பதிவு செய்த நாள்
02 ஜூலை2020
22:47
புதுடில்லி:நாட்டின் தங்க இறக்குமதி, கடந்த ஜூன் மாதத்தில், 86 சதவீதம் சரிந்துள்ளதாக
தெரியவந்துள்ளது. கொரோனா பரவுவதை தடுப்பதற்காக, நாடு தழுவிய அளவில், ஊரடங்கு அமல்படுத்திய நிலையில், தங்க இறக்குமதிசரிந்துள்ளது.
இது குறித்து, அரசு உயரதிகாரி ஒருவர் கூறியதாவது:நாடு முடக்கப்பட்டதை அடுத்து, தேவை குறைந்தது; சர்வதேச விமான பயணங்களுக்கு தடை விதிக்கப்பட்டது; நகைக் கடைகள்
மூடப்பட்டது உள்ளிட்ட பல்வேறு காரணங்களால், தங்கஇறக்குமதி, கடந்த ஜூன் மாதத்தில், 86 சதவீதம் அளவுக்கு சரிவைக்கண்டுள்ளது.
உலகளவில், தங்க இறக்குமதியில், இரண்டாவது இடம் வகிக்கிறது, இந்தியா. இந்நிலையில், கடந்த ஜூன் மாதம், 11 டன் தங்கம் மட்டுமே இறக்குமதி ஆகியுள்ளது. இதுவே, கடந்த ஆண்டு, இதே ஜூன் மாதத்தில், 77.73 டன் தங்கம் இறக்குமதி ஆகியிருந்தது குறிப்பிடத்தக்கது.மதிப்பு அடிப்படையில் பார்த்தால், கடந்த ஆண்டு ஜூன் மாதத்தில், 20 ஆயிரத்து, 385 கோடி ரூபாய் அளவுக்கு இறக்குமதி செய்யப்பட்ட நிலையில், கடந்த ஜூன் மாதத்தில், 4,596 கோடி ரூபாய் அளவுக்கே இறக்குமதி ஆகியுள்ளது.
ஊரடங்குகள் தளர்த்தப்பட்டு, பண்டிகை காலமும் நெருங்கும் சமயத்தில் தான், தங்க
விற்பனை மீண்டும் அதிகரிக்க துவங்கும் என எதிர்பார்க்கப்படுகிறது.இவ்வாறு அவர்
கூறினார்.
மேலும் பொது செய்திகள்
|
Advertisement
|
Advertisement
|
Advertisement
|
|
|
|