புதுடெல்லி:கடந்த, 11ம் தேதியுடன் முடிவடைந்த இருவார காலத்தில், வங்கிகள் வழங்கிய கடன், 5.26 சதவீதம் அளவுக்கு அதிகரித்து, 102.24 லட்சம் கோடியாக உயர்ந்துள்ளது. மேலும், வங்கி டெபாசிட், 11.98 சதவீதம் அதிகரித்து, 142.48 லட்சம் கோடி ரூபாயாக உயர்ந்துள்ளது.

இதுவே, கடந்த ஆண்டு, செப்டம்பர் 13ம் தேதியுடன் முடிவடைந்த இரு வார காலத்தில், வங்கிகள் வழங்கிய கடன், 97.13 லட்சம் கோடி ரூபாயாகவும்; டெபாசிட், 127.22 லட்சம் கோடி ரூபாயாகவும் இருந்தது குறிப்பிடத்தக்கது.

இது குறித்து, ரிசர்வ் வங்கியின் தரவுகள் மேலும் தெரிவிப்பதாவது:கடந்த ஜூலை மாதத்தில், உணவு பொருட்கள் அல்லாத துறைகளில் வழங்கப்பட்ட கடன், 6.7 சதவீதம் அளவுக்கு வளர்ச்சி பெற்றுள்ளது. இதுவே, இதற்கு முந்தைய ஆண்டில், 11.4 சதவீத வளர்ச்சி பெற்றிருந்தது.மேலும், ஜூலை மாதத்தில், தொழிற்துறைக்கு வழங்கப்பட்ட கடன் வளர்ச்சி, 0.8 சதவீதம் என்ற அளவுக்கு குறைந்துள்ளது. இதுவே, கடந்த ஆண்டு ஜூலை மாதத்தில், வளர்ச்சி, 6.8 சதவீதமாக இருந்தது குறிப்பிடத்தக்கது.

ஜூலை மாதத்தில், விவசாயம் மற்றும் அவை சார்ந்தவற்றுக்கு வழங்கப்பட்ட கடன், 5.4 சதவீதம் வளர்ச்சி பெற்றுள்ளது. சேவை துறையில், 10.1 சதவீத வளர்ச்சி காணப்பட்டுள்ளது. தனிநபர் கடனை பொறுத்தவரை, கடந்த ஜூலையில், 11.2 சதவீத வளர்ச்சி கண்டுள்ளது. இது கடந்த ஆண்டு ஜூலையில், 17 சதவீதமாக இருந்தது.

மேலும் வங்கி மற்றும் நிதி செய்திகள்

உங்கள் முதல் சம்பளத்தில் மேற்கொள்ள வேண்டிய முதலீடுகள் செப்டம்பர் 26,2020

முதல் சம்பளம் பெறும் போது உண்டாகும் உற்சாகமான மனநிலையில் பெரும்பாலானோர், சேமிப்பு பற்றியோ முதலீடு பற்றியோ ... மேலும்

வாராக் கடன் பிரச்னைகள் தீர்க்கும் முயற்சியில் தீவிரம் செப்டம்பர் 26,2020

புதுடில்லி:வங்கிகளில் உள்ள வாராக் கடன்களின் முதல் தொகுப்பு, ‘தேசிய சொத்து மறுசீரமைப்பு’ நிறுவனத்தின் வசம் ... மேலும்

வைப்பு நிதி முதலீட்டில் அதிக பலன் பெற வழிகள் செப்டம்பர் 26,2020

வட்டி விகிதம் உயரத் துவங்கியிருக்கும் சூழலில், வைப்பு நிதி முதலீட்டு உத்தி எப்படி இருக்க வேண்டும் என்பது ... மேலும்

ரிசர்வ் வங்கி நிச்சயம் வட்டியை உயர்த்தும் செப்டம்பர் 26,2020

புதுடில்லி:ரிசர்வ் வங்கி 8ம் தேதி அன்று, அதன் பணக் கொள்கை கூட்டத்தின் முடிவில், மேலும் 0.4 சதவீதம் அளவுக்கு ... மேலும்

வீடுகள் விலை உயர்வுரிசர்வ் வங்கி அறிக்கை செப்டம்பர் 26,2020

மும்பை:அகில இந்திய அளவில், வீடுகளின் விலை குறித்த குறியீட்டு எண் ஆன, எச்.பி.ஐ., கடந்த மார்ச் மாதத்துடன் ... மேலும்