பதிவு செய்த நாள்
19 ஜூன்2019
07:19
புதுடில்லி: வேலை தேடுபவர்களுக்கு மகிழ்ச்சி அளிக்கும் வகையில் ஆய்வறிக்கை ஒன்றை டீம்லீஸ் சர்வீசஸ் நிறுவனம் வெளியிட்டுள்ளது.
நடப்பு நிதியாண்டில், ஏப்ரல் முதல் செப்டம்பர் வரையிலான காலகட்டத்தில், 58 ஆயிரத்து, 200 புதிய வேலைகள் உருவாகும். உற்பத்தி, பொறியியல், உள்கட்டமைப்பு ஆகிய துறைகளில் இந்த வேலை வாய்ப்புகள் இருக்கும் என்கிறது, இந்த ஆய்வறிக்கை. டீம்லீஸ் சர்வீசஸ் நிறுவனம், வேலை வாய்ப்புகள் குறித்து, ஆண்டுக்கு இருமுறை ஆய்வறிக்கை வெளியிட்டு வருகிறது. 19 துறைகளில், 775 இந்திய நிறுவனங்களிலும், 85 வெளிநாட்டு நிறுவனங்களிலும் இந்த ஆய்வை டீம்லீஸ் நிறுவனம் மேற்கொண்டது.
இவ்வறிக்கையில் மேலும் தெரிவிக்கப்பட்டுள்ளதாவது: உற்பத்தி, பொறியியல், உள்கட்டமைப்பு துறைகளில், கடந்த நிதியாண்டின் இரண்டாவது அரையாண்டில், 6.42 கோடி பேருக்கு வேலை வாய்ப்புகள் வழங்கப்பட்டு உள்ளன. மின்னணு உற்பத்தி துறை, 2025ம் ஆண்டில், 26 லட்சம் கோடி ரூபாய் அளவுக்கு முதலீட்டை ஈர்க்கும் என எதிர்பார்க்கப்படுகிறது. இதையடுத்து இந்த துறையானது, நாட்டில் வேலைவாய்ப்புகளை வழங்குவதில் அதிவேகமான வளர்ச்சியை ஏற்படுத்தும் என எதிர்பார்க்கப்படுகிறது.
நவீனப்படுத்துதல், தொழிற்சாலை இணைய சாதனங்கள் பயன்பாடு ஆகியவற்றின் காரணமாக, 2022ல், உற்பத்தி துறையானது, நாட்டின் மொத்த உள்நாட்டு உற்பத்தியில், 25 சதவீதம் அளவுக்கு பங்களிப்பை வழங்கும் என கணிக்கப்பட்டுள்ளது. இதனால், வேலைவாய்ப்புகளும் கணிசமான அளவுக்கு நாட்டில் அதிகரிக்கும். உற்பத்தி, பொறியியல், உள்கட்டமைப்பு ஆகிய துறைகள், நடப்பு நிதியாண்டின் அரையாண்டில், 8.02 சதவீதம் வளர்ச்சியை எட்டும் என தெரிகிறது.
மேலும், இரண்டாம் நிலை நகரங்களில், 5 சதவீதமும், மூன்றாம் நிலை நகரங்களில், 2 சதவீதமும் வளர்ச்சி இருக்கும் என எதிர்பார்க்கப்படுகிறது.நடுத்தர நிறுவனங்களில், 5 சதவீத அளவுக்கும், பெரிய நிறுவனங்களில், 2 சதவீத அளவுக்கும் வளர்ச்சி இருக்கும். கடந்த நிதியாண்டின், அக்டோபர் முதல் மார்ச் வரையிலான காலகட்டத்துடன் ஒப்பிடுகையில், நடப்பு நிதியாண்டின், ஏப்ரல் முதல் செப்டம்பர் வரையிலான காலகட்டத்தில், 14 நகரங்களில், பாதி நகரங்கள், வளர்ச்சி இருக்கும் என கருதுகின்றன. மீதி நகரங்கள், வளர்ச்சி குறைவாக இருக்கும் என கருதுகின்றன. இவ்வாறு, ஆய்வறிக்கையில் தெரிவிக்கப்பட்டுள்ளது.
நடப்பு நிதியாண்டில் வேலைவாய்ப்பு வளர்ச்சி:
நகரம் - சதவீதம்புனே - 5கோவை - 4சென்னை - 3அகமதாபாத் - 3கோல்கட்டா - 3டெல்லி - 2மும்பை - 1
மேலும் பொது செய்திகள்
|
Advertisement
|
Advertisement
|
Advertisement
|
|
|
|