக அதிகரித்துள்ளது.இது, இந்திய ரூபாய் மதிப்பில், 1.84 லட்சம் கோடியாகும்.இதே மாதத்தில், நாட்டின் இறக்குமதி, அதிக ஏற்ற, இறக்கமின்றி, 4,100 கோடி டாலராக இருந்தது. இதனால், நாட்டின் வர்த்தகப் பற்றாக்குறை, 1,473 கோடி டாலராக குறைந்துள்ளது. இது, 2018, ஜனவரியில், 1,567 கோடி டாலராக அதிகரித்து காணப்பட்டது.அதேசமயம், இதே காலத்தில், தங்கம் இறக்குமதி, 167 கோடி டாலரில் இருந்து, 231 கோடி டாலராக உயர்ந்துள்ளது.நடப்பு, 2018- – 19ம் நிதியாண்டின், ஏப்ரல் – ஜனவரி வரையிலான காலத்தில், ஏற்றுமதி, 9.52 சதவீதம் உயர்ந்து, 27 ஆயிரத்து, 180 கோடி டாலராக ஏற்றம் கண்டுள்ளது.இறக்குமதி, 11.27 சதவீதம் அதிகரித்து, 42 ஆயிரத்து, 773 கோடி டாலராக உயர்ந்துஉள்ளது.இதே காலத்தில், வர்த்தகப் பற்றாக்குறை, 13ஆயிரத்து, 625 கோடி டாலரில் இருந்து, 15 ஆயிரத்து, 593 கோடி டாலராக அதிகரித்துள்ளது.இந்தாண்டு, ஜனவரியில், கச்சா எண்ணெய் இறக்குமதி, 3.59 சதவீதம் உயர்ந்து, 1,124 கோடி டாலராக ஏற்றம்கண்டுள்ளது.
மேலும் பொது செய்திகள்
|
Advertisement
|
Advertisement
|
Advertisement
|
|
|
|