புதுடில்லி:கடந்த நிதியாண்டில், இன்போசிஸ் நிறுவனத்தின் தலைமை செயல் அதிகாரி சலீல் பாரேக் ஊதியம், 39 சதவீதம் அதிகரித்து, 34.27 கோடி ரூபாயாக இருப்பதாக, நிறுவனத்தின் ஆண்டு அறிக்கையிலிருந்து தெரிய வந்துள்ளது.

இதற்கு முந்தைய நிதியாண்டான, 2018 – 19ல், சலீல் பாரேக் பெற்ற ஊதியம், 24.67 கோடி ரூபாயாகும்.கடந்த நிதியாண்டில் இவர், 16.85 கோடி ரூபாயை சம்பளத் தொகையாகவும், 17.04 கோடி ரூபாயை பங்குகளாகவும், 38 லட்சம் ரூபாயை வேறு வகையிலும் பெற்று உள்ளார்.


இன்போசிஸ் நிறுவனத் தலைவர் நந்தன் நிலேகனி தன் சேவைக்காக எந்த தொகையும் வேண்டாம் என ஏற்கனவே தெரிவித்திருந்தது குறிப்பிடத்தக்கது.நிறுவனத்தின் தலைமை செயல்பாட்டு அதிகாரி யு.பி.பிரவீன் ராவ் ஊதியம், 17.1 சதவீதம் அதிகரித்து, 10.6 கோடி ரூபாயாக உள்ளது. இதற்கு முந்தைய நிதியாண்டில் இவர், 9.05 கோடி ரூபாயை ஊதியமாக பெற்றுள்ளார்.

இதற்கிடையே, டாடா குழுமத்தைச் சேர்ந்த, டி.சி.எஸ்., நிறுவனத்தின் தலைமை செயல் அதிகாரியும், நிர்வாக இயக்குனருமான ராஜேஷ் கோபிநாதன் ஊதியம், கடந்த நிதியாண்டில், 16 சதவீதம் அளவுக்கு குறைந்து, 13.3 கோடி ரூபாயாக உள்ளது.விப்ரோ நிறுவனத்தின் தலைமை செயல் அதிகாரி அபிதாலி இசட் நீமுச்வாலா ஊதியம், கடந்த நிதியாண்டில், 11.8 சதவீதம் உயர்ந்து, 33.38 கோடி ரூபாயாக உள்ளது.

மேலும் ஐ.டி செய்திகள்

புதிய வாடிக்கையாளர்கள் ‘ஜியோ’வை விஞ்சிய ‘ஏர்டெல்’ ஜூன் 02,2020

புதுடில்லி:நாட்டிலுள்ள தொலைபேசி சந்தாதாரர்களின் மொத்த எண்ணிக்கை 116. ஏழு கோடியாக, மார்ச் மாதத்தில் அதிகரித்து ... மேலும்

டுவிட்டரை மோசமாக்கி விடுவார்: எலான் குறித்து பில்கேட்ஸ் ஜூன் 02,2020

புதுடில்லி:‘டுவிட்டர்’ நிறுவனத்தை, எலான் மஸ்க் மோசமாக்கி விடுவார் என, பில்கேட்ஸ் கருத்து ... மேலும்

நான்கு நகரங்களில் ‘மினி டைடல் பார்க்’ ஜூன் 02,2020

சென்னை:துாத்துக்குடி, வேலுார், விழுப்புரம் மற்றும் திருப்பூர் நகரங்களில், ‘மினி டைடல் பார்க்’குகள் ... மேலும்

தகவல் தொழில்நுட்ப துறையில் 1.1 லட்சம் வேலைவாய்ப்புகள் ஜூன் 02,2020

புதுடில்லி:நாட்டின் முன்னணி தகவல் தொழில்நுட்ப நிறுவனங்கள், நடப்பு நிதியாண்டில், ஏராளமானோரை பணியில் அமர்த்த ... மேலும்

எச்.சி.எல்., பொறுப்புகளிலிருந்து ஷிவ் நாடார் விலகல் ஜூன் 02,2020

புதுடில்லி:‘எச்.சி.எல்., டெக்னாலஜிஸ்’ நிறுவனத்தின் நிர்வாக இயக்குனர் மற்றும் இயக்குனர் பதவிகளிலிருந்து ... மேலும்